Saving Tips: ਕਿਵੇਂ ਸ਼ੁਰੂ ਕਰੀਏ 15000 ਸੈਲਰੀ 'ਚ ਨਿਵੇਸ਼, ਅਪਣਾਓ ਬਸ ਇਹ ਤਰੀਕਾ, ਖ਼ਰਚਿਆਂ ਦੇ ਨਾਲ ਬਚਤ ਵੀ ਹੋਵੇਗੀ ਪੂਰੀ

ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ: 15000 ਰੁਪਏ ਸੈਲਰੀ ਅੱਜ ਦੀ ਵਧਦੀ ਮਹਿੰਗਾਈ ਵਿੱਚ ਘੱਟ ਜ਼ਰੂਰ ਲੱਗਦੀ ਹੈ। ਪਰ ਜੇਕਰ ਤੁਸੀਂ ਇਸ ਨੂੰ ਸਮਝਦਾਰੀ ਨਾਲ ਵਰਤੋਂ, ਤਾਂ ਇਸ ਸੈਲਰੀ 'ਤੇ ਵੀ ਤੁਹਾਡੇ ਸਾਰੇ ਖ਼ਰਚੇ ਪੂਰੇ ਹੋ ਸਕਦੇ ਹਨ। ਨਾਲ ਹੀ ਤੁਸੀਂ ਠੀਕ-ਠਾਕ ਰਕਮ ਸੇਵ (Save) ਵੀ ਕਰ ਲਵੋਗੇ। ਬਸ ਲੋੜ ਹੈ ਕਿ ਤੁਸੀਂ ਸਮਝਦਾਰੀ ਅਤੇ ਇੱਕ ਸੰਤੁਲਨ ਬਣਾ ਕੇ ਸੈਲਰੀ ਦੀ ਵਰਤੋਂ ਕਰੋ।

ਇਸ ਦੇ ਨਾਲ ਹੀ ਤੁਹਾਨੂੰ ਫਾਲਤੂ ਖ਼ਰਚਿਆਂ 'ਤੇ ਵੀ ਕੰਟਰੋਲ ਰੱਖਣਾ ਹੋਵੇਗਾ। ਤੁਸੀਂ ਚਾਹੋ ਤਾਂ ਸੈਲਰੀ ਨੂੰ ਸੰਤੁਲਿਤ ਤਰੀਕੇ ਨਾਲ ਵਰਤਣ ਲਈ 50:30:20 ਦੇ ਅਨੁਪਾਤ (Ratio) ਵਿੱਚ ਵੰਡ ਸਕਦੇ ਹੋ। ਤੁਹਾਨੂੰ ਇਹ ਫਾਰਮੂਲਾ ਕਿਵੇਂ ਵਰਤਣਾ ਹੈ ਅਤੇ ਕਿੰਨਾ ਹਿੱਸਾ ਖ਼ਰਚ ਤੇ ਬਚਤ ਵਿੱਚ ਲਗਾਉਣਾ ਹੈ, ਆਓ ਸਮਝਦੇ ਹਾਂ।

ਕਿਵੇਂ ਕਰੀਏ 50:30:20 ਫਾਰਮੂਲੇ ਦੀ ਵਰਤੋਂ

50:30:20 ਰੇਸ਼ੋ ਦਾ ਮਤਲਬ ਹੈ ਕਿ ਤੁਹਾਨੂੰ ਆਪਣੀ ਮਹੀਨਾਵਾਰ ਸੈਲਰੀ 50:30:20 ਦੇ ਅਨੁਪਾਤ ਵਿੱਚ ਵੰਡਣੀ ਹੋਵੇਗੀ। ਜੇਕਰ 15 ਹਜ਼ਾਰ ਰੁਪਏ ਸੈਲਰੀ ਨੂੰ ਇਸ ਫਾਰਮੂਲੇ ਵਿੱਚ ਵੰਡਿਆ ਜਾਵੇ ਤਾਂ ਉਹ ਕੁਝ ਇਸ ਤਰ੍ਹਾਂ ਹੋਵੇਗਾ:

50% - 7500 ਰੁਪਏ

30% - 4500 ਰੁਪਏ

20% - 3000 ਰੁਪਏ

ਹੁਣ ਜਾਣਦੇ ਹਾਂ ਕਿ ਇਸ ਵੰਡੀ ਹੋਈ ਰਕਮ ਨੂੰ ਤੁਸੀਂ ਕਦੋਂ ਅਤੇ ਕਿਵੇਂ ਵਰਤਣਾ ਹੈ:

50% - ਜ਼ਰੂਰੀ ਖ਼ਰਚਿਆਂ ਲਈ: ਜੇਕਰ 15 ਹਜ਼ਾਰ ਸੈਲਰੀ ਅਨੁਸਾਰ ਦੇਖੀਏ ਤਾਂ ਤੁਹਾਨੂੰ 7500 ਰੁਪਏ ਜ਼ਰੂਰ ਖ਼ਰਚਿਆਂ 'ਤੇ ਲਗਾਉਣੇ ਹਨ। ਜ਼ਰੂਰੀ ਖ਼ਰਚੇ ਜਿਵੇਂ ਰਾਸ਼ਨ, ਬਿਜਲੀ-ਪਾਣੀ ਦਾ ਬਿੱਲ, ਕਿਰਾਇਆ ਆਦਿ।

30% - ਮਨਚਾਹੇ ਕੰਮਾਂ ਲਈ: 30 ਫੀਸਦੀ ਪੈਸਾ ਯਾਨੀ 4500 ਰੁਪਏ ਮਨਚਾਹੇ ਕੰਮਾਂ ਲਈ ਵਰਤਣੇ ਹਨ, ਜਿਵੇਂ ਮੂਵੀ ਦੇਖਣਾ, ਮਨਪਸੰਦ ਕੱਪੜੇ ਖਰੀਦਣਾ ਆਦਿ।

20% - ਬਚਤ ਅਤੇ ਨਿਵੇਸ਼ ਲਈ: 20 ਫੀਸਦੀ ਪੈਸਾ ਯਾਨੀ 3000 ਰੁਪਏ ਦੀ ਬਚਤ ਕਰਨੀ ਹੈ। ਇਨ੍ਹਾਂ 3000 ਰੁਪਏ ਵਿੱਚੋਂ ਵੀ ਤੁਸੀਂ ਅੱਧੇ ਪੈਸੇ ਸੁਰੱਖਿਅਤ ਨਿਵੇਸ਼ ਜਿਵੇਂ ਆਰ.ਡੀ. (RD) ਵਿੱਚ ਲਗਾ ਸਕਦੇ ਹੋ। ਬਾਕੀ ਬਚੇ ਅੱਧੇ ਪੈਸੇ ਤੁਸੀਂ ਮਿਊਚਲ ਫੰਡ ਆਦਿ ਵਿੱਚ ਲਗਾ ਸਕਦੇ ਹੋ। ਜੇਕਰ ਤੁਸੀਂ ਰਿਸਕ ਨਹੀਂ ਲੈਣਾ ਚਾਹੁੰਦੇ ਤਾਂ ਆਪਣੀ ਬਚਤ ਲਈ ਸੁਰੱਖਿਅਤ ਨਿਵੇਸ਼ ਬਦਲ ਚੁਣੋ। ਸਿਰਫ਼ ਪੈਸੇ ਬਚਾਉਣ ਨਾਲ ਕੁਝ ਨਹੀਂ ਹੋਵੇਗਾ, ਤੁਹਾਨੂੰ ਇਨ੍ਹਾਂ ਨੂੰ ਸਹੀ ਤਰੀਕੇ ਨਾਲ ਨਿਵੇਸ਼ ਵੀ ਕਰਨਾ ਹੋਵੇਗਾ।