Germany Labour Shortage: ਜਰਮਨੀ ਜਾਣ ਦਾ ਸੁਪਨਾ ਹੋਵੇਗਾ ਪੂਰਾ! ਹਰ ਸਾਲ 90,000 ਭਾਰਤੀਆਂ ਨੂੰ ਮਿਲੇਗਾ ਵਰਕ ਵੀਜ਼ਾ, ਜਾਣੋ ਕਿਵੇਂ ਕਰੀਏ ਅਪਲਾਈ

ਨਵੀਂ ਦਿੱਲੀ: ਜਰਮਨੀ ਇਨ੍ਹੀਂ ਦਿਨੀਂ ਹੁਨਰਮੰਦ ਕਾਮਿਆਂ (Skilled Workers) ਦੀ ਭਾਰੀ ਕਮੀ ਨਾਲ ਜੂਝ ਰਿਹਾ ਹੈ। ਬਜ਼ੁਰਗ ਮੁਲਾਜ਼ਮਾਂ ਦੇ ਰਿਟਾਇਰ ਹੋਣ ਅਤੇ ਨੌਜਵਾਨ ਉਮੀਦਵਾਰਾਂ ਦੀ ਘਾਟ ਕਾਰਨ ਦੇਸ਼ ਦੇ ਕਈ ਉਦਯੋਗ ਸੰਕਟ ਵਿੱਚ ਹਨ। ਇਸ ਸਥਿਤੀ ਨਾਲ ਨਜਿੱਠਣ ਲਈ ਜਰਮਨੀ ਹੁਣ ਤੇਜ਼ੀ ਨਾਲ ਭਾਰਤ ਵੱਲ ਦੇਖ ਰਿਹਾ ਹੈ।

ਬਰਟੇਲਸਮੈਨ ਫਾਊਂਡੇਸ਼ਨ ਦੀ ਰਿਪੋਰਟ ਮੁਤਾਬਕ ਜਰਮਨੀ ਦੀ ਆਰਥਿਕਤਾ ਨੂੰ ਹਰ ਸਾਲ 2,88,000 ਵਿਦੇਸ਼ੀ ਮੁਲਾਜ਼ਮਾਂ ਦੀ ਲੋੜ ਹੈ। ਭਾਰਤ ਵਿੱਚ 25 ਸਾਲ ਤੋਂ ਘੱਟ ਉਮਰ ਦੇ 60 ਕਰੋੜ ਲੋਕ ਹਨ, ਜੋ ਜਰਮਨੀ ਲਈ ਇੱਕ ਵੱਡਾ 'ਲੇਬਰ ਸਰਪਲੱਸ' ਪ੍ਰਦਾਨ ਕਰਦੇ ਹਨ।

ਭਾਰਤੀ ਨੌਜਵਾਨਾਂ ਲਈ ਨਵੇਂ ਰਾਹ

2022 ਵਿੱਚ ਭਾਰਤ ਅਤੇ ਜਰਮਨੀ ਵਿਚਾਲੇ ਹੋਏ ਸਮਝੌਤੇ ਤੋਂ ਬਾਅਦ ਭਾਰਤੀਆਂ ਲਈ ਉੱਥੇ ਕੰਮ ਕਰਨਾ ਸੌਖਾ ਹੋ ਗਿਆ ਹੈ। 2024 ਦੇ ਅੰਤ ਵਿੱਚ ਜਰਮਨੀ ਨੇ ਭਾਰਤੀਆਂ ਲਈ ਸਕਿਲਡ ਵਰਕ ਵੀਜ਼ਾ ਕੋਟਾ 20,000 ਤੋਂ ਵਧਾ ਕੇ 90,000 ਪ੍ਰਤੀ ਸਾਲ ਕਰ ਦਿੱਤਾ ਸੀ। ਅੰਕੜਿਆਂ ਅਨੁਸਾਰ, 2015 ਵਿੱਚ ਜਰਮਨੀ ਵਿੱਚ ਜਿੱਥੇ ਸਿਰਫ਼ 23,320 ਭਾਰਤੀ ਮੁਲਾਜ਼ਮ ਸਨ, ਉੱਥੇ 2024 ਤੱਕ ਇਹ ਗਿਣਤੀ ਵੱਧ ਕੇ 1,36,670 ਹੋ ਗਈ ਹੈ।

ਭਾਰਤੀ ਨੌਜਵਾਨ ਹੁਣ ਜਰਮਨੀ ਵਿੱਚ ਮਕੈਨਿਕ, ਬੇਕਰ, ਸੜਕ ਨਿਰਮਾਤਾ ਅਤੇ ਕਿੰਡਰਗਾਰਟਨ ਟੀਚਰ ਵਰਗੇ ਖੇਤਰਾਂ ਵਿੱਚ ਸ਼ਾਨਦਾਰ ਕਰੀਅਰ ਬਣਾ ਰਹੇ ਹਨ।

ਜਰਮਨੀ 'ਚ ਨੌਕਰੀ ਕਿਵੇਂ ਪਾਈਏ? (ਸਟੈਪ-ਬਾਈ-ਸਟੈਪ)

ਸਟੈਪ 1: ਰਿਸਰਚ ਕਰੋ: ਜਰਮਨ ਜੌਬ ਵੈੱਬਸਾਈਟਾਂ ਰਾਹੀਂ ਆਪਣੀ ਦਿਲਚਸਪੀ ਵਾਲੇ ਉਦਯੋਗਾਂ ਦੀ ਮੰਗ ਨੂੰ ਸਮਝੋ।

ਸਟੈਪ 2: ਜਰਮਨ ਭਾਸ਼ਾ ਸਿੱਖੋ: ਨੌਕਰੀ ਲਈ ਜਰਮਨ ਭਾਸ਼ਾ ਆਉਣੀ ਬਹੁਤ ਜ਼ਰੂਰੀ ਹੈ। ਜ਼ਿਆਦਾਤਰ ਮਾਲਕ ਘੱਟੋ-ਘੱਟ B1-Level ਦੀ ਮੰਗ ਕਰਦੇ ਹਨ।

ਸਟੈਪ 3: ਜਰਮਨ ਸਟਾਈਲ ਰੈਜ਼ਿਊਮੇ: ਆਪਣਾ ਸੀਵੀ (CV) ਜਰਮਨ ਮਿਆਰਾਂ ਅਨੁਸਾਰ ਅਤੇ ATS-ਫਰੈਂਡਲੀ ਬਣਾਓ।

ਸਟੈਪ 4: ਅਪਲਾਈ ਕਰਨਾ: Monster, Indeed, JobMESH ਅਤੇ LinkedIn ਰਾਹੀਂ ਰਿਕਰੂਟਰਾਂ ਨਾਲ ਸੰਪਰਕ ਕਰੋ।

ਸਟੈਪ 5: ਇੰਟਰਵਿਊ: ਸ਼ਾਰਟਲਿਸਟ ਹੋਣ 'ਤੇ ਆਨਲਾਈਨ ਇੰਟਰਵਿਊ ਲਈ ਤਿਆਰੀ ਕਰੋ।

ਸਟੈਪ 6: ਵੀਜ਼ਾ ਪ੍ਰਕਿਰਿਆ: ਆਫਰ ਲੈਟਰ ਮਿਲਣ ਤੋਂ ਬਾਅਦ ਵਰਕ ਵੀਜ਼ਾ ਲਈ ਅਪਲਾਈ ਕਰੋ। ਜੇਕਰ ਆਫਰ ਲੈਟਰ ਨਹੀਂ ਹੈ, ਤਾਂ ਤੁਸੀਂ 'ਜੌਬ ਸੀਕਰ ਵੀਜ਼ਾ' (Job Seeker Visa) ਲਈ ਵੀ ਅਪਲਾਈ ਕਰ ਸਕਦੇ ਹੋ, ਜੋ ਤੁਹਾਨੂੰ 1 ਸਾਲ ਲਈ ਉੱਥੇ ਰਹਿ ਕੇ ਨੌਕਰੀ ਲੱਭਣ ਦੀ ਇਜਾਜ਼ਤ ਦਿੰਦਾ ਹੈ।