Gold Bond ਨੇ ਬਣਾਇਆ ਮਾਲਾਮਾਲ : 6 ਸਾਲ 'ਚ 278% ਰਿਟਰਨ, ₹1 ਲੱਖ ਦੇ ਬਣਾਏ ₹3.78 ਲੱਖ; ਕਦੋਂ ਮਿਲੇਗਾ ਪੈਸਾ ਤੇ ਕਿਵੇਂ ਕਰੀਏ ਨਿਵੇਸ਼?

ਨਵੀਂ ਦਿੱਲੀ : ਜੇਕਰ ਤੁਸੀਂ ਸਾਲ 2020 'ਚ ਸੋਵਰੇਨ ਗੋਲਡ ਬੌਂਡ (SGB) 'ਚ ਨਿਵੇਸ਼ ਕੀਤਾ ਸੀ ਤਾਂ ਤੁਹਾਡੇ ਲਈ ਵੱਡੀ ਖ਼ਬਰ ਹੈ। ਰਿਜ਼ਰਵ ਬੈਂਕ ਆਫ਼ ਇੰਡੀਆ (RBI) ਨੇ SGB 2019-20 ਸੀਰੀਜ਼-X (SGB Series X) ਦੇ ਲਈ 'ਪ੍ਰੀ-ਮੈਚਿਓਰ ਰਿਡੈਂਪਸ਼ਨ' (ਸਮੇਂ ਤੋਂ ਪਹਿਲਾਂ ਭੁਗਤਾਨ) ਦੀ ਕੀਮਤ ਤੈਅ ਕਰ ਦਿੱਤੀ ਹੈ। ਇਸ ਸੀਰੀਜ਼ 'ਚ ਨਿਵੇਸ਼ ਕਰਨ ਵਾਲਿਆਂ ਨੂੰ ਕਰੀਬ 278% ਤਕ ਦਾ ਸ਼ਾਨਦਾਰ ਰਿਟਰਨ ਮਿਲ ਰਿਹਾ ਹੈ।

RBI ਅਨੁਸਾਰ, ਇਸ ਗੋਲਡ ਬੌਂਡ ਸੀਰੀਜ਼ ਨੂੰ 11 ਮਾਰਚ 2026 ਤੋਂ ਸਮੇਂ ਤੋਂ ਪਹਿਲਾਂ ਤੁੜਵਾਇਆ (redeem) ਜਾ ਸਕੇਗਾ। ਨਿਯਮਾਂ ਅਨੁਸਾਰ SGB ਨੂੰ ਜਾਰੀ ਹੋਣ ਦੇ ਪੰਜ ਸਾਲ ਬਾਅਦ, ਵਿਆਜ ਭੁਗਤਾਨ ਦੀ ਮਿਤੀ 'ਤੇ ਪ੍ਰੀ-ਮੈਚਿਓਰ ਰਿਡੈਂਪਸ਼ਨ ਦੀ ਇਜਾਜ਼ਤ ਦਿੱਤੀ ਜਾਂਦੀ ਹੈ।

ਕਿੰਨੀ ਤੈਅ ਹੋਈ ਰਿਡੈਂਪਸ਼ਨ ਕੀਮਤ?

ਆਰਬੀਆਈ ਨੇ ਇਸ ਸੀਰੀਜ਼ ਲਈ ₹15,920 ਪ੍ਰਤੀ ਯੂਨਿਟ (ਪ੍ਰਤੀ ਗ੍ਰਾਮ) ਦੀ ਪ੍ਰੀ-ਮੈਚਿਓਰ ਰਿਡੈਂਪਸ਼ਨ ਕੀਮਤ ਤੈਅ ਕੀਤੀ ਹੈ। ਇਹ ਕੀਮਤ 6, 9 ਅਤੇ 10 ਮਾਰਚ 2026 ਦੇ ਦੌਰਾਨ ਸੋਨੇ ਦੇ ਬੰਦ ਭਾਅ ਦੀ ਔਸਤ ਦੇ ਅਧਾਰ 'ਤੇ ਤੈਅ ਕੀਤੀ ਗਈ ਹੈ।

ਜਦੋਂ ਇਹ ਗੋਲਡ ਬਾਂਡ ਮਾਰਚ 2020 ਵਿਚ ਜਾਰੀ ਹੋਇਆ ਸੀ, ਤਦ ਇਸਦੀ ਕੀਮਤ ਸੀ:

₹4,210 ਪ੍ਰਤੀ ਗ੍ਰਾਮ (ਆਨਲਾਈਨ ਖ਼ਰੀਦ)

₹4,260 ਪ੍ਰਤੀ ਗ੍ਰਾਮ (ਆਫਲਾਈਨ ਖ਼ਰੀਦ)

ਇਸ ਹਿਸਾਬ ਨਾਲ ਸਿਰਫ਼ ਕੀਮਤ 'ਚ ਵਾਧੇ ਦੇ ਅਧਾਰ 'ਤੇ ਨਿਵੇਸ਼ਕਾਂ ਨੂੰ ₹11,710 ਪ੍ਰਤੀ ਗ੍ਰਾਮ ਦਾ ਫਾਇਦਾ ਹੋ ਰਿਹਾ ਹੈ।

278% ਰਿਟਰਨ ਦਾ ਕੀ ਮਤਲਬ?

ਜੇਕਰ ਕਿਸੇ ਨਿਵੇਸ਼ਕ ਨੇ 2020 ਵਿਚ ਇਸ SGB ਸੀਰੀਜ਼ 'ਚ ₹1 ਲੱਖ ਦਾ ਨਿਵੇਸ਼ ਕੀਤਾ ਸੀ, ਤਾਂ ਹੁਣ ਉਸਦੀ ਕੀਮਤ ਕਰੀਬ ₹3.78 ਲੱਖ ਹੋ ਚੁੱਕੀ ਹੈ। ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਇਹ ਗਣਨਾ ਕੇਵਲ ਗੋਲਡ ਦੀ ਕੀਮਤ ਵਧਣ ਦੇ ਅਧਾਰ 'ਤੇ ਹੈ। ਇਸ ਤੋਂ ਇਲਾਵਾ ਨਿਵੇਸ਼ਕਾਂ ਨੂੰ ਹਰ ਸਾਲ 2.5% ਦਾ ਨਿਸ਼ਚਿਤ ਵਿਆਜ ਵੀ ਮਿਲਦਾ ਹੈ, ਜਿਸ ਨਾਲ ਅਸਲ ਰਿਟਰਨ ਹੋਰ ਵੀ ਜ਼ਿਆਦਾ ਹੋ ਜਾਂਦਾ ਹੈ।

ਸੋਵਰੇਨ ਗੋਲਡ ਬਾਂਡ ਨਾਲ ਜੁੜੇ FAQs

ਸੋਵਰੇਨ ਗੋਲਡ ਬਾਂਡ ਕੀ ਹੁੰਦਾ ਹੈ?

ਸੋਵਰੇਨ ਗੋਲਡ ਬਾਂਡ ਇਕ ਸਰਕਾਰੀ ਸੁਰੱਖਿਆ (Government Security) ਹੈ ਜਿਸ ਨੂੰ ਸੋਨੇ ਦੇ ਗ੍ਰਾਮ ਦੇ ਅਧਾਰ 'ਤੇ ਜਾਰੀ ਕੀਤਾ ਜਾਂਦਾ ਹੈ। ਇਸ ਨੂੰ ਫਿਜ਼ੀਕਲ ਗੋਲਡ (ਅਸਲੀ ਸੋਨਾ) ਰੱਖਣ ਦੇ ਵਿਕਲਪ ਵਜੋਂ ਸ਼ੁਰੂ ਕੀਤਾ ਗਿਆ ਸੀ। ਇਨ੍ਹਾਂ ਬਾਂਡਸ ਨੂੰ ਭਾਰਤ ਸਰਕਾਰ ਵੱਲੋਂ RBI ਜਾਰੀ ਕਰਦਾ ਹੈ। ਨਿਵੇਸ਼ਕ ਇਨ੍ਹਾਂ ਨੂੰ ਖਰੀਦਣ ਵੇਲੇ ਨਕਦ ਭੁਗਤਾਨ ਕਰਦੇ ਹਨ ਅਤੇ ਮੈਚਿਓਰਿਟੀ ਜਾਂ ਰਿਡੈਂਪਸ਼ਨ 'ਤੇ ਪੈਸਾ ਨਕਦ 'ਚ ਹੀ ਮਿਲਦਾ ਹੈ।

SGB 'ਚ ਕਿੰਨਾ ਨਿਵੇਸ਼ ਕਰ ਸਕਦੇ ਹਾਂ?

SGB 'ਚ ਨਿਵੇਸ਼ ਦੀਆਂ ਕੁਝ ਹੱਦਾਂ ਵੀ ਤੈਅ ਹਨ:

• ਘੱਟੋ-ਘੱਟ ਨਿਵੇਸ਼: 1 ਗ੍ਰਾਮ ਸੋਨਾ
• ਵੱਧ ਤੋਂ ਵੱਧ ਨਿਵੇਸ਼ (ਵਿਅਕਤੀ): 4 ਕਿਲੋਗ੍ਰਾਮ
• ਹਿੰਦੂ ਅਣਵੰਡਿਆ ਪਰਿਵਾਰ (HUF): 4 ਕਿਲੋਗ੍ਰਾਮ
• ਟਰਸਟ ਅਤੇ ਸੰਸਥਾਵਾਂ: 20 ਕਿਲੋਗ੍ਰਾਮ ਪ੍ਰਤੀ ਵਿੱਤੀ ਸਾਲ

SGB 'ਤੇ ਵਿਆਜ ਕਿਵੇਂ ਮਿਲਦਾ ਹੈ?

ਇਨ੍ਹਾਂ ਗੋਲਡ ਬਾਂਡਸ 'ਤੇ 2.5% ਸਾਲਾਨਾ ਫਿਕਸਡ ਵਿਆਜ ਮਿਲਦਾ ਹੈ। ਇਹ ਵਿਆਜ ਹਰ ਛੇ ਮਹੀਨਿਆਂ 'ਚ ਸਿੱਧਾ ਨਿਵੇਸ਼ਕ ਦੇ ਬੈਂਕ ਖਾਤੇ 'ਚ ਜਮ੍ਹਾ ਕੀਤਾ ਜਾਂਦਾ ਹੈ। ਅੰਤਿਮ ਵਿਆਜ ਭੁਗਤਾਨ ਮੈਚਿਓਰਿਟੀ ਦੇ ਸਮੇਂ ਮੂਲ ਰਕਮ ਦੇ ਨਾਲ ਦਿੱਤਾ ਜਾਂਦਾ ਹੈ।

ਨਿਵੇਸ਼ਕਾਂ ਨੂੰ ਮਿਲਦਾ ਹੈ ਹੋਲਡਿੰਗ ਸਰਟੀਫਿਕੇਟ

SGB ਖ਼ਰੀਦਣ ਤੋਂ ਬਾਅਦ ਨਿਵੇਸ਼ਕਾਂ ਨੂੰ ਹੋਲਡਿੰਗ ਸਰਟੀਫਿਕੇਟ ਜਾਰੀ ਕੀਤਾ ਜਾਂਦਾ ਹੈ। ਇਹ ਸਰਟੀਫਿਕੇਟ ਬੈਂਕ, ਪੋਸਟ ਆਫਿਸ, ਸਟਾਕ ਐਕਸਚੇਂਜ ਜਾਂ ਸਿੱਧਾ RBI ਤੋਂ ਈਮੇਲ ਰਾਹੀਂ ਵੀ ਪ੍ਰਾਪਤ ਕੀਤਾ ਜਾ ਸਕਦਾ ਹੈ। ਗੋਲਡ ਦੀਆਂ ਕੀਮਤਾਂ 'ਚ ਹਾਲੀਆ ਤੇਜ਼ੀ ਦਰਮਿਆਨ SGB ਨੇ ਇਕ ਵਾਰ ਫਿਰ ਸਾਬਤ ਕੀਤਾ ਹੈ ਕਿ ਇਹ ਲੰਬੀ ਮਿਆਦ ਦੇ ਨਿਵੇਸ਼ਕਾਂ ਲਈ ਸੋਨੇ ਵਿੱਚ ਨਿਵੇਸ਼ ਦਾ ਮਜ਼ਬੂਤ ਅਤੇ ਸੁਰੱਖਿਅਤ ਵਿਕਲਪ ਬਣ ਸਕਦਾ ਹੈ।