ਅਕਸ਼ੈ ਤ੍ਰਿਤੀਆ 'ਤੇ ਸੋਨੇ ਦੀ ਖਰੀਦਦਾਰੀ: ਪਿਛਲੀ ਅਕਸ਼ੈ ਤ੍ਰਿਤੀਆ ਤੋਂ ਹੁਣ ਤਕ ਸੋਨੇ ਨੇ ਕਿੰਨਾ ਦਿੱਤਾ ਮੁਨਾਫ਼ਾ; ਤੁਹਾਨੂੰ ਖਰੀਦਣਾ ਚਾਹੀਦੈ ਜਾਂ ਨਹੀਂ ?

Gold Price: ਦੇਸ਼ ਭਰ ਵਿਚ ਜਲਦੀ ਹੀ ਅਕਸ਼ੈ ਤ੍ਰਿਤੀਆ ਦਾ ਤਿਉਹਾਰ ਮਨਾਇਆ ਜਾਵੇਗਾ। ਇਸ ਦਿਨ ਸੋਨਾ ਜਾਂ ਚਾਂਦੀ ਖਰੀਦਣਾ ਸਭ ਤੋਂ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਦਿਨ ਸੋਨੇ ਅਤੇ ਚਾਂਦੀ ਦੀ ਮੰਗ ਵੀ ਕਾਫੀ ਰਹਿੰਦੀ ਹੈ। ਹਾਲਾਂਕਿ ਸੋਨੇ ਦੀ ਕੀਮਤ ਲਗਾਤਾਰ ਵਧ ਰਹੀ ਹੈ। ਜੇਕਰ ਪਿਛਲੀ ਅਕਸ਼ੈ ਤ੍ਰਿਤੀਆ ਨਾਲ ਹੀ ਤੁਲਨਾ ਕਰੀਏ ਤਾਂ ਸੋਨੇ 'ਚ ਵੱਡਾ ਉਛਾਲ ਆਇਆ ਹੈ। ਅਸੀਂ ਅਕਸ਼ੈ ਤ੍ਰਿਤੀਆ 'ਤੇ ਗੋਲਡ ਦੀ ਕੀਮਤ ਦਾ ਡੇਟਾ ਕੇਡੀਆ ਐਡਵਾਈਜ਼ਰੀ ਤੋਂ ਲਿਆ ਹੈ।

ਪਿਛਲੇ ਸਾਲ ਅਕਸ਼ੈ ਤ੍ਰਿਤੀਆ 'ਤੇ ਕਿੰਨਾ ਸੀ ਸੋਨਾ?

ਕੇਡੀਆ ਐਡਵਾਈਜ਼ਰੀ ਤੋਂ ਮਿਲੇ MCX ਡੇਟਾ ਅਨੁਸਾਰ 30 ਅਪ੍ਰੈਲ ਨੂੰ 10 ਗ੍ਰਾਮ ਸੋਨੇ ਦਾ ਭਾਅ 94,611 ਰੁਪਏ ਚੱਲ ਰਿਹਾ ਹੈ। ਕੱਲ੍ਹ MCX 'ਚ 24 ਕੈਰੇਟ ਸੋਨੇ ਦਾ ਭਾਅ 1,51,770 ਰੁਪਏ ਹੈ। ਉਸ ਹਿਸਾਬ ਨਾਲ ਸੋਨੇ 'ਚ ਪਿਛਲੀ ਅਕਸ਼ੈ ਤ੍ਰਿਤੀਆ ਨਾਲ ਜੇਕਰ ਤੁਲਨਾ ਕਰੀਏ ਤਾਂ 57,159 ਰੁਪਏ ਦੀ ਤੇਜ਼ੀ ਆਈ ਹੈ। ਅਸੀਂ ਇੱਥੇ ਕੱਲ੍ਹ ਦਾ ਭਾਅ ਇਸ ਲਈ ਲਿਆ ਹੈ ਕਿਉਂਕਿ ਅੱਜ MCX ਬੰਦ ਹੈ।

ਜੇਕਰ 5 ਸਾਲਾਂ ਦਾ ਹਿਸਾਬ ਲਈਏ ਤਾਂ 5 ਸਾਲ ਪਹਿਲਾਂ ਅਕਸ਼ੈ ਤ੍ਰਿਤੀਆ ਯਾਨੀ 3 ਮਈ ਨੂੰ MCX 'ਚ 24 ਕੈਰੇਟ ਸੋਨੇ ਦਾ ਭਾਅ 50,808 ਰੁਪਏ ਪ੍ਰਤੀ 10 ਗ੍ਰਾਮ ਸੀ। ਜੇਕਰ ਇਸਦੀ ਤੁਲਨਾ ਅੱਜ ਦੇ ਭਾਅ (24 ਕੈਰੇਟ ਸੋਨੇ ਦਾ ਦਾਮ 1,51,770 ਰੁਪਏ) ਨਾਲ ਕਰੀਏ ਤਾਂ ਇਸ ਵਿਚ 1,00,962 ਰੁਪਏ ਦੀ ਤੇਜ਼ੀ ਆਈ ਹੈ।

ਜੇਕਰ 10 ਸਾਲ ਪਹਿਲਾਂ ਦੇ ਦਾਮ ਨਾਲ ਤੁਲਨਾ ਕਰੀਏ ਤਾਂ ਇਸ ਵਿੱਚ 1,21,392 ਰੁਪਏ ਪ੍ਰਤੀ 10 ਗ੍ਰਾਮ ਦੀ ਤੇਜ਼ੀ ਹੈ। 10 ਸਾਲ ਪਹਿਲਾਂ 24 ਕੈਰੇਟ ਸੋਨੇ ਦੀ ਕੀਮਤ 30,378 ਰੁਪਏ ਪ੍ਰਤੀ 10 ਗ੍ਰਾਮ ਸੀ। ਅੱਜ 24 ਕੈਰੇਟ ਗੋਲਡ ਦਾ ਭਾਅ 1,51,770 ਰੁਪਏ ਪ੍ਰਤੀ 10 ਗ੍ਰਾਮ ਹੈ।

ਸੋਨੇ 'ਚ ਆਈ 60% ਤੋਂ ਜ਼ਿਆਦਾ ਦੀ ਤੇਜ਼ੀ

ਪਿਛਲੇ ਸਾਲ ਨਾਲ ਜੇਕਰ ਤੁਲਨਾ ਕਰੀਏ ਤਾਂ ਸੋਨੇ 'ਚ 60 ਫੀਸਦੀ ਤੋਂ ਜ਼ਿਆਦਾ ਦੀ ਤੇਜ਼ੀ ਆਈ ਹੈ। ਉੱਥੇ ਹੀ 5 ਸਾਲਾਂ 'ਚ ਇਹ ਵਾਧਾ ਲਗਪਗ 200 ਫੀਸਦੀ (198.7 ਫੀਸਦੀ) ਹੋਇਆ ਹੈ। ਇਸੇ ਤਰ੍ਹਾਂ 10 ਸਾਲਾਂ 'ਚ ਅਕਸ਼ੈ ਤ੍ਰਿਤੀਆ (6 ਮਈ) ਨਾਲ ਜੇਕਰ ਤੁਲਨਾ ਕਰੀਏ ਤਾਂ ਸੋਨੇ ਨੇ 400 ਫੀਸਦੀ (399.60 ਫੀਸਦੀ) ਦਾ ਰਿਟਰਨ ਦਿੱਤਾ ਹੈ। ਇਸ ਹਿਸਾਬ ਨਾਲ ਅਸੀਂ ਕਹਿ ਸਕਦੇ ਹਾਂ ਕਿ ਸੋਨੇ ਨੇ ਬੀਤੇ ਸਾਲਾਂ ਵਿੱਚ ਸ਼ੇਅਰ ਬਾਜ਼ਾਰ ਤੋਂ ਵੀ ਬਿਹਤਰ ਰਿਟਰਨ ਦਿੱਤਾ ਹੈ।

ਹੁਣ ਖਰੀਦੋ ਜਾਂ ਨਹੀਂ?

ਕੇਡੀਆ ਐਡਵਾਈਜ਼ਰੀ ਦੀ ਮੰਨੀਏ ਤਾਂ ਜੇਕਰ ਤੁਸੀਂ ਰਵਾਇਤੀ ਉਦੇਸ਼ ਨਾਲ ਖਰੀਦ ਰਹੇ ਹੋ ਤਾਂ ਸਮਾਂ ਨਾ ਦੇਖੋ। ਉੱਥੇ ਹੀ ਜੇਕਰ ਨਿਵੇਸ਼ ਦੇ ਉਦੇਸ਼ ਨਾਲ ਲੈਣਾ ਚਾਹੁੰਦੇ ਹੋ ਤਾਂ SIP ਰਾਹੀਂ ਨਿਵੇਸ਼ ਕਰ ਸਕਦੇ ਹੋ।