Ration Card 'ਚ ਘਰ ਬੈਠੇ ਪਰਿਵਾਰਕ ਮੈਂਬਰ ਦਾ ਨਾਂ ਕਿਵੇਂ ਜੋੜੀਏ, ਬੱਸ ਇਕ ਐਪ ਅਤੇ ਹੋ ਜਾਵੇਗਾ ਸਾਰਾ ਕੰਮ; ਦੇਖੋ ਪ੍ਰੋਸੈੱਸ

ਨਵੀਂ ਦਿੱਲੀ : ਰਾਸ਼ਨ ਕਾਰਡ ਆਮ ਆਦਮੀ ਦੀ ਜ਼ਰੂਰਤ ਹੈ। ਇਸ ਤੋਂ ਬਿਨਾਂ ਉਹ ਸਰਕਾਰ ਵੱਲੋਂ ਮਿਲਣ ਵਾਲੇ ਮੁਫ਼ਤ ਰਾਸ਼ਨ ਦਾ ਫਾਇਦਾ ਨਹੀਂ ਲੈ ਸਕਦੇ। ਰਾਸ਼ਨ ਕਾਰਡ 'ਚ ਜਿੰਨੇ ਜ਼ਿਆਦਾ ਪਰਿਵਾਰਕ ਮੈਂਬਰ ਸ਼ਾਮਲ ਹੋਣਗੇ, ਤੁਹਾਨੂੰ ਓਨਾ ਹੀ ਜ਼ਿਆਦਾ ਫਾਇਦਾ ਮਿਲੇਗਾ।

ਜੇਕਰ ਤੁਹਾਡੇ ਪਰਿਵਾਰ ਦਾ ਕੋਈ ਮੈਂਬਰ ਰਾਸ਼ਨ ਕਾਰਡ 'ਚ ਸ਼ਾਮਲ ਨਹੀਂ ਹੈ ਅਤੇ ਤੁਸੀਂ ਉਸਦਾ ਨਾਂ ਜੋੜਨਾ ਚਾਹੁੰਦੇ ਹੋ ਤਾਂ ਇਸਦੇ ਲਈ ਤੁਹਾਨੂੰ ਦਫ਼ਤਰਾਂ ਦੇ ਚੱਕਰ ਲਗਾਉਣ ਦੀ ਲੋੜ ਨਹੀਂ ਹੈ। ਤੁਸੀਂ ਘਰ ਬੈਠੇ ਹੀ ਰਾਸ਼ਨ ਕਾਰਡ 'ਚ ਆਪਣੇ ਪਰਿਵਾਰਕ ਮੈਂਬਰ ਦਾ ਨਾਂ ਜੋੜ ਸਕਦੇ ਹੋ। ਇਸਦੇ ਲਈ ਤੁਹਾਨੂੰ ਬੱਸ ਇਕ ਐਪ ਦੀ ਲੋੜ ਪਵੇਗੀ।

ਕਿਸ ਐਪ ਦੀ ਪਵੇਗੀ ਲੋੜ?

ਇਸਦੇ ਲਈ ਤੁਹਾਨੂੰ ਪਲੇਅ ਸਟੋਰ ਤੋਂ Mera Ration 2.0 ਡਾਊਨਲੋਡ ਕਰਨਾ ਹੋਵੇਗਾ। ਇਸ ਐਪ ਰਾਹੀਂ ਤੁਸੀਂ ਘਰ ਬੈਠੇ ਹੀ ਆਪਣੇ ਪਰਿਵਾਰਕ ਮੈਂਬਰ ਦਾ ਨਾਮ ਰਾਸ਼ਨ ਕਾਰਡ ਵਿੱਚ ਸ਼ਾਮਲ ਕਰ ਸਕਦੇ ਹੋ। ਆਓ ਜਾਣਦੇ ਹਾਂ ਇਸ ਦਾ ਤਰੀਕਾ ਕੀ ਹੈ।

ਕੀ ਹੈ ਤਰੀਕਾ?

• ਸਟੈਪ 1: ਸਭ ਤੋਂ ਪਹਿਲਾਂ ਪਲੇਅ ਸਟੋਰ ਤੋਂ Mera Ration 2.0 ਐਪ ਡਾਊਨਲੋਡ ਕਰੋ।
• ਸਟੈਪ 2: ਇਸ ਤੋਂ ਬਾਅਦ ਤੁਹਾਨੂੰ ਆਪਣਾ ਆਧਾਰ ਨੰਬਰ ਦਰਜ ਕਰਨਾ ਹੋਵੇਗਾ। ਇਹ ਧਿਆਨ ਰੱਖੋ ਕਿ ਆਧਾਰ ਨੰਬਰ ਮੋਬਾਈਲ ਨਾਲ ਲਿੰਕ ਹੋਣਾ ਚਾਹੀਦਾ ਹੈ।
• ਸਟੈਪ 3: ਹੁਣ ਵੈਰੀਫਿਕੇਸ਼ਨ ਲਈ ਤੁਹਾਡੇ ਮੋਬਾਈਲ 'ਤੇ ਇੱਕ OTP ਆਵੇਗਾ, ਉਸਨੂੰ ਦਰਜ ਕਰੋ।
• ਸਟੈਪ 4: ਇਸ ਤੋਂ ਬਾਅਦ ਐਪ ਲਈ ਇੱਕ ਪਿੰਨ (PIN) ਸੈੱਟ ਕਰਨਾ ਹੋਵੇਗਾ।
• ਸਟੈਪ 5: ਫਿਰ ਐਪ ਵਿੱਚ 'Family Details' 'ਤੇ ਕਲਿੱਕ ਕਰੋ। ਹੁਣ ਤੁਹਾਡੇ ਸਾਹਮਣੇ ਉਨ੍ਹਾਂ ਮੈਂਬਰਾਂ ਦੇ ਵੇਰਵੇ ਆ ਜਾਣਗੇ ਜੋ ਪਹਿਲਾਂ ਹੀ ਰਾਸ਼ਨ ਕਾਰਡ ਵਿੱਚ ਸ਼ਾਮਲ ਹਨ।
• ਸਟੈਪ 6: ਨਵਾਂ ਮੈਂਬਰ ਜੋੜਨ ਲਈ ਤੁਹਾਨੂੰ 'Add New Member' ਦਾ ਆਪਸ਼ਨ ਮਿਲੇਗਾ, ਉਸ 'ਤੇ ਕਲਿੱਕ ਕਰੋ।
• ਸਟੈਪ 7: ਹੁਣ ਇੱਥੇ ਮੰਗੀ ਗਈ ਜਾਣਕਾਰੀ ਦਰਜ ਕਰਕੇ ਸਬਮਿਟ (Submit) 'ਤੇ ਕਲਿੱਕ ਕਰ ਦਿਓ।

ਆਧਾਰ ਨਾਲ ਮੋਬਾਈਲ ਨੰਬਰ ਕਿਵੇਂ ਲਿੰਕ ਕਰੀਏ?

ਜੇਕਰ ਤੁਹਾਡਾ ਮੋਬਾਈਲ ਨੰਬਰ ਆਧਾਰ ਨਾਲ ਲਿੰਕ ਨਹੀਂ ਹੈ, ਤਾਂ ਤੁਸੀਂ ਹੇਠਾਂ ਦਿੱਤੇ ਸਟੈਪਸ ਦੀ ਪਾਲਣਾ ਕਰ ਸਕਦੇ ਹੋ:

1. UIDAI ਦੀ ਵੈੱਬਸਾਈਟ 'ਤੇ ਜਾਓ
2. ਇੱਥੇ 'My Aadhaar' ਵਿੱਚ 'Get Aadhaar' ਦਾ ਆਪਸ਼ਨ ਚੁਣੋ, ਉੱਥੇ ਹੀ ਤੁਹਾਨੂੰ 'Book Appointment' ਦਾ ਵਿਕਲਪ ਮਿਲੇਗਾ।
3. ਆਪਣਾ ਸ਼ਹਿਰ ਜਾਂ ਲੋਕੇਸ਼ਨ ਦਰਜ ਕਰਕੇ 'Proceed to Book Appointment' 'ਤੇ ਕਲਿੱਕ ਕਰੋ।
4. ਆਪਣਾ ਮੋਬਾਈਲ ਨੰਬਰ ਅਤੇ ਕੈਪਚਾ ਦਰਜ ਕਰਕੇ OTP ਰਾਹੀਂ ਵੈਰੀਫਿਕੇਸ਼ਨ ਕਰੋ।
5. 'Resident Type' ਚੁਣੋ ਅਤੇ ਨਵਾਂ ਮੋਬਾਈਲ ਨੰਬਰ ਦਰਜ ਕਰੋ।
6. Next 'ਤੇ ਕਲਿੱਕ ਕਰਕੇ ਅਪੁਆਇੰਟਮੈਂਟ ਦੀ ਮਿਤੀ (Date) ਅਤੇ ਸਮਾਂ (Time) ਚੁਣੋ।
7. ਵੇਰਵਿਆਂ ਦੀ ਜਾਂਚ ਕਰਕੇ Submit ਕਰੋ।

ਚੁਣੇ ਹੋਏ ਸਮੇਂ 'ਤੇ ਆਧਾਰ ਸੈਂਟਰ ਜਾਓ। ਉੱਥੇ ਕਰਮਚਾਰੀ ਤੁਹਾਡੇ ਬਾਇਓਮੈਟ੍ਰਿਕ ਵੇਰਵੇ ਲੈ ਕੇ ਨਵਾਂ ਮੋਬਾਈਲ ਨੰਬਰ ਲਿੰਕ ਕਰ ਦੇਵੇਗਾ।