- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਹੈਰਾਨੀਜਨਕ! ਇਸ ਰਾਜ 'ਚ ਸਫ਼ਾਈ ਕਰਮਚਾਰੀ ਦੀ ਤਨਖ਼ਾਹ 2 ਲੱਖ ਤੇ ਇੰਜੀਨੀਅਰ ਦੀ 7 ਲੱਖ ਮਹੀਨਾ
ਹਾਲਾਂਕਿ, ਤਨਖ਼ਾਹ ਦਾ ਇਹ ਢਾਂਚਾ ਸਿਰਫ਼ ਬਿਜਲੀ ਖੇਤਰ ਤੱਕ ਹੀ ਸੀਮਤ ਨਹੀਂ ਹੈ। ਸੂਤਰਾਂ ਅਨੁਸਾਰ ਨਗਰ ਨਿਗਮ ਦੇ ਸ਼ੁਰੂਆਤੀ ਕਰਮਚਾਰੀਆਂ ਦੀ ਤਨਖ਼ਾਹ ਵੀ ਲਗਪਗ 28,000 ਰੁਪਏ ਪ੍ਰਤੀ ਮਹੀਨਾ ਹੁੰਦੀ ਹੈ। ਤਿੰਨ ਦਹਾਕਿਆਂ ਤੋਂ ਵੱਧ ਸੇਵਾ ਨਿਭਾਅ ਚੁੱਕੇ ਡਰਾਈਵਰ ਅਤੇ ਸਫ਼ਾਈ ਕਰਮਚਾਰੀ 1 ਲੱਖ ਰੁਪਏ ਤੋਂ ਵੱਧ ਤਨਖ਼ਾਹ ਪਾ ਸਕਦੇ ਹਨ
Posted By Neha Diwan
Publish Date: Thu, 26 Feb 2026 01:10 PM (IST)
Updated Date: Thu, 26 Feb 2026 01:27 PM (IST)
ਨਵੀਂ ਦਿੱਲੀ: ਕੀ ਕਿਸੇ ਸਰਕਾਰੀ ਸਫ਼ਾਈ ਕਰਮਚਾਰੀ ਦੀ ਤਨਖ਼ਾਹ (Sweepers Salary) 2 ਲੱਖ ਰੁਪਏ ਮਹੀਨਾ ਹੋ ਸਕਦੀ ਹੈ? ਤਨਖ਼ਾਹ ਦਾ ਇਹ ਅੰਕੜਾ ਤੁਹਾਨੂੰ ਹੈਰਾਨ ਕਰ ਸਕਦਾ ਹੈ ਪਰ ਇਹ ਸੱਚ ਹੈ। ਦਰਅਸਲ, ਤੇਲੰਗਾਨਾ ਸਰਕਾਰ (Telangana Govt) ਵਿੱਚ ਕਰਮਚਾਰੀਆਂ ਦੀ ਤਨਖ਼ਾਹ ਅਤੇ ਪੈਨਸ਼ਨ 'ਤੇ ਮਾਸਿਕ ਖ਼ਰਚ ਪਿਛਲੇ ਇੱਕ ਦਹਾਕੇ ਵਿੱਚ ਚਾਰ ਗੁਣਾ ਵੱਧ ਗਿਆ ਹੈ, ਅਤੇ ਬਿਜਲੀ ਕੰਪਨੀਆਂ ਵਿੱਚ ਸਫ਼ਾਈ ਕਰਮਚਾਰੀਆਂ ਵਰਗੇ ਸੀਨੀਅਰ ਸ਼੍ਰੇਣੀ IV (ਕਲਾਸ 4) ਕਰਮਚਾਰੀਆਂ ਨੂੰ ਹੁਣ ਲਗਪਗ 2 ਲੱਖ ਰੁਪਏ ਪ੍ਰਤੀ ਮਹੀਨਾ ਮਿਲ ਰਹੇ ਹਨ।
ਰਾਜ ਦੇ ਮੁੱਖ ਸਕੱਤਰ ਕੇ. ਰਾਮਕ੍ਰਿਸ਼ਨ ਰਾਓ ਨੇ ਬੁੱਧਵਾਰ ਨੂੰ ਦੱਸਿਆ ਕਿ ਰਾਜ ਦਾ ਤਨਖ਼ਾਹ ਅਤੇ ਪੈਨਸ਼ਨ 'ਤੇ ਮਾਸਿਕ ਖ਼ਰਚ 2014 ਵਿੱਚ (ਜਦੋਂ ਤੇਲੰਗਾਨਾ ਆਂਧਰਾ ਪ੍ਰਦੇਸ਼ ਤੋਂ ਵੱਖ ਹੋ ਕੇ ਬਣਿਆ ਸੀ) 1,500 ਕਰੋੜ ਰੁਪਏ ਤੋਂ ਵਧ ਕੇ 6,000 ਕਰੋੜ ਰੁਪਏ ਹੋ ਗਿਆ ਹੈ। ਟੀ.ਓ.ਆਈ. (TOI) ਦੀ ਇੱਕ ਰਿਪੋਰਟ ਅਨੁਸਾਰ, ਇਹ ਨਿਸ਼ਚਿਤ ਖ਼ਰਚ ਵਿੱਚ 300 ਪ੍ਰਤੀਸ਼ਤ ਦੇ ਵਾਧੇ ਨੂੰ ਦਰਸਾਉਂਦਾ ਹੈ, ਜਿਸ ਦਾ ਮੁੱਖ ਕਾਰਨ ਚੋਣਾਂ ਦੇ ਨਾਲ-ਨਾਲ ਹੋਣ ਵਾਲੀਆਂ ਤਨਖ਼ਾਹ ਸੋਧਾਂ (Pay Revisions) ਹਨ।
ਮੁੱਖ ਸਕੱਤਰ ਨੇ ਦਿੱਤੀ ਤਨਖ਼ਾਹ ਦੀ ਡਿਟੇਲ
ਆਰਥਿਕ ਅਤੇ ਸਮਾਜਿਕ ਅਧਿਐਨ ਕੇਂਦਰ (CESS) ਵੱਲੋਂ ਆਯੋਜਿਤ 16ਵੇਂ ਵਿੱਤ ਕਮਿਸ਼ਨ ਦੀਆਂ ਸਿਫ਼ਾਰਸ਼ਾਂ 'ਤੇ ਇੱਕ ਸੰਮੇਲਨ ਨੂੰ ਸੰਬੋਧਨ ਕਰਦਿਆਂ ਰਾਓ ਨੇ ਸੈਲਰੀ ਸਟ੍ਰਕਚਰ ਬਾਰੇ ਵਿਸਥਾਰ ਵਿੱਚ ਦੱਸਿਆ, ਜਿੱਥੇ ਜਨਤਕ ਖੇਤਰ (Public Sector) ਦੀ ਤਨਖ਼ਾਹ ਹੁਣ ਚੋਟੀ ਦੇ ਨੌਕਰਸ਼ਾਹਾਂ ਅਤੇ ਇੱਥੋਂ ਤੱਕ ਕਿ ਰਾਜ ਦੇ ਸੰਵਿਧਾਨਕ ਮੁਖੀ ਦੀ ਤਨਖ਼ਾਹ ਤੋਂ ਵੀ ਵੱਧ ਹੈ।
ਬਿਜਲੀ ਕੰਪਨੀਆਂ ਵਿੱਚ ਵੱਡਾ ਫ਼ਰਕ: ਸਰਕਾਰੀ ਬਿਜਲੀ ਕੰਪਨੀਆਂ ਵਿੱਚ ਇਹ ਅਸਮਾਨਤਾ ਸਭ ਤੋਂ ਵੱਧ ਸਪੱਸ਼ਟ ਹੈ। ਮੁੱਖ ਸਕੱਤਰ ਅਨੁਸਾਰ, ਇਨ੍ਹਾਂ ਵਿਭਾਗਾਂ ਵਿੱਚ ਮੁੱਖ ਇੰਜੀਨੀਅਰਾਂ ਨੂੰ ਪ੍ਰਤੀ ਮਹੀਨਾ 7 ਲੱਖ ਰੁਪਏ ਤੱਕ ਦੀ ਤਨਖ਼ਾਹ ਮਿਲਦੀ ਹੈ।
ਸਫ਼ਾਈ ਕਰਮਚਾਰੀਆਂ ਦੀ ਤਨਖ਼ਾਹ: ਪਾਵਰ ਸੈਕਟਰ ਵਿੱਚ ਸਫ਼ਾਈ ਕਰਮਚਾਰੀਆਂ ਸਮੇਤ ਸੀਨੀਅਰ ਸ਼੍ਰੇਣੀ IV ਕਰਮਚਾਰੀਆਂ ਨੂੰ ਲਗਭਗ 2 ਲੱਖ ਰੁਪਏ ਪ੍ਰਤੀ ਮਹੀਨਾ ਮਿਲਦੇ ਹਨ।
ਕਾਰਨ: ਮੁੱਖ ਸਕੱਤਰ ਰਾਓ ਨੇ ਬਿਜਲੀ ਕੰਪਨੀਆਂ ਵਿੱਚ ਉੱਚ ਤਨਖ਼ਾਹ ਦਾ ਕਾਰਨ ਹਰ ਚਾਰ ਸਾਲ ਵਿੱਚ ਹੋਣ ਵਾਲੇ 'ਸੈਲਰੀ ਰਿਵੀਜ਼ਨ ਸਾਈਕਲ' ਨੂੰ ਦੱਸਿਆ, ਜਦੋਂ ਕਿ ਹੋਰ ਸਰਕਾਰੀ ਵਿਭਾਗਾਂ ਵਿੱਚ ਇਹ ਸਾਈਕਲ ਸਟੈਂਡਰਡ (ਜ਼ਿਆਦਾ ਸਮੇਂ ਦਾ) ਹੈ।
ਨਗਰ ਨਿਗਮ ਦਾ ਹਾਲ
ਹਾਲਾਂਕਿ, ਤਨਖ਼ਾਹ ਦਾ ਇਹ ਢਾਂਚਾ ਸਿਰਫ਼ ਬਿਜਲੀ ਖੇਤਰ ਤੱਕ ਹੀ ਸੀਮਤ ਨਹੀਂ ਹੈ। ਸੂਤਰਾਂ ਅਨੁਸਾਰ ਨਗਰ ਨਿਗਮ ਦੇ ਸ਼ੁਰੂਆਤੀ ਕਰਮਚਾਰੀਆਂ ਦੀ ਤਨਖ਼ਾਹ ਵੀ ਲਗਪਗ 28,000 ਰੁਪਏ ਪ੍ਰਤੀ ਮਹੀਨਾ ਹੁੰਦੀ ਹੈ। ਤਿੰਨ ਦਹਾਕਿਆਂ ਤੋਂ ਵੱਧ ਸੇਵਾ ਨਿਭਾਅ ਚੁੱਕੇ ਡਰਾਈਵਰ ਅਤੇ ਸਫ਼ਾਈ ਕਰਮਚਾਰੀ 1 ਲੱਖ ਰੁਪਏ ਤੋਂ ਵੱਧ ਤਨਖ਼ਾਹ ਪਾ ਸਕਦੇ ਹਨ। ਗ੍ਰੇਟਰ ਹੈਦਰਾਬਾਦ ਨਗਰ ਨਿਗਮ ਵਿੱਚ, ਪੱਕੇ ਕੀਤੇ ਗਏ (Regularized) ਸਫ਼ਾਈ ਕਰਮਚਾਰੀਆਂ ਨੂੰ ਭੱਤਿਆਂ ਤੋਂ ਇਲਾਵਾ ਔਸਤਨ 70,000 ਰੁਪਏ ਪ੍ਰਤੀ ਮਹੀਨਾ ਮਿਲਦੇ ਹਨ।