ਈਰਾਨ-ਅਮਰੀਕਾ ਦੀ ਜੰਗ ਕਾਰਨ ਭਾਰਤ ਦੇ ਅਰਬਪਤੀਆਂ ਨੂੰ ਵੱਡਾ ਨੁਕਸਾਨ, ਕੇ ਪੀ ਸਿੰਘ ਨੂੰ ਤਗੜੀ ਸੱਟ, ਅੰਬਾਨੀ-ਅਡਾਨੀ ਨੂੰ ਕਿੰਨਾ ਘਾਟਾ?

ਨਵੀਂ ਦਿੱਲੀ: ਈਰਾਨ ਅਤੇ ਅਮਰੀਕਾ (Iran-US War) ਵਿਚਾਲੇ ਜਾਰੀ ਜੰਗ ਨੇ ਪੂਰੀ ਦੁਨੀਆ ਦੇ ਅਰਬਪਤੀਆਂ ਨੂੰ ਤਗੜੀ ਸੱਟ ਮਾਰੀ ਹੈ, ਕਿਉਂਕਿ ਗਲੋਬਲ ਸ਼ੇਅਰ ਬਾਜ਼ਾਰ (Share Market Crash) ਦੇ ਡਿੱਗਣ ਕਾਰਨ ਇਨ੍ਹਾਂ ਬਿਲੀਨੇਅਰਜ਼ ਦੀਆਂ ਕੰਪਨੀਆਂ ਦਾ ਮਾਰਕੀਟ ਕੈਪ ਤੇਜ਼ੀ ਨਾਲ ਘਟਿਆ ਹੈ। ਭਾਰਤ ਵਿੱਚ ਵੀ ਕਈ ਕੰਪਨੀਆਂ ਦਾ ਬਾਜ਼ਾਰ ਪੂੰਜੀਕਰਣ ਤੇਜ਼ੀ ਨਾਲ ਡਿੱਗਿਆ ਹੈ। ਅਜਿਹੇ ਵਿੱਚ ਕਈ ਭਾਰਤੀ ਅਰਬਪਤੀਆਂ ਦੀ ਦੌਲਤ ਘਟ ਗਈ ਹੈ।

ਸਭ ਤੋਂ ਵੱਧ ਨੁਕਸਾਨ ਭਾਰਤ ਦੇ ਰੀਅਲ ਅਸਟੇਟ ਕਿੰਗ ਕੇ ਪੀ ਸਿੰਘ ਨੂੰ ਹੋਇਆ ਹੈ ਕਿਉਂਕਿ ਉਨ੍ਹਾਂ ਦੀ ਦੌਲਤ (Wealth) ਵਿੱਚ 23 ਫੀਸਦੀ ਦੀ ਗਿਰਾਵਟ ਆ ਗਈ ਹੈ। ਉੱਥੇ ਹੀ, ਰੁਪਏ ਦੇ ਲਿਹਾਜ਼ ਨਾਲ ਸਭ ਤੋਂ ਵੱਧ ਸੱਟ ਮੁਕੇਸ਼ ਅੰਬਾਨੀ ਨੂੰ ਪਹੁੰਚੀ ਹੈ ਜਿਨ੍ਹਾਂ ਦੀ ਦੌਲਤ ਡੇਢ ਲੱਖ ਕਰੋੜ ਰੁਪਏ ਘਟ ਗਈ। ਇਸ ਸੂਚੀ ਵਿੱਚ ਅੰਬਾਨੀ ਅਤੇ ਅਡਾਨੀ ਸਮੇਤ ਕਈ ਅਰਬਪਤੀਆਂ ਦੇ ਨਾਮ ਹਨ ਜਿਨ੍ਹਾਂ ਦੀ ਜਾਇਦਾਦ ਵਿੱਚ ਭਾਰੀ ਗਿਰਾਵਟ ਆਈ ਹੈ।

ਕਿਸ ਅਰਬਪਤੀ ਨੂੰ ਕਿੰਨਾ ਨੁਕਸਾਨ?

ਰੀਅਲ ਅਸਟੇਟ ਫਰਮ ਡੀਐਲਐਫ (DLF) ਦੇ ਮਾਲਕ ਕੇ ਪੀ ਸਿੰਘ ਦੀ ਜਾਇਦਾਦ ਵਿੱਚ ਸਭ ਤੋਂ ਵੱਡੀ ਗਿਰਾਵਟ ਦੇਖੀ ਗਈ, 2026 ਵਿੱਚ ਹੁਣ ਤੱਕ ਉਨ੍ਹਾਂ ਦੀ ਜਾਇਦਾਦ 23 ਪ੍ਰਤੀਸ਼ਤ ਤੋਂ ਵੱਧ ਘਟ ਕੇ 11 ਅਰਬ ਡਾਲਰ ਰਹਿ ਗਈ ਹੈ, ਉਨ੍ਹਾਂ ਨੂੰ 30,000 ਕਰੋੜ ਤੋਂ ਵੱਧ ਦਾ ਨੁਕਸਾਨ ਹੋਇਆ ਹੈ।

ਪੈਸਾ ਗੁਆਉਣ ਵਾਲੇ ਅਰਬਪਤੀਆਂ ਦੀ ਇਸ ਸੂਚੀ ਵਿੱਚ ਦੂਜੇ ਨੰਬਰ 'ਤੇ ਅਜ਼ੀਮ ਪ੍ਰੇਮਜੀ ਹਨ, ਜਿਨ੍ਹਾਂ ਦੀ ਦੌਲਤ 2026 ਵਿੱਚ 21.3 ਫੀਸਦੀ ਘਟ ਕੇ 21.6 ਬਿਲੀਅਨ ਡਾਲਰ ਰਹਿ ਗਈ। ਇਸ ਲਿਹਾਜ਼ ਨਾਲ ਉਨ੍ਹਾਂ ਨੂੰ 53,000 ਕਰੋੜ ਤੋਂ ਵੱਧ ਦਾ ਘਾਟਾ ਹੋਇਆ ਹੈ।

ਪੈਪਸੀ ਅਤੇ ਇੰਡੀਗੋ ਦੇ ਮਾਲਕ ਨੂੰ ਵੀ ਘਾਟਾ

ਵਰੁਣ ਬੇਵਰੇਜਿਜ਼ ਲਿਮਟਿਡ ਦੇ ਮਾਲਕ ਰਵੀ ਜੈਪੁਰੀਆ ਦੀ ਜਾਇਦਾਦ 20.5 ਫੀਸਦੀ ਘਟੀ ਹੈ ਅਤੇ ਹੁਣ ਮੌਜੂਦਾ ਜਾਇਦਾਦ 10.2 ਬਿਲੀਅਨ ਡਾਲਰ ਹੈ। ਉਨ੍ਹਾਂ ਦੀ ਜਾਇਦਾਦ 24,000 ਕਰੋੜ ਰੁਪਏ ਘਟੀ ਹੈ। ਇੰਡੀਗੋ ਏਅਰਲਾਈਨ ਦੇ ਐਮਡੀ ਰਾਹੁਲ ਭਾਟੀਆ ਦੀ ਜਾਇਦਾਦ ਵੀ 17.50 ਫੀਸਦੀ ਘਟ ਗਈ ਹੈ।

ਮੁਕੇਸ਼ ਅੰਬਾਨੀ ਅਤੇ ਗੌਤਮ ਅਡਾਨੀ ਨੂੰ ਕਿੰਨਾ ਨੁਕਸਾਨ?

ਰਕਮ ਦੇ ਲਿਹਾਜ਼ ਨਾਲ ਮੁਕੇਸ਼ ਅੰਬਾਨੀ ਨੂੰ ਸਭ ਤੋਂ ਵੱਧ ਨੁਕਸਾਨ ਹੋਇਆ ਹੈ, ਕਿਉਂਕਿ ਉਨ੍ਹਾਂ ਦੀ ਜਾਇਦਾਦ 16.5 ਬਿਲੀਅਨ ਡਾਲਰ ਘਟੀ ਹੈ, ਭਾਰਤੀ ਰੁਪਏ ਵਿੱਚ ਇਹ ਰਕਮ 1.52 ਲੱਖ ਕਰੋੜ ਤੋਂ ਵੱਧ ਹੈ। ਉੱਥੇ ਹੀ, ਗੌਤਮ ਅਡਾਨੀ ਦੀ ਜਾਇਦਾਦ 8.5 ਬਿਲੀਅਨ ਡਾਲਰ (10.1%) ਘਟੀ ਹੈ ਅਤੇ ਭਾਰਤੀ ਰੁਪਏ ਵਿੱਚ ਇਹ ਰਕਮ 78,000 ਕਰੋੜ ਰੁਪਏ ਹੈ।

ਇਸ ਤੋਂ ਇਲਾਵਾ, ਸੁਨੀਲ ਭਾਰਤੀ ਮਿੱਤਲ, ਸ਼ਿਵ ਨਾਡਾਰ, ਉਦੈ ਕੋਟਕ, ਸ਼ਾਪੂਰ ਮਿਸਤਰੀ ਐਂਡ ਫੈਮਿਲੀ, ਵਿਕਰਮ ਲਾਲ, ਇੰਦਰ ਜੈਸਿੰਘ, ਨੁਸਲੀ ਵਾਡੀਆ ਅਤੇ ਮੁਰਲੀ ਡਿਵੀ ਸਮੇਤ ਕਈ ਬਿਲੀਨੇਅਰਜ਼ ਦੀ ਦੌਲਤ ਮਾਰਕੀਟ ਕ੍ਰੈਸ਼ ਹੋਣ ਕਾਰਨ ਘਟੀ ਹੈ।