DA Hike Latest Update : 2 ਜਾਂ 3 ਨਹੀਂ, ਡੀਏ 'ਚ ਹੋ ਸਕਦੈ 5% ਦਾ ਵਾਧਾ, ਕੈਲਕੂਲੇਸ਼ਨ ਦੇਖ ਕੇ ਖੁਸ਼ ਹੋ ਜਾਣਗੇ ਮੁਲਾਜ਼ਮ !

ਨਵੀਂ ਦਿੱਲੀ: ਕੇਂਦਰੀ ਕਰਮਚਾਰੀ ਮਹਿੰਗਾਈ ਭੱਤੇ (Dearness Allowance) ਵਿੱਚ ਵਾਧੇ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਦਸੰਬਰ 2025 ਵਿੱਚ 7ਵੇਂ ਤਨਖਾਹ ਕਮਿਸ਼ਨ ਦੀ ਮਿਆਦ ਖਤਮ ਹੋਣ ਦੇ ਬਾਵਜੂਦ, ਡੀਏ ਵਿੱਚ ਵਾਧਾ ਇਸੇ ਕਮਿਸ਼ਨ ਦੇ ਤਹਿਤ ਕੀਤਾ ਜਾ ਸਕਦਾ ਹੈ, ਕਿਉਂਕਿ ਅਜੇ ਤੱਕ 8ਵਾਂ ਤਨਖਾਹ ਕਮਿਸ਼ਨ ਲਾਗੂ ਨਹੀਂ ਹੋਇਆ ਹੈ। ਸਰਕਾਰ ਜਲਦੀ ਹੀ ਕੇਂਦਰੀ ਕਰਮਚਾਰੀਆਂ ਨੂੰ ਵੱਡਾ ਤੋਹਫ਼ਾ ਦੇ ਸਕਦੀ ਹੈ। ਜੇਕਰ ਡੀਏ ਵਿੱਚ ਵਾਧਾ ਹੁੰਦਾ ਹੈ, ਤਾਂ ਟੀਏ (Travel Allowance) 'ਚ ਵੀ ਵਾਧਾ ਹੋਵੇਗਾ ਕਿਉਂਕਿ ਇਹ ਦੋਵੇਂ ਇੱਕ-ਦੂਜੇ ਦੇ ਪੂਰਕ ਹਨ।

ਮਹਿੰਗਾਈ ਭੱਤੇ (DA Hike) ਵਿੱਚ ਕਿੰਨਾ ਵਾਧਾ ਹੋਵੇਗਾ, ਇਹ 'ਕੰਜ਼ਿਊਮਰ ਪ੍ਰਾਈਸ ਇੰਡੈਕਸ ਫਾਰ ਇੰਡਸਟਰੀਅਲ ਵਰਕਰਜ਼' (AICPI-IW) ਦੇ ਅੰਕੜਿਆਂ ਤੋਂ ਪਤਾ ਲੱਗੇਗਾ। ਕਰਮਚਾਰੀ ਦਸੰਬਰ 2025 ਦੇ ਅੰਕੜਿਆਂ ਦੀ ਉਡੀਕ ਕਰ ਰਹੇ ਹਨ, ਜਿਸ ਨੂੰ ਕਿਰਤ ਅਤੇ ਰੁਜ਼ਗਾਰ ਮੰਤਰਾਲੇ ਵੱਲੋਂ ਜਾਰੀ ਕੀਤਾ ਜਾਂਦਾ ਹੈ।

ਕਿੰਨਾ ਵਧ ਸਕਦਾ ਹੈ ਡੀਏ? (Expected DA)

ਕੇਂਦਰੀ ਮੁਲਾਜ਼ਮਾਂ ਦਾ ਡੀਏ ਸਾਲ 'ਚ ਦੋ ਵਾਰ ਸੋਧਿਆ ਜਾਂਦਾ ਹੈ—ਪਹਿਲੀ ਵਾਰ ਜਨਵਰੀ ਵਿੱਚ ਅਤੇ ਦੂਜੀ ਵਾਰ ਜੁਲਾਈ 'ਚ। ਹਾਲਾਂਕਿ ਸਰਕਾਰ ਨੇ ਅਜੇ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਹੈ, ਪਰ ਜੇਕਰ ਵਾਧਾ ਹੁੰਦਾ ਹੈ, ਤਾਂ ਇਸ ਦਾ ਲਾਭ ਜਨਵਰੀ ਤੋਂ ਹੀ ਮਿਲੇਗਾ। ਜੇਕਰ ਐਲਾਨ ਫਰਵਰੀ ਵਿੱਚ ਹੁੰਦਾ ਹੈ ਤਾਂ ਮੁਲਾਜ਼ਮਾਂ ਨੂੰ ਪਿਛਲੇ ਮਹੀਨਿਆਂ ਦਾ ਏਰੀਅਰ ਵੀ ਦਿੱਤਾ ਜਾਵੇਗਾ।

ਜੁਲਾਈ 2025 'ਚ ਡੀਏ 55% ਤੋਂ ਵਧਾ ਕੇ 58% ਕਰ ਦਿੱਤਾ ਗਿਆ ਸੀ। ਜੇਕਰ ਹੁਣ 3% ਵਾਧਾ ਹੁੰਦਾ ਹੈ ਤਾਂ ਇਹ 61% ਹੋ ਜਾਵੇਗਾ ਅਤੇ ਜੇਕਰ 5% ਵਾਧਾ ਹੁੰਦਾ ਹੈ ਤਾਂ ਇਹ 65% ਤਕ ਪਹੁੰਚ ਸਕਦਾ ਹੈ। ਸੰਭਾਵਨਾ ਜਤਾਈ ਜਾ ਰਹੀ ਹੈ ਕਿ ਸਰਕਾਰ 5% ਤੱਕ ਦਾ ਵਾਧਾ ਕਰ ਸਕਦੀ ਹੈ।

ਉਦਾਹਰਨ: ਜੇਕਰ ਤੁਹਾਡੀ ਬੇਸਿਕ ਸੈਲਰੀ 10,000 ਰੁਪਏ ਹੈ ਅਤੇ ਡੀਏ 5,800 ਰੁਪਏ ਹੈ ਤਾਂ 5% ਵਾਧੇ ਤੋਂ ਬਾਅਦ ਇਹ 6,300 ਰੁਪਏ ਹੋ ਜਾਵੇਗਾ। ਯਾਨੀ ਸਿੱਧਾ 500 ਰੁਪਏ ਦਾ ਫਾਇਦਾ।

DA ਵਧਿਆ ਤਾਂ TA 'ਚ ਵੀ ਹੋ ਸਕਦੈ ਇਜ਼ਾਫ਼ਾ

TA ਵਿੱਚ ਵੀ ਹੋਵੇਗਾ ਵਾਧਾ ਡੀਏ ਵਧਣ ਨਾਲ ਟ੍ਰਾਂਸਪੋਰਟ ਅਲਾਊਂਸ (TA) ਵਿੱਚ ਵੀ ਵਾਧਾ ਹੁੰਦਾ ਹੈ। ਇਸ ਦਾ ਸਿੱਧਾ ਫਾਇਦਾ 50.14 ਲੱਖ ਕੇਂਦਰੀ ਕਰਮਚਾਰੀਆਂ ਅਤੇ ਲਗਭਗ 69 ਲੱਖ ਪੈਨਸ਼ਨਰਾਂ ਨੂੰ ਹੋਵੇਗਾ। ਹਾਊਸ ਰੈਂਟ ਅਲਾਊਂਸ (HRA) ਵਰਗੇ ਹੋਰ ਲਾਭ ਉਦੋਂ ਹੀ ਬਦਲਦੇ ਹਨ ਜਦੋਂ ਬੇਸਿਕ ਸੈਲਰੀ ਰਿਵਾਈਜ਼ ਹੁੰਦੀ ਹੈ, ਜੋ ਕਿ 8ਵੇਂ ਤਨਖਾਹ ਕਮਿਸ਼ਨ ਦੀ ਰਿਪੋਰਟ ਤੋਂ ਬਾਅਦ ਜੁਲਾਈ 2028 ਵਿੱਚ ਸੰਭਵ ਹੋ ਸਕਦੀ ਹੈ।