Govt Scheme : ਕਮਾਲ ਦੀਆਂ ਹਨ ਇਹ ਸਰਕਾਰੀ ਸਕੀਮਾਂ, FD ਨਾਲੋਂ ਵੀ ਮਿਲਦਾ ਹੈ ਜ਼ਿਆਦਾ ਰਿਟਰਨ; ਦੇਖੋ ਹਰੇਕ ਡਿਟੇਲ

ਅੱਜ ਵੀ ਕਈ ਲੋਕ ਸੁਰੱਖਿਅਤ ਨਿਵੇਸ਼ ਲਈ ਐੱਫਡੀ (FD) 'ਤੇ ਭਰੋਸਾ ਕਰਦੇ ਹਨ, ਕਿਉਂਕਿ ਇਸ ਵਿੱਚ ਤੁਹਾਡਾ ਪੈਸਾ ਡੁੱਬਦਾ ਨਹੀਂ। ਪਰ ਇਸ ਵਿੱਚ ਮਿਲਣ ਵਾਲੇ ਰਿਟਰਨ ਤੋਂ ਜ਼ਿਆਦਾਤਰ ਨਿਵੇਸ਼ਕ ਖੁਸ਼ ਨਹੀਂ ਰਹਿੰਦੇ ਅਤੇ ਬਿਹਤਰ ਰਿਟਰਨ ਲਈ ਅਸੁਰੱਖਿਅਤ ਨਿਵੇਸ਼ ਵਿਕਲਪਾਂ ਵੱਲ ਵਧਣ ਲੱਗਦੇ ਹਨ।

ਪਰ ਜੇਕਰ ਅਸੀਂ ਕਹੀਏ ਕਿ ਤੁਹਾਨੂੰ ਬਿਹਤਰ ਰਿਟਰਨ ਲਈ ਅਸੁਰੱਖਿਅਤ ਵਿਕਲਪਾਂ ਵੱਲ ਭੱਜਣ ਦੀ ਲੋੜ ਨਹੀਂ ਹੈ ਤਾਂ? ਅੱਜ ਅਸੀਂ ਤੁਹਾਨੂੰ ਅਜਿਹੀਆਂ ਤਿੰਨ ਸਰਕਾਰੀ ਸਕੀਮਾਂ ਬਾਰੇ ਦੱਸਣ ਜਾ ਰਹੇ ਹਾਂ, ਜੋ ਤੁਹਾਨੂੰ ਐੱਫਡੀ ਨਾਲੋਂ ਵੀ ਜ਼ਿਆਦਾ ਰਿਟਰਨ ਦੇ ਦੇਣਗੀਆਂ। ਇਸ ਦੇ ਨਾਲ ਹੀ ਇਹ ਸੁਰੱਖਿਅਤ ਵੀ ਹਨ ਕਿਉਂਕਿ ਇਹ ਸਰਕਾਰੀ ਯੋਜਨਾਵਾਂ ਹਨ। ਆਓ ਇਨ੍ਹਾਂ ਬਾਰੇ ਇੱਕ-ਇੱਕ ਕਰਕੇ ਗੱਲ ਕਰਦੇ ਹਾਂ।

ਇਨ੍ਹਾਂ ਸਕੀਮਾਂ ਵਿੱਚ ਮਿਲਦਾ ਹੈ FD ਤੋਂ ਜ਼ਿਆਦਾ ਰਿਟਰਨ

NPS ਸਕੀਮ: ਇਹ ਇਕ ਸਰਕਾਰੀ ਸਕੀਮ ਹੈ। ਇਸ ਸਕੀਮ ਤਹਿਤ ਸਰਕਾਰ ਤੁਹਾਡਾ ਪੈਸਾ ਬਾਂਡ ਅਤੇ ਇਕੁਇਟੀ ਵਰਗੇ ਸੁਰੱਖਿਅਤ ਐਸੇਟਸ 'ਚ ਨਿਵੇਸ਼ ਕਰਦੀ ਹੈ। ਇਸ ਦੇ ਨਾਲ ਹੀ ਨਿਵੇਸ਼ ਕੀਤੀ ਰਕਮ ਦਾ ਕੁਝ ਹਿੱਸਾ ਪੈਨਸ਼ਨ ਦੇ ਰੂਪ 'ਚ ਰੱਖਿਆ ਜਾਂਦਾ ਹੈ। ਇਹ ਪੈਸੇ ਤੁਸੀਂ ਰਿਟਾਇਰ ਹੋਣ 'ਤੇ 70 ਸਾਲ ਤੋਂ 75 ਸਾਲ ਦੀ ਉਮਰ ਵਿੱਚ ਕਢਵਾ ਸਕਦੇ ਹੋ। ਇਹ ਇਕ ਤਰ੍ਹਾਂ ਨਾਲ ਸੁਰੱਖਿਅਤ ਰਿਟਾਇਰਮੈਂਟ ਸਕੀਮ ਦਾ ਬਦਲ ਹੈ। ਇਸ ਦੇ ਨਾਲ ਹੀ ਮੈਚਿਓਰਿਟੀ ਦੀ ਰਕਮ 'ਤੇ ਤੁਹਾਨੂੰ ਟੈਕਸ ਛੋਟ ਵੀ ਮਿਲਦੀ ਹੈ। ਹਾਲਾਂਕਿ ਤੁਹਾਡਾ ਪੈਸਾ ਸ਼ੇਅਰ ਬਾਜ਼ਾਰ ਵਿੱਚ ਨਿਵੇਸ਼ ਹੋ ਰਿਹਾ ਹੈ, ਪਰ ਇਸ ਵਿੱਚ ਨਿਵੇਸ਼ਕਾਂ ਨੂੰ 8 ਫੀਸਦੀ ਤੱਕ ਰਿਟਰਨ ਮਿਲ ਸਕਦਾ ਹੈ।

RBI ਫਲੋਟਿੰਗ ਰੇਟ ਬਾਂਡ : NPS ਸਕੀਮ ਦਾ ਫਾਇਦਾ ਲੈਣ ਲਈ ਤੁਹਾਨੂੰ ਕਾਫੀ ਲੰਬੇ ਸਮੇਂ ਦਾ ਇੰਤਜ਼ਾਰ ਕਰਨਾ ਪੈ ਸਕਦਾ ਹੈ। ਜੇਕਰ ਤੁਸੀਂ ਇੰਨੇ ਲੰਬੇ ਸਮੇਂ ਤੱਕ ਇੰਤਜ਼ਾਰ ਨਹੀਂ ਕਰਨਾ ਚਾਹੁੰਦੇ, ਤਾਂ ਆਰਬੀਆਈ (RBI) ਫਲੋਟਿੰਗ ਰੇਟ ਬਾਂਡ ਤੁਹਾਡੇ ਲਈ ਸਭ ਤੋਂ ਵਧੀਆ ਵਿਕਲਪ ਹੈ। ਇਸ ਵਿੱਚ ਤੁਹਾਨੂੰ 8.05 ਫੀਸਦੀ ਤੱਕ ਰਿਟਰਨ ਮਿਲ ਸਕਦਾ ਹੈ। ਇਸ ਵਿੱਚ ਨਿਵੇਸ਼ ਕਰਨ ਲਈ ਤੁਹਾਨੂੰ 'RBI ਰਿਟੇਲ ਐਪ' (RBI Retail App) 'ਤੇ ਜਾਣਾ ਪਵੇਗਾ।

ਇਸ ਤਰੀਕੇ ਨਾਲ ਤੁਸੀਂ ਐੱਫਡੀ ਵਰਗੀ ਸੁਰੱਖਿਅਤ ਸਕੀਮ ਵਿੱਚ ਨਿਵੇਸ਼ ਵੀ ਕਰ ਲਵੋਗੇ ਅਤੇ ਤੁਹਾਨੂੰ ਬਿਹਤਰ ਰਿਟਰਨ ਲਈ ਅਸੁਰੱਖਿਅਤ ਨਿਵੇਸ਼ ਵਿਕਲਪਾਂ ਵੱਲ ਨਹੀਂ ਭੱਜਣਾ ਪਵੇਗਾ।