ਤੇਲ ਪੁਆਉਣ ਵਾਲਿਆਂ ਲਈ ਵੱਡੀ ਖ਼ਬਰ: ਪੰਪਾਂ 'ਤੇ ਲੱਗੀ ਲਿਮਟ, ਹੁਣ 1000 ਰੁਪਏ ਤੋਂ ਵੱਧ ਦਾ ਨਹੀਂ ਮਿਲੇਗਾ ਪੈਟਰੋਲ-ਡੀਜ਼ਲ
ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਸੂਤਰਾਂ ਨੇ ਦੱਸਿਆ ਕਿ ਦੇਸ਼ ਦੀ ਸਭ ਤੋਂ ਵੱਡੀ ਪ੍ਰਾਈਵੇਟ ਸੈਕਟਰ ਦੀ ਆਇਲ ਰਿਫਾਇਨਰੀ ਕੰਪਨੀ ਨੇ ਆਪਣੇ ਸਾਝੀਦਾਰ ਬੀਪੀ ਪੀਐਲਸੀ (bp PLC) ਨਾਲ ਚਲਾਏ ਜਾ ਰਹੇ Jio-bp ਫਿਊਲ ਸਟੇਸ਼ਨਾਂ 'ਤੇ ਪ੍ਰਤੀ ਵਿਅਕਤੀ ਤੇਲ ਦੀ ਖਰੀਦ ਨੂੰ 1,000 ਰੁਪਏ ਤੱਕ ਸੀਮਤ ਕਰ ਦਿੱਤਾ ਹੈ। ਕੰਪਨੀ ਦੇ ਦੇਸ਼ ਭਰ ਵਿੱਚ 2,000 ਤੋਂ ਵੱਧ ਪੈਟਰੋਲ ਪੰਪ ਹਨ।
Posted By Neha Diwan
Publish Date: Fri, 10 Apr 2026 01:32 PM (IST)
Updated Date: Fri, 10 Apr 2026 01:33 PM (IST)
ਨਵੀਂ ਦਿੱਲੀ: ਜੇਕਰ ਤੁਸੀਂ ਆਪਣੀ ਗੱਡੀ ਵਿੱਚ ਪੈਟਰੋਲ ਜਾਂ ਡੀਜ਼ਲ ਭਰਵਾਉਣ ਜਾ ਰਹੇ ਹੋ, ਤਾਂ ਕੀਮਤ ਦੇ ਨਾਲ-ਨਾਲ ਤੇਲ ਦੀ ਲਿਮਟ (Fuel Limit) ਬਾਰੇ ਵੀ ਜਾਣ ਲਓ। ਦਰਅਸਲ, ਇੱਕ ਭਾਰਤੀ ਤੇਲ ਕੰਪਨੀ ਨੇ ਈਂਧਨ ਦੀ ਖਰੀਦ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਹੁਣ ਕੋਈ ਵੀ ਵਿਅਕਤੀ ਇੱਕ ਵਾਰ ਵਿੱਚ 1,000 ਰੁਪਏ ਤੋਂ ਵੱਧ ਦਾ ਤੇਲ ਨਹੀਂ ਖਰੀਦ ਸਕੇਗਾ। ਇਰਾਨ ਜੰਗ ਕਾਰਨ ਸਪਲਾਈ ਵਿੱਚ ਆ ਰਹੀ ਰੁਕਾਵਟ ਅਤੇ ਅਸਥਾਈ ਜੰਗਬੰਦੀ ਦੇ ਬਾਵਜੂਦ ਸਥਿਤੀ ਨੂੰ ਦੇਖਦੇ ਹੋਏ, ਰਿਲਾਇੰਸ ਇੰਡਸਟਰੀਜ਼ ਲਿਮਟਿਡ (Reliance Industries) ਨੇ ਆਪਣੇ ਸਾਰੇ ਪੈਟਰੋਲ ਪੰਪਾਂ 'ਤੇ ਤੇਲ ਦੀ ਖਰੀਦ ਸੀਮਤ ਕਰ ਦਿੱਤੀ ਹੈ।
ਬਲੂਮਬਰਗ ਦੀ ਰਿਪੋਰਟ ਅਨੁਸਾਰ, ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਸੂਤਰਾਂ ਨੇ ਦੱਸਿਆ ਕਿ ਦੇਸ਼ ਦੀ ਸਭ ਤੋਂ ਵੱਡੀ ਪ੍ਰਾਈਵੇਟ ਸੈਕਟਰ ਦੀ ਆਇਲ ਰਿਫਾਇਨਰੀ ਕੰਪਨੀ ਨੇ ਆਪਣੇ ਸਾਝੀਦਾਰ ਬੀਪੀ ਪੀਐਲਸੀ (bp PLC) ਨਾਲ ਚਲਾਏ ਜਾ ਰਹੇ Jio-bp ਫਿਊਲ ਸਟੇਸ਼ਨਾਂ 'ਤੇ ਪ੍ਰਤੀ ਵਿਅਕਤੀ ਤੇਲ ਦੀ ਖਰੀਦ ਨੂੰ 1,000 ਰੁਪਏ ਤੱਕ ਸੀਮਤ ਕਰ ਦਿੱਤਾ ਹੈ। ਕੰਪਨੀ ਦੇ ਦੇਸ਼ ਭਰ ਵਿੱਚ 2,000 ਤੋਂ ਵੱਧ ਪੈਟਰੋਲ ਪੰਪ ਹਨ।
ਹਾਲਾਂਕਿ ਕੰਪਨੀ ਨੇ ਇਸ ਸਬੰਧੀ ਕੋਈ ਰਸਮੀ ਹੁਕਮ ਜਾਰੀ ਨਹੀਂ ਕੀਤਾ ਹੈ, ਪਰ ਜੀਓ-ਬੀਪੀ ਪੈਟਰੋਲ ਪੰਪਾਂ ਦੇ ਸੰਚਾਲਕਾਂ ਨੇ ਤੇਲ ਦੀ ਮੰਗ ਵਿੱਚ ਅਚਾਨਕ ਹੋਏ ਵਾਧੇ ਅਤੇ ਸਟਾਕ ਖ਼ਤਮ ਹੋਣ ਦੇ ਡਰੋਂ ਇਹ ਕਦਮ ਚੁੱਕਣਾ ਸ਼ੁਰੂ ਕਰ ਦਿੱਤਾ ਹੈ। ਸੂਤਰਾਂ ਨੇ ਆਪਣਾ ਨਾਮ ਗੁਪਤ ਰੱਖਣ ਦੀ ਸ਼ਰਤ 'ਤੇ ਇਹ ਜਾਣਕਾਰੀ ਦਿੱਤੀ ਹੈ ਕਿਉਂਕਿ ਇਹ ਅਜੇ ਜਨਤਕ ਨਹੀਂ ਕੀਤੀ ਗਈ।