UPI, ਪੈਨ ਕਾਰਡ ਤੋਂ ਲੈ ਕੇ ATM ਤੱਕ... 1 ਜੂਨ ਤੋਂ ਬਦਲ ਗਏ ਇਹ ਨਿਯਮ; ਜਾਣੋ ਤੁਹਾਡੇ 'ਤੇ ਕੀ ਪਵੇਗਾ ਅਸਰ ?
ਪਛਾਣ ਨਾਲ ਜੁੜੀ ਧੋਖਾਧੜੀ ਅਤੇ ਗਲਤੀ ਨਾਲ ਹੋਣ ਵਾਲੇ ਕੈਸ਼ ਟ੍ਰਾਂਸਫਰ ਵਰਗੀਆਂ ਸਮੱਸਿਆਵਾਂ ਨੂੰ ਖ਼ਤਮ ਕਰਨ ਦੇ ਇੱਕ ਵੱਡੇ ਯਤਨ ਵਜੋਂ, ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ ਸਾਰੇ ਮੋਬਾਈਲ ਭੁਗਤਾਨ ਐਪਸ 'ਤੇ ਇੱਕ ਨਵਾਂ ਟ੍ਰਾਂਜੈਕਸ਼ਨ ਸੁਰੱਖਿਆ ਨਿਯਮ ਲਾਗੂ ਕਰ ਰਿਹਾ ਹੈ।
Posted By alisha
Publish Date: Mon, 01 Jun 2026 10:50 AM (IST)
Updated Date: Mon, 01 Jun 2026 10:55 AM (IST)
ਨਵੀਂ ਦਿੱਲੀ : ਜੂਨ ਦੇ ਮਹੀਨੇ ਦੀ ਸ਼ੁਰੂਆਤ ਹੋ ਚੁੱਕੀ ਹੈ ਅਤੇ ਇਹ ਮਹੀਨਾ ਕਈ ਬਦਲਾਵਾਂ ਕਾਰਨ ਆਮ ਆਦਮੀ ਦੀ ਜ਼ਿੰਦਗੀ 'ਤੇ ਅਸਰ ਪਾਵੇਗਾ। ਦਰਅਸਲ, 1 ਜੂਨ ਤੋਂ ਜਿੱਥੇ ਐਲ.ਪੀ.ਜੀ. (LPG) ਸਿਲੰਡਰ ਦੀਆਂ ਕੀਮਤਾਂ ਤੋਂ ਲੈ ਕੇ ਕਾਰਾਂ ਦੇ ਰੇਟ ਵੱਧ ਗਏ ਹਨ, ਉੱਥੇ ਹੀ ਯੂ.ਪੀ.ਆਈ. ਪੇਮੈਂਟ, ਏ.ਟੀ.ਐਮ. ਟ੍ਰਾਂਜੈਕਸ਼ਨ ਫੀਸ ਅਤੇ ਪੈਨ ਕਾਰਡ ਦੇ ਨਿਯਮਾਂ ਵਿੱਚ ਵੀ ਕੁਝ ਬਦਲਾਅ ਹੋਏ ਹਨ।
UPI ਨਿਯਮਾਂ 'ਚ ਕੀ ਹੋਇਆ ਬਦਲਾਅ
ਪਛਾਣ ਨਾਲ ਜੁੜੀ ਧੋਖਾਧੜੀ ਅਤੇ ਗਲਤੀ ਨਾਲ ਹੋਣ ਵਾਲੇ ਕੈਸ਼ ਟ੍ਰਾਂਸਫਰ ਵਰਗੀਆਂ ਸਮੱਸਿਆਵਾਂ ਨੂੰ ਖ਼ਤਮ ਕਰਨ ਦੇ ਇੱਕ ਵੱਡੇ ਯਤਨ ਵਜੋਂ, ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ ਸਾਰੇ ਮੋਬਾਈਲ ਭੁਗਤਾਨ ਐਪਸ 'ਤੇ ਇੱਕ ਨਵਾਂ ਟ੍ਰਾਂਜੈਕਸ਼ਨ ਸੁਰੱਖਿਆ ਨਿਯਮ ਲਾਗੂ ਕਰ ਰਿਹਾ ਹੈ।
ਇਸ ਦੇ ਤਹਿਤ ਹੁਣ ਸਾਰੇ UPI ਐਪਸ ਨੂੰ ਪੇਮੈਂਟ ਕਰਨ ਤੋਂ ਪਹਿਲਾਂ ਬੈਂਕ ਖਾਤੇ ਵਿੱਚ ਰਜਿਸਟਰਡ ਅਸਲੀ ਲਾਭਪਾਤਰੀ ਦਾ ਨਾਮ ਦਿਖਾਉਣਾ ਹੋਵੇਗਾ। ਯਾਨੀ ਹੁਣ QR ਕੋਡ, ਮੋਬਾਈਲ ਨੰਬਰ ਜਾਂ ਯੂਜ਼ਰ ਵੱਲੋਂ ਰੱਖੇ ਗਏ ਨਾਮ ਦੀ ਬਜਾਏ, ਉਸ ਵਿਅਕਤੀ ਜਾਂ ਵਪਾਰੀ ਦਾ ਵੈਰੀਫਾਈਡ ਨਾਮ ਦਿਖਾਈ ਦੇਵੇਗਾ, ਜਿਸ ਨੂੰ ਤੁਸੀਂ ਪੈਸੇ ਭੇਜ ਰਹੇ ਹੋ।
ਪੈਨ ਕਾਰਡ ਤੇ ATM ਨਾਲ ਜੁੜੇ ਨਵੇਂ ਨਿਯਮ
ਪੈਨ ਕਾਰਡ : ਪੈਨ ਕਾਰਡ ਨਾਲ ਜੁੜੇ ਨਿਯਮਾਂ ਵਿੱਚ ਬਦਲਾਅ ਇਹ ਹੋਇਆ ਹੈ ਕਿ ਪਹਿਲਾਂ ਇੱਕ ਦਿਨ ਵਿੱਚ ₹50,000 ਤੋਂ ਵੱਧ ਕੈਸ਼ ਜਮ੍ਹਾ ਕਰਵਾਉਣ 'ਤੇ PAN ਨੰਬਰ ਦੇਣਾ ਲਾਜ਼ਮੀ ਸੀ ਪਰ ਹੁਣ ਇਹ ਸ਼ਰਤ ਹਟਾ ਦਿੱਤੀ ਗਈ ਹੈ। ਇਸ ਦੇ ਨਾਲ ਹੀ ਪ੍ਰਾਪਰਟੀ ਦੀ ਖਰੀਦੋ-ਫਰੋਖਤ ਵਿੱਚ PAN ਦੀ ਸੀਮਾ ₹10 ਲੱਖ ਤੋਂ ਵਧਾ ਕੇ ₹20 ਲੱਖ ਕਰ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ ਸਾਲ ਭਰ ਵਿੱਚ ₹10 ਲੱਖ ਤੋਂ ਵੱਧ ਦੀ ਨਕਦੀ ਕਢਵਾਉਣ 'ਤੇ ਵੀ PAN ਰਿਪੋਰਟਿੰਗ ਲਾਗੂ ਹੋਵੇਗੀ।
ਏ.ਟੀ.ਐਮ. : ਕਈ ਕਮਰਸ਼ੀਅਲ ਬੈਂਕਿੰਗ ਨੈੱਟਵਰਕ 1 ਜੂਨ ਤੋਂ ਆਪਣੇ ਸਰਵਿਸ ਚਾਰਜ ਮਾਡਲ ਨੂੰ ਅਪਡੇਟ ਕਰ ਰਹੇ ਹਨ, ਜਿਸ ਵਿੱਚ ਖਾਸ ਤੌਰ 'ਤੇ ਨਾਨ-ਡੋਮੈਸਟਿਕ ਬ੍ਰਾਂਚ ਸਰਵਿਸਿਜ਼ ਅਤੇ ਕੈਸ਼ ਮੈਨੇਜਮੈਂਟ ਲਿਮਿਟ 'ਤੇ ਧਿਆਨ ਕੇਂਦਰਿਤ ਕੀਤਾ ਗਿਆ ਹੈ।