Pan Card 'ਚ ਭਰੀ ਗਈ ਹੈ ਗਲਤ ਡਿਟੇਲ? ਟੈਨਸ਼ਨ ਛੱਡੋ, ਇਸ ਤਰੀਕੇ ਨਾਲ ਮਿੰਟਾਂ 'ਚ ਕਰੋ ਹਰ ਜਾਣਕਾਰੀ ਸਹੀ; ਦੇਖੋ ਪੂਰਾ ਪ੍ਰੋਸੈਸ

ਨਵੀਂ ਦਿੱਲੀ: ਆਧਾਰ ਕਾਰਡ ਦੀ ਤਰ੍ਹਾਂ ਅੱਜ ਦੇ ਸਮੇਂ ਵਿੱਚ ਪੈਨ ਕਾਰਡ ਵੀ ਬਹੁਤ ਜ਼ਰੂਰੀ ਹੋ ਗਿਆ ਹੈ। ਇਸ ਤੋਂ ਬਿਨਾਂ ਪੈਸਿਆਂ ਨਾਲ ਜੁੜਿਆ ਕੋਈ ਵੀ ਕੰਮ ਪੂਰਾ ਨਹੀਂ ਹੋ ਸਕਦਾ। ਇਨਕਮ ਟੈਕਸ (Income Tax) ਨਾਲ ਜੁੜੇ ਕੰਮ ਹੋਣ ਜਾਂ ਬੈਂਕ ਦਾ ਕੋਈ ਲੈਣ-ਦੇਣ, ਹਰ ਜਗ੍ਹਾ ਪੈਨ ਕਾਰਡ ਦੀ ਲੋੜ ਪੈਂਦੀ ਹੈ।

ਇਸ ਤੋਂ ਇਲਾਵਾ ਜੇਕਰ ਤੁਸੀਂ ਨੌਕਰੀ ਲਈ ਜਾਂਦੇ ਹੋ, ਤਾਂ ਉੱਥੇ ਵੀ ਪੈਨ ਕਾਰਡ ਮੰਗਿਆ ਜਾਂਦਾ ਹੈ। ਜੇਕਰ ਤੁਸੀਂ ਇਸ ਵਿੱਚ ਕੋਈ ਗਲਤ ਜਾਣਕਾਰੀ ਦਰਜ ਕਰ ਦਿੱਤੀ ਹੈ, ਤਾਂ ਵੱਡੀ ਮੁਸੀਬਤ ਖੜ੍ਹੀ ਹੋ ਸਕਦੀ ਹੈ ਅਤੇ ਹੋ ਸਕਦਾ ਹੈ ਕਿ ਤੁਸੀਂ ਆਪਣੇ ਪੈਨ ਕਾਰਡ ਦੀ ਵਰਤੋਂ ਹੀ ਨਾ ਕਰ ਸਕੋ।

ਜੇਕਰ ਤੁਸੀਂ ਇਸ ਗਲਤੀ ਨੂੰ ਸੁਧਾਰਨਾ ਚਾਹੁੰਦੇ ਹੋ, ਤਾਂ ਹੇਠਾਂ ਦਿੱਤੇ ਸਟੈਪਸ ਨੂੰ ਧਿਆਨ ਨਾਲ ਫਾਲੋ ਕਰੋ:

ਸਟੈਪ-ਬਾਏ-ਸਟੈਪ ਪ੍ਰੋਸੈਸ (Step-by-Step Process)

ਸਭ ਤੋਂ ਪਹਿਲਾਂ NSDL ਜਾਂ UTIITSL ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾਓ।

ਹੁਣ ਲੌਗਇਨ ਕਰੋ। ਜੇਕਰ ਪਹਿਲੀ ਵਾਰ ਆਏ ਹੋ, ਤਾਂ ਰਜਿਸਟ੍ਰੇਸ਼ਨ ਕਰੋ।

ਲੌਗਇਨ ਕਰਨ ਤੋਂ ਬਾਅਦ 'Changes/Correction in PAN' ਵਾਲੇ ਆਪਸ਼ਨ ਨੂੰ ਚੁਣੋ।

ਇਸ ਤੋਂ ਬਾਅਦ ਮੰਗੀ ਗਈ ਜਾਣਕਾਰੀ ਜਿਵੇਂ ਪੈਨ ਨੰਬਰ, ਨਾਮ, ਜਨਮ ਮਿਤੀ ਅਤੇ ਈਮੇਲ ਆਦਿ ਦਰਜ ਕਰੋ।

ਹੁਣ ਤੁਹਾਨੂੰ 15 ਅੰਕਾਂ ਦਾ ਟੋਕਨ ਨੰਬਰ ਜਨਰੇਟ ਕਰਨਾ ਹੋਵੇਗਾ।

ਅਖੀਰ ਵਿੱਚ ਜੋ ਜਾਣਕਾਰੀ ਤੁਸੀਂ ਬਦਲਣਾ ਚਾਹੁੰਦੇ ਹੋ, ਉਸ ਨੂੰ ਸਿਲੈਕਟ ਕਰੋ ਅਤੇ ਸਹੀ ਡਿਟੇਲ ਭਰੋ।

ਇਸ ਤੋਂ ਬਾਅਦ ਜ਼ਰੂਰੀ ਦਸਤਾਵੇਜ਼ ਜਿਵੇਂ ਐਡਰੈੱਸ ਪਰੂਫ਼, ਜਨਮ ਮਿਤੀ ਦਾ ਸਬੂਤ ਅਤੇ ਫੋਟੋ ਆਦਿ ਅਪਲੋਡ ਕਰੋ।

ਅੰਤ ਵਿੱਚ ਫੀਸ ਭਰ ਕੇ ਫਾਰਮ ਸਬਮਿਟ ਕਰ ਦਿਓ।

ਫਾਰਮ ਭਰਨ ਤੋਂ ਬਾਅਦ Acknowledgement Slip ਜ਼ਰੂਰ ਡਾਊਨਲੋਡ ਕਰੋ। ਇਸ ਨਾਲ ਤੁਸੀਂ ਭਵਿੱਖ ਵਿੱਚ ਆਪਣਾ ਸਟੇਟਸ ਚੈੱਕ ਕਰ ਸਕਦੇ ਹੋ।

ਜੇਕਰ ਫਿਰ ਵੀ ਕੰਮ ਨਾ ਬਣੇ ਤਾਂ?

ਜੇਕਰ ਤੁਸੀਂ ਖੁਦ ਇਹ ਕੰਮ ਨਹੀਂ ਕਰ ਪਾ ਰਹੇ, ਤਾਂ ਆਪਣੇ ਨੇੜਲੇ ਸੀ.ਐਸ.ਸੀ (CSC) ਸੈਂਟਰ ਜਾ ਸਕਦੇ ਹੋ। ਉਹ ਤੁਹਾਡੀ ਮਦਦ ਕਰਨਗੇ। ਕਿਉਂਕਿ ਇਹ ਸਰਕਾਰੀ ਕੰਮ ਹੈ, ਇਸ ਲਈ ਉਹ ਸਾਈਬਰ ਕੈਫੇ ਦੇ ਮੁਕਾਬਲੇ ਘੱਟ ਫੀਸ ਲੈਣਗੇ। ਆਪਣੇ ਨਾਲ ਸਾਰੇ ਜ਼ਰੂਰੀ ਦਸਤਾਵੇਜ਼ ਲਿਜਾਣਾ ਨਾ ਭੁੱਲੋ।