Ration Card 'ਚ ਨਹੀਂ ਹੈ ਘਰ ਦੇ ਮੈਂਬਰ ਦਾ ਨਾਂ, ਬੱਸ ਇਕ ਐਪ ਤੇ ਝਟਪਟ ਹੋ ਜਾਵੇਗਾ ਤੁਹਾਡਾ ਕੰਮ; ਦੇਖੋ ਪ੍ਰੋਸੈੱਸ

ਨਵੀਂ ਦਿੱਲੀ : ਰਾਸ਼ਨ ਕਾਰਡ (Ration Card) ਆਮ ਆਦਮੀ ਦੀ ਜ਼ਰੂਰਤ ਬਣ ਚੁੱਕਾ ਹੈ। ਰਾਸ਼ਨ ਕਾਰਡ ਰਾਹੀਂ ਤੁਸੀਂ ਮੁਫ਼ਤ ਜਾਂ ਸਸਤਾ ਰਾਸ਼ਨ ਲੈ ਸਕਦੇ ਹੋ। ਰਾਸ਼ਨ ਕਾਰਡ 'ਚ ਪਰਿਵਾਰ ਦੇ ਜਿੰਨੇ ਜ਼ਿਆਦਾ ਮੈਂਬਰ ਸ਼ਾਮਲ ਹੋਣਗੇ, ਤੁਹਾਨੂੰ ਉਨਾ ਹੀ ਜ਼ਿਆਦਾ ਰਾਸ਼ਨ ਮਿਲਦਾ ਹੈ। ਇਸ ਲਈ ਇਸ ਵਿੱਚ ਪਰਿਵਾਰ ਦੇ ਸਾਰੇ ਮੈਂਬਰਾਂ ਦੇ ਨਾਂ ਜੋੜਨਾ ਜ਼ਰੂਰੀ ਹੈ। ਅੱਜ ਅਸੀਂ ਜਾਣਾਂਗੇ ਕਿ ਤੁਸੀਂ ਘਰ ਬੈਠੇ ਰਾਸ਼ਨ ਕਾਰਡ 'ਚ ਪਰਿਵਾਰਕ ਮੈਂਬਰ ਦਾ ਨਾਂ ਕਿਵੇਂ ਜੋੜ ਸਕਦੇ ਹੋ।

ਜੇਕਰ ਤੁਹਾਡੇ ਪਰਿਵਾਰ ਦਾ ਕੋਈ ਮੈਂਬਰ ਰਾਸ਼ਨ ਕਾਰਡ 'ਚ ਸ਼ਾਮਲ ਨਹੀਂ ਹੈ ਅਤੇ ਤੁਸੀਂ ਉਨ੍ਹਾਂ ਨੂੰ ਸ਼ਾਮਲ ਕਰਨਾ ਚਾਹੁੰਦੇ ਹੋ ਤਾਂ ਇਸਦੇ ਲਈ ਤੁਹਾਨੂੰ ਦਫ਼ਤਰਾਂ ਦੇ ਚੱਕਰ ਲਗਾਉਣ ਦੀ ਲੋੜ ਨਹੀਂ ਹੈ। ਤੁਸੀਂ ਘਰ ਬੈਠੇ ਹੀ ਰਾਸ਼ਨ ਕਾਰਡ 'ਚ ਆਪਣੇ ਪਰਿਵਾਰ ਦਾ ਨਾਂ ਜੋੜ ਸਕਦੇ ਹੋ। ਇਸਦੇ ਲਈ ਤੁਹਾਨੂੰ ਬੱਸ ਇੱਕ ਐਪ ਦੀ ਲੋੜ ਹੋਵੇਗੀ।

ਕਿਹੜੀ ਐਪ ਦੀ ਹੋਵੇਗੀ ਲੋੜ?

ਇਸਦੇ ਲਈ ਤੁਹਾਨੂੰ ਪਲੇਅ ਸਟੋਰ ਤੋਂ Mera Ration 2.0 ਡਾਊਨਲੋਡ ਕਰਨਾ ਹੋਵੇਗਾ। ਇਸ ਐਪ ਰਾਹੀਂ ਤੁਸੀਂ ਘਰ ਬੈਠੇ ਹੀ ਆਪਣੇ ਪਰਿਵਾਰ ਦੇ ਮੈਂਬਰ ਦਾ ਨਾਂ ਰਾਸ਼ਨ ਕਾਰਡ 'ਚ ਸ਼ਾਮਲ ਕਰ ਸਕਦੇ ਹੋ। ਆਓ ਜਾਣਦੇ ਹਾਂ ਕਿ ਇਸਦਾ ਕੀ ਪ੍ਰੋਸੈਸ ਹੈ।

ਕੀ ਹੈ ਤਰੀਕਾ?

ਸਟੈੱਪ 1: ਸਭ ਤੋਂ ਪਹਿਲਾਂ ਤੁਸੀਂ ਪਲੇਅ ਸਟੋਰ ਤੋਂ Mera Ration 2.0 ਡਾਊਨਲੋਡ ਕਰੋ।

ਸਟੈੱਪ 2: ਇਸ ਤੋਂ ਬਾਅਦ ਆਪਣਾ ਆਧਾਰ ਨੰਬਰ ਦਰਜ ਕਰੋ। ਇਹ ਧਿਆਨ ਰੱਖੋ ਕਿ ਆਧਾਰ ਨੰਬਰ ਮੋਬਾਈਲ ਨਾਲ ਲਿੰਕ ਹੋਣਾ ਚਾਹੀਦਾ ਹੈ ਤਾਂ ਹੀ ਤੁਸੀਂ ਮੋਬਾਈਲ ਰਾਹੀਂ ਵੈਰੀਫਿਕੇਸ਼ਨ ਪੂਰੀ ਕਰ ਸਕਦੇ ਹੋ।

ਸਟੈੱਪ 3: ਹੁਣ ਵੈਰੀਫਿਕੇਸ਼ਨ ਲਈ ਤੁਹਾਡੇ ਮੋਬਾਈਲ 'ਤੇ ਇਕ OTP ਆਵੇਗਾ, ਇਸਨੂੰ ਦਰਜ ਕਰੋ।

ਸਟੈੱਪ 4: ਇਸ ਤੋਂ ਬਾਅਦ ਐਪ ਲਈ ਇਕ ਪਿੰਨ (PIN) ਸੈੱਟ ਕਰਨਾ ਹੋਵੇਗਾ।

ਸਟੈੱਪ 5: ਫਿਰ ਤੁਹਾਨੂੰ ਐਪ ਵਿੱਚ 'Family Details' 'ਤੇ ਕਲਿੱਕ ਕਰਨਾ ਹੋਵੇਗਾ। ਹੁਣ ਤੁਹਾਡੇ ਸਾਹਮਣੇ ਪਰਿਵਾਰ ਦੇ ਉਨ੍ਹਾਂ ਮੈਂਬਰਾਂ ਦੇ ਵੇਰਵੇ ਆਉਣਗੇ, ਜੋ ਪਹਿਲਾਂ ਤੋਂ ਰਾਸ਼ਨ ਕਾਰਡ 'ਚ ਸ਼ਾਮਲ ਹਨ।

ਸਟੈੱਪ 6: ਨਵਾਂ ਮੈਂਬਰ ਜੋੜਨ ਲਈ ਤੁਹਾਨੂੰ 'New Member' ਦਾ ਆਪਸ਼ਨ ਮਿਲੇਗਾ, ਇਸ 'ਤੇ ਕਲਿੱਕ ਕਰੋ।

ਸਟੈੱਪ 7: ਹੁਣ ਇੱਥੇ ਮੰਗੀ ਗਈ ਜਾਣਕਾਰੀ ਦਰਜ ਕਰਕੇ ਸਬਮਿਟ (Submit) 'ਤੇ ਕਲਿੱਕ ਕਰ ਦਿਓ।

ਜੇਕਰ ਤੁਹਾਡਾ ਆਧਾਰ ਨਾਲ ਮੋਬਾਈਲ ਨੰਬਰ ਲਿੰਕ ਨਾ ਹੋਵੇ, ਤਾਂ ਉਸਦੇ ਲਈ ਤੁਸੀਂ ਹੇਠਾਂ ਦਿੱਤੇ ਸਟੈੱਪਸ ਫਾਲੋ ਕਰ ਸਕਦੇ ਹੋ।