- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Gold-Silver Crash: ਸੋਨਾ ₹16,000 ਤੇ ਚਾਂਦੀ ₹87,000 ਸਸਤੀ, ਕੀ ਖਰੀਦਣ ਦਾ ਸਹੀ ਸਮਾਂ ਆ ਗਿਆ?
MCX 'ਤੇ ਫਰਵਰੀ 2026 ਦੀ ਡਿਲੀਵਰੀ ਵਾਲਾ ਸੋਨਾ 9% ਤੱਕ ਟੁੱਟ ਗਿਆ ਅਤੇ ਆਪਣੇ ਹੁਣ ਤੱਕ ਦੇ ਸਭ ਤੋਂ ਉੱਚੇ ਪੱਧਰ (All-time high) ਤੋਂ ਸਿੱਧਾ 15,000 ਰੁਪਏ ਸਸਤਾ ਹੋ ਗਿਆ। ਇਸ ਦੀ ਕੀਮਤ ਪਿਛਲੇ ਸੈਸ਼ਨ ਦੇ 1,83,962 ਰੁਪਏ ਤੋਂ ਫਿਸਲ ਕੇ 1,54,157 ਰੁਪਏ ਦੇ ਹੇਠਲੇ ਪੱਧਰ 'ਤੇ ਪਹੁੰਚ ਗਈ।
Posted By Neha Diwan
Publish Date: Fri, 30 Jan 2026 03:59 PM (IST)
Updated Date: Fri, 30 Jan 2026 04:55 PM (IST)
ਨਵੀਂ ਦਿੱਲੀ। Gold Silver Price Crash : ਸੋਨੇ-ਚਾਂਦੀ ਦੀ ਤੂਫਾਨੀ ਰਫਤਾਰ ਨੂੰ ਆਖਿਰਕਾਰ ਬ੍ਰੇਕ ਲੱਗ ਹੀ ਗਈ। ਜਿਸ ਤੇਜ਼ੀ ਨੇ ਨਿਵੇਸ਼ਕਾਂ ਨੂੰ ਖੁਸ਼ ਕਰ ਦਿੱਤਾ ਸੀ, ਉਸੇ ਬਾਜ਼ਾਰ ਨੇ ਸ਼ੁੱਕਰਵਾਰ, 30 ਜਨਵਰੀ ਨੂੰ ਜ਼ਬਰਦਸਤ ਝਟਕਾ ਦਿੱਤਾ ਹੈ।
MCX 'ਤੇ ਫਰਵਰੀ 2026 ਦੀ ਡਿਲੀਵਰੀ ਵਾਲਾ ਸੋਨਾ 9% ਤੱਕ ਟੁੱਟ ਗਿਆ ਅਤੇ ਆਪਣੇ ਹੁਣ ਤੱਕ ਦੇ ਸਭ ਤੋਂ ਉੱਚੇ ਪੱਧਰ (All-time high) ਤੋਂ ਸਿੱਧਾ 15,000 ਰੁਪਏ ਸਸਤਾ ਹੋ ਗਿਆ। ਇਸ ਦੀ ਕੀਮਤ ਪਿਛਲੇ ਸੈਸ਼ਨ ਦੇ 1,83,962 ਰੁਪਏ ਤੋਂ ਫਿਸਲ ਕੇ 1,54,157 ਰੁਪਏ ਦੇ ਹੇਠਲੇ ਪੱਧਰ 'ਤੇ ਪਹੁੰਚ ਗਈ।
ਚਾਂਦੀ ਦਾ ਬੁਰਾ ਹਾਲ
ਚਾਂਦੀ ਦਾ ਹਾਲ ਤਾਂ ਹੋਰ ਵੀ ਖਰਾਬ ਰਿਹਾ। ਜਿਹੜੀਆਂ ਕੀਮਤਾਂ ਅਸਮਾਨ ਨੂੰ ਛੂਹ ਰਹੀਆਂ ਸਨ, ਉਹ ਮੂਧੇ ਮੂੰਹ ਡਿੱਗੀਆਂ। ਚਾਂਦੀ ਵਿੱਚ 15 ਫੀਸਦੀ ਦੀ ਭਾਰੀ ਗਿਰਾਵਟ ਆਈ ਅਤੇ ਇਹ ਆਪਣੇ ਆਲ-ਟਾਈਮ ਹਾਈ 4,20,000 ਰੁਪਏ ਤੋਂ ਲੁੜਕ ਕੇ 3,39,910 ਰੁਪਏ 'ਤੇ ਆ ਗਈ। ਯਾਨੀ ਇੱਕੋ ਝਟਕੇ ਵਿੱਚ 80,000 ਰੁਪਏ ਤੋਂ ਵੱਧ ਦੀ ਭਾਰੀ ਗਿਰਾਵਟ। ਤੇਜ਼ੀ ਦੇ ਭਰੋਸੇ ਬੈਠੇ ਨਿਵੇਸ਼ਕਾਂ ਲਈ ਇਹ ਗਿਰਾਵਟ ਇੱਕ ਕੜਵੀ ਸੱਚਾਈ ਬਣ ਕੇ ਸਾਹਮਣੇ ਆਈ ਹੈ।
ਟ੍ਰੰਪ ਦੇ ਇਸ ਫੈਸਲੇ ਨਾਲ ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਆਈ ਗਿਰਾਵਟ; ਜਾਣੋ ਅਸਲ ਕਾਰਨ
ਗੋਲਡ-ਸਿਲਵਰ ਪ੍ਰਾਈਸ ਕ੍ਰੈਸ਼ ਦਾ ਕਾਰਨ: ਕਮੋਡਿਟੀ ਮਾਹਿਰ ਅਨੁਜ ਗੁਪਤਾ ਦੱਸਦੇ ਹਨ ਕਿ, "ਸੋਨੇ ਅਤੇ ਚਾਂਦੀ ਵਿੱਚ ਆਖਰਕਾਰ ਉਹ ਗਿਰਾਵਟ ਆ ਹੀ ਗਈ ਜਿਸ ਦੀ ਉਮੀਦ ਕੀਤੀ ਜਾ ਰਹੀ ਸੀ। ਇਸ ਦਾ ਇੱਕ ਵੱਡਾ ਕਾਰਨ ਗਲੋਬਲ ਮਾਰਕੀਟ ਵਿੱਚ ਪੈਦਾ ਹੋਇਆ ਡਰ ਅਤੇ ਡੋਨਾਲਡ ਟ੍ਰੰਪ ਦੇ ਫੈਸਲੇ ਹਨ। ਏਸ਼ੀਆਈ ਬਾਜ਼ਾਰ (Asian Trade) ਵਿੱਚ ਸੋਨਾ-ਚਾਂਦੀ ਲਗਾਤਾਰ ਡਿੱਗਦੇ ਰਹੇ, ਕਿਉਂਕਿ ਨਿਵੇਸ਼ਕ ਰਿਕਾਰਡ ਤੇਜ਼ੀ ਤੋਂ ਬਾਅਦ ਹੁਣ ਮੁਨਾਫਾਖੋਰੀ (Profit Booking) ਕਰ ਰਹੇ ਹਨ, ਜਿਸ ਕਾਰਨ ਕੀਮਤਾਂ 'ਤੇ ਦਬਾਅ ਪੈ ਰਿਹਾ ਹੈ।"
ਗੋਲਡ-ਸਿਲਵਰ ਪ੍ਰਾਈਸ ਕ੍ਰੈਸ਼ ਅੱਜ: ਕਮੋਡਿਟੀ ਬਾਜ਼ਾਰ ਵਿੱਚ ਅੱਜ ਭੂਚਾਲ ਆ ਗਿਆ। MCX 'ਤੇ ਸੋਨੇ ਅਤੇ ਚਾਂਦੀ ਦੋਵਾਂ ਵਿੱਚ ਜ਼ਬਰਦਸਤ ਗਿਰਾਵਟ ਤੋਂ ਬਾਅਦ 'ਲੋਅਰ ਸਰਕਟ' ਲੱਗ ਗਿਆ। ਚਾਂਦੀ ਸਿੱਧੀ 15% ਟੁੱਟ ਕੇ 3,39,910 ਰੁਪਏ 'ਤੇ ਅਟਕ ਗਈ, ਜਦੋਂ ਕਿ ਸੋਨਾ 8.62% ਡਿੱਗ ਕੇ 1,54,800 ਰੁਪਏ 'ਤੇ ਜਾ ਰੁਕਿਆ। ਇੰਨੀ ਵੱਡੀ ਗਿਰਾਵਟ ਨੇ ਵਪਾਰੀਆਂ ਅਤੇ ਨਿਵੇਸ਼ਕਾਂ ਦੇ ਹੋਸ਼ ਉਡਾ ਦਿੱਤੇ ਹਨ।
ਆਪਣੇ ਉੱਚੇ ਪੱਧਰ ਤੋਂ ਚਾਂਦੀ ₹80,000 ਤੱਕ ਸਸਤੀ
ਦੁਪਹਿਰ 3 ਵੱਜਦੇ ਹੀ ਚਾਂਦੀ ਵਿੱਚ 15 ਫੀਸਦੀ ਦੀ ਭਾਰੀ ਗਿਰਾਵਟ ਆਈ। ਵੀਰਵਾਰ ਨੂੰ ਚਾਂਦੀ 4.20 ਲੱਖ ਰੁਪਏ ਪ੍ਰਤੀ ਕਿਲੋਗ੍ਰਾਮ ਦੇ ਇਤਿਹਾਸਕ ਪੱਧਰ 'ਤੇ ਸੀ, ਪਰ ਅੱਜ ਇਹ ਲਗਪਗ 80,000 ਰੁਪਏ ਤੱਕ ਟੁੱਟ ਗਈ। ਬਾਜ਼ਾਰ ਵਿੱਚ ਘਬਰਾਹਟ ਸਾਫ਼ ਦਿਖਾਈ ਦੇ ਰਹੀ ਹੈ ਅਤੇ ਵੇਚਣ ਵਾਲਿਆਂ (Sellers) ਦਾ ਦਬਾਅ ਭਾਰੀ ਪੈ ਰਿਹਾ ਹੈ।
ਦੁਪਹਿਰ 3 ਵਜੇ ਸੋਨਾ ਵੀ ਮੂਧੇ ਮੂੰਹ ਡਿੱਗਿਆ
ਅਪ੍ਰੈਲ 2026 ਡਿਲੀਵਰੀ ਵਾਲੇ ਸੋਨੇ ਵਿੱਚ ਅਚਾਨਕ ਭਾਰੀ ਗਿਰਾਵਟ ਦੇਖੀ ਗਈ। ਸੋਨੇ ਦੀ ਕੀਮਤ 6 ਫੀਸਦੀ ਯਾਨੀ ਲਗਪਗ 11,037 ਰੁਪਏ ਟੁੱਟ ਕੇ 1,72,925 ਰੁਪਏ ਦੇ ਹੇਠਲੇ ਪੱਧਰ 'ਤੇ ਚਲੀ ਗਈ। ਦੱਸ ਦੇਈਏ ਕਿ ਪਿਛਲੇ ਕਾਰੋਬਾਰੀ ਦਿਨ ਸੋਨਾ 1,83,962 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਬੰਦ ਹੋਇਆ ਸੀ।
ਕੌਮਾਂਤਰੀ ਬਾਜ਼ਾਰ (COMEX) ਦਾ ਹਾਲ
ਵਿਸ਼ਵ ਬਾਜ਼ਾਰ ਵਿੱਚ ਵੀ ਸੋਨੇ ਵਿੱਚ ਭਾਰੀ ਕਮੀ ਦਰਜ ਕੀਤੀ ਗਈ। ਦੁਪਹਿਰ 2:55 ਵਜੇ ਤੱਕ ਸੋਨਾ 5.35 ਫੀਸਦੀ ਯਾਨੀ 284.40 ਡਾਲਰ ਪ੍ਰਤੀ ਔਂਸ ਡਿੱਗ ਗਿਆ। ਭਾਰਤੀ ਰੁਪਏ ਵਿੱਚ ਇਹ ਗਿਰਾਵਟ ਲਗਪਗ 9,214 ਰੁਪਏ ਪ੍ਰਤੀ 10 ਗ੍ਰਾਮ ਬਣਦੀ ਹੈ। ਕੌਮਾਂਤਰੀ ਬਾਜ਼ਾਰ ਵਿੱਚ ਸੋਨਾ ਇਸ ਵੇਲੇ ਲਗਪਗ 1,63,330 ਰੁਪਏ ਪ੍ਰਤੀ 10 ਗ੍ਰਾਮ (ਭਾਰਤੀ ਕਰੰਸੀ ਅਨੁਸਾਰ) 'ਤੇ ਕਾਰੋਬਾਰ ਕਰ ਰਿਹਾ ਹੈ।