ਮਹਿੰਗਾਈ ਦਾ ਝਟਕਾ: ਪੈਟਰੋਲ-ਡੀਜ਼ਲ ਤੇ ਦੁੱਧ ਤੋਂ ਬਾਅਦ ਹੁਣ ਕੋਲਗੇਟ ਟੂਥਪੇਸਟ ਵੀ ਹੋਇਆ ਮਹਿੰਗਾ, 5% ਤੱਕ ਵਧੀਆਂ ਕੀਮਤਾਂ
ਈਰਾਨ ਯੁੱਧ ਦੀ ਮਾਰ ਹੁਣ ਆਮ ਜਨਤਾ ’ਤੇ ਪੈਣ ਲੱਗੀ ਹੈ। ਮਈ ਦੇ ਅੱਧ ਵਿੱਚ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ, ਦੁੱਧ ਦੇ ਦਾਮ ਵਧੇ ਅਤੇ ਹੁਣ ਮਹੀਨੇ ਦੇ ਆਖ਼ੀਰ ਵਿੱਚ ਟੂਥਪੇਸਟ ਦੀਆਂ ਕੀਮਤਾਂ ਵੀ ਵਧ ਗਈਆਂ ਹਨ। ਦੇਸ਼ ਦੀਆਂ ਦਿੱਗਜ ਐੱਫ.ਐੱਮ.ਸੀ.ਜੀ. (FMCG) ਕੰਪਨੀਆਂ ਵਿੱਚੋਂ ਇੱਕ ਕੋਲਗੇਟ-ਪਾਮੋਲਿਵ ਇੰਡੀਆ ਨੇ ਟੂਥਪੇਸਟ ਦੀਆਂ ਕੀਮਤਾਂ ਵਿੱਚ 5 ਫ਼ੀਸਦੀ ਤੱਕ ਦਾ ਵਾਧਾ ਕਰ ਦਿੱਤਾ ਹੈ।
Posted By Anuradha Bains
Publish Date: Fri, 29 May 2026 03:55 PM (IST)
Updated Date: Fri, 29 May 2026 03:57 PM (IST)
ਆਈ.ਏ.ਐੱਨ.ਐੱਸ., ਨਵੀਂ ਦਿੱਲੀ। ਈਰਾਨ ਯੁੱਧ ਦੀ ਮਾਰ ਹੁਣ ਆਮ ਜਨਤਾ ’ਤੇ ਪੈਣ ਲੱਗੀ ਹੈ। ਮਈ ਦੇ ਅੱਧ ਵਿੱਚ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ, ਦੁੱਧ ਦੇ ਦਾਮ ਵਧੇ ਅਤੇ ਹੁਣ ਮਹੀਨੇ ਦੇ ਆਖ਼ੀਰ ਵਿੱਚ ਟੂਥਪੇਸਟ ਦੀਆਂ ਕੀਮਤਾਂ ਵੀ ਵਧ ਗਈਆਂ ਹਨ। ਦੇਸ਼ ਦੀਆਂ ਦਿੱਗਜ ਐੱਫ.ਐੱਮ.ਸੀ.ਜੀ. (FMCG) ਕੰਪਨੀਆਂ ਵਿੱਚੋਂ ਇੱਕ ਕੋਲਗੇਟ-ਪਾਮੋਲਿਵ ਇੰਡੀਆ ਨੇ ਟੂਥਪੇਸਟ ਦੀਆਂ ਕੀਮਤਾਂ ਵਿੱਚ 5 ਫ਼ੀਸਦੀ ਤੱਕ ਦਾ ਵਾਧਾ ਕਰ ਦਿੱਤਾ ਹੈ।
ਕੱਚੇ ਮਾਲ ਅਤੇ ਪੈਕੇਜਿੰਗ ਦੀ ਲਾਗਤ ਵਧਣ ਕਾਰਨ ਕੰਪਨੀ ਨੇ ਆਪਣੇ ਪ੍ਰਸਿੱਧ ਟੂਥਪੇਸਟਾਂ, ਜਿਵੇਂ ਕਿ ਕੋਲਗੇਟ ਡੈਂਟਲ ਕ੍ਰੀਮ ਅਤੇ ਮੈਕਸ ਫ੍ਰੈਸ਼ ਦੀਆਂ ਕੀਮਤਾਂ ਵਿੱਚ ਵਾਧਾ ਕੀਤਾ ਹੈ।
ਹੁਣ ਕਿੰਨੀ ਹੋਈ ਕੀਮਤ?
ਰਿਪੋਰਟ ਮੁਤਾਬਕ, ਕੋਲਗੇਟ ਡੈਂਟਲ ਕ੍ਰੀਮ ਦੇ 200 ਗ੍ਰਾਮ + 100 ਗ੍ਰਾਮ + ਟੂਥਬ੍ਰਸ਼ ਪੈਕ ਦੀ ਕੀਮਤ ਵਿੱਚ 8 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ, ਜਿਸ ਨਾਲ ਇਸਦੀ ਕੀਮਤ ਵਧ ਕੇ 208 ਰੁਪਏ ਹੋ ਗਈ ਹੈ।
ਉੱਥੇ ਹੀ, ਕੋਲਗੇਟ ਡੈਂਟਲ ਕ੍ਰੀਮ ਦੇ 200 ਗ੍ਰਾਮ ਵਾਲੇ ਪੈਕ ਦੀ ਕੀਮਤ ਵਿੱਚ 5 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ, ਜਿਸ ਨਾਲ ਹੁਣ ਇਸਦੀ ਕੀਮਤ 135 ਰੁਪਏ ਹੋ ਗਈ ਹੈ। ਕੋਲਗੇਟ ਡੈਂਟਲ ਕ੍ਰੀਮ ਦੇ 100 ਗ੍ਰਾਮ ਵਾਲੇ ਪੈਕ ਦੀ ਕੀਮਤ 3 ਰੁਪਏ ਵਧਾਈ ਗਈ ਹੈ, ਜਿਸ ਨਾਲ ਇਹ ਹੁਣ 73 ਰੁਪਏ ਦਾ ਹੋ ਗਿਆ ਹੈ। ਇਸਦੇ ਨਾਲ ਹੀ ਇਸਦੀ ਮਾਤਰਾ ਵਿੱਚ ਲਗਪਗ 10 ਫ਼ੀਸਦੀ ਦਾ ਵਾਧਾ ਕੀਤਾ ਗਿਆ ਹੈ।
ਕੋਲਗੇਟ ਮੈਕਸ ਫ੍ਰੈਸ਼ ਬਲੂ 70 ਗ੍ਰਾਮ + 15 ਫ਼ੀਸਦੀ ਐਕਸਟ੍ਰਾ ਪੈਕ ਦੀ ਕੀਮਤ ਵਿੱਚ 4 ਰੁਪਏ ਦਾ ਵਾਧਾ ਹੋਇਆ ਹੈ, ਜਿਸ ਨਾਲ ਇਸਦੀ ਕੀਮਤ ਵਧ ਕੇ 83 ਰੁਪਏ ਹੋ ਗਈ ਹੈ।
ਪ੍ਰੀਮੀਅਮ ਟੂਥਪੇਸਟ ਦੀਆਂ ਕੀਮਤਾਂ ਜ਼ਿਆਦਾ ਵਧੀਆਂ
ਪ੍ਰੀਮੀਅਮ ਉਤਪਾਦਾਂ ਦੀਆਂ ਕੀਮਤਾਂ ਵਿੱਚ ਜ਼ਿਆਦਾ ਵਾਧਾ ਦੇਖਿਆ ਗਿਆ ਹੈ, ਜਿਸ ਵਿੱਚ ਵਿਜ਼ੀਬਲ ਵ੍ਹਾਈਟ ਪਰਪਲ 200 Gram + 20 ਫ਼ੀਸਦੀ ਐਕਸਟ੍ਰਾ ਪੈਕ ਦੀ ਕੀਮਤ 17 ਰੁਪਏ ਵਧ ਕੇ 395 ਰੁਪਏ ਹੋ ਗਈ ਹੈ।
ਕੀ ਤੁਰੰਤ ਪ੍ਰਭਾਵ ਨਾਲ ਲਾਗੂ ਹੋਣਗੀਆਂ ਵਧੀਆਂ ਕੀਮਤਾਂ?
ਵਿਤਰਕਾਂ ਨੇ ਸੰਕੇਤ ਦਿੱਤਾ ਹੈ ਕਿ ਘੱਟ ਐੱਮ.ਆਰ.ਪੀ. ਵਾਲੇ ਪੈਕਟਾਂ ਦੀਆਂ ਕੀਮਤਾਂ ਵਿੱਚ ਤੁਰੰਤ ਬਦਲਾਅ ਹੋਣ ਦੀ ਸੰਭਾਵਨਾ ਨਹੀਂ ਹੈ, ਕਿਉਂਕਿ ਇਹ ਸ਼੍ਰੇਣੀਆਂ ਕੀਮਤਾਂ ਦੇ ਮਾਮਲੇ ਵਿੱਚ ਕਾਫ਼ੀ ਸੰਵੇਦਨਸ਼ੀਲ ਹਨ ਅਤੇ ਮੁੱਖ ਤੌਰ 'ਤੇ ਆਮ ਖਪਤਕਾਰਾਂ ਨੂੰ ਨਿਸ਼ਾਨਾ ਬਣਾਉਂਦੀਆਂ ਹਨ।
ਕੀਮਤਾਂ ਵਿੱਚ ਇਹ ਤਾਜ਼ਾ ਵਾਧਾ ਅਜਿਹੇ ਸਮੇਂ ਹੋਇਆ ਹੈ ਜਦੋਂ ਐੱਫ.ਐੱਮ.ਸੀ.ਜੀ. ਕੰਪਨੀਆਂ ਕਮੋਡਿਟੀਜ਼, ਪੈਕੇਜਿੰਗ ਸਮੱਗਰੀ ਅਤੇ ਲੌਜਿਸਟਿਕਸ ਦੀ ਲਾਗਤ ਵਿੱਚ ਲਗਾਤਾਰ ਵਧ ਰਹੀ ਮਹਿੰਗਾਈ ਦੇ ਦਬਾਅ ਨਾਲ ਜੂਝ ਰਹੀਆਂ ਹਨ। ਰਿਪੋਰਟ ਅਨੁਸਾਰ, ਕੰਪਨੀ ਦੀ ਕਮਾਈ ਦਾ ਸਭ ਤੋਂ ਵੱਡਾ ਜ਼ਰੀਆ ਟੂਥਪੇਸਟ ਹੀ ਹੈ, ਜੋ ਕਿ ਇਸਦੀ ਕੁੱਲ ਕਮਾਈ ਦਾ ਲਗਭਗ 80 ਫ਼ੀਸਦੀ ਹਿੱਸਾ ਹੈ।