ਬੜੀ ਕੰਮ ਦੀ ਖ਼ਬਰ: ਅਰਜੈਂਟ ਚਾਹੀਦਾ ਹੈ ਆਧਾਰ ਕਾਰਡ? ਹੁਣ ਮੋਬਾਈਲ 'ਤੇ ਹੀ ਮਿਲੇਗਾ ਅਸਲੀ ਆਧਾਰ, ਜਾਣੋ ਸਟੈਪ-ਬਾਏ-ਸਟੈਪ ਗਾਈਡ

ਨਵੀਂ ਦਿੱਲੀ: ਆਧਾਰ ਕਾਰਡ ਸਾਡੀ ਪਛਾਣ ਨਾਲ ਜੁੜ ਚੁੱਕਾ ਹੈ। ਇਸ ਤੋਂ ਬਿਨਾਂ ਕੋਈ ਵੀ ਕੰਮ ਪੂਰਾ ਹੋਣਾ ਸੰਭਵ ਨਹੀਂ ਹੈ। ਜੇਕਰ ਤੁਹਾਨੂੰ ਆਧਾਰ ਕਾਰਡ ਕਿਤੇ ਤੁਰੰਤ ਭੇਜਣਾ ਹੈ ਅਤੇ ਪਹਿਲਾਂ ਡਾਊਨਲੋਡ ਕੀਤੀ ਹੋਈ ਪੀਡੀਐਫ (PDF) ਨਹੀਂ ਮਿਲ ਰਹੀ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਹੈ।

ਅੱਜ ਅਸੀਂ ਜਾਣਾਂਗੇ ਕਿ ਤੁਸੀਂ WhatsApp 'ਤੇ ਆਧਾਰ ਕਾਰਡ ਕਿਵੇਂ ਡਾਊਨਲੋਡ ਕਰ ਸਕਦੇ ਹੋ। ਇਹ ਤਰੀਕਾ ਜਾਣਨ ਤੋਂ ਬਾਅਦ ਤੁਹਾਨੂੰ ਆਧਾਰ ਕਾਰਡ ਡਾਊਨਲੋਡ ਕਰਨ ਲਈ ਵੈੱਬਸਾਈਟ 'ਤੇ ਜਾਣ ਦੀ ਲੋੜ ਨਹੀਂ ਪਵੇਗੀ। ਆਧਾਰ ਕਾਰਡ ਦੀ ਪੀਡੀਐਫ ਤੁਹਾਨੂੰ ਵ੍ਹਟਸਐਪ 'ਤੇ ਹੀ ਮਿਲ ਜਾਵੇਗੀ। ਆਓ ਇਸ ਦਾ ਤਰੀਕਾ ਜਾਣ ਲੈਂਦੇ ਹਾਂ।

ਕਿਵੇਂ ਕਰੀਏ ਡਾਊਨਲੋਡ?

ਸਟੈਪ 1: ਸਭ ਤੋਂ ਪਹਿਲਾਂ 9013151515 ਨੰਬਰ ਨੂੰ ਆਪਣੇ ਫ਼ੋਨ 'ਤੇ 'My Gov Helpdesk' ਦੇ ਨਾਮ ਨਾਲ ਸੇਵ ਕਰ ਲਓ, ਤਾਂ ਜੋ ਇਹ ਤੁਹਾਨੂੰ ਆਸਾਨੀ ਨਾਲ ਮਿਲ ਜਾਵੇ।

ਸਟੈਪ 2: ਹੁਣ ਇਸ ਨੰਬਰ 'ਤੇ WhatsApp ਰਾਹੀਂ 'Namaste' ਜਾਂ 'Hi' ਲਿਖ ਕੇ ਭੇਜੋ।

ਸਟੈਪ 3: ਫਿਰ ਤੁਹਾਨੂੰ Digi Locker ਦਾ ਆਪਸ਼ਨ ਚੁਣਨਾ ਹੋਵੇਗਾ।

ਸਟੈਪ 4: ਫਿਰ Digi Locker ਅਕਾਊਂਟ ਕਨਫਰਮ ਕਰੋ, ਜੇਕਰ ਨਹੀਂ ਹੈ, ਤਾਂ ਪਹਿਲਾਂ ਇਸਨੂੰ ਬਣਾ ਲਓ।

ਸਟੈਪ 5: ਇਸ ਤੋਂ ਬਾਅਦ ਤੁਹਾਨੂੰ 12 ਅੰਕਾਂ ਦਾ ਆਧਾਰ ਨੰਬਰ ਦਰਜ ਕਰਨਾ ਹੋਵੇਗਾ।

ਸਟੈਪ 6: ਫਿਰ ਮੋਬਾਈਲ ਨੰਬਰ 'ਤੇ ਮਿਲਣ ਵਾਲੇ OTP ਨੂੰ ਵ੍ਹਟਸਐਪ ਚੈਟ 'ਤੇ ਭੇਜੋ।

ਸਟੈਪ 7: OTP ਵੈਰੀਫਾਈ ਹੋਣ ਤੋਂ ਬਾਅਦ ਤੁਹਾਡੇ ਸਾਹਮਣੇ ਡਿਜੀਲੌਕਰ ਵਿੱਚ ਮੌਜੂਦ ਡੌਕੂਮੈਂਟ ਲਿਸਟ ਆਵੇਗੀ। ਇਹਨਾਂ ਵਿੱਚੋਂ 'Aadhaar Card' ਦੀ ਚੋਣ ਕਰੋ।

ਸਟੈਪ 8: ਇਸ ਤੋਂ ਬਾਅਦ ਤੁਹਾਨੂੰ ਵ੍ਹਟਸਐਪ 'ਤੇ ਆਧਾਰ PDF ਫਾਰਮੈਟ ਵਿੱਚ ਮਿਲ ਜਾਵੇਗਾ।

DigiLocker ਵਿੱਚ ਅਕਾਊਂਟ ਕਿਵੇਂ ਬਣਾਈਏ?

ਡਿਜੀਲੌਕਰ ਵਿੱਚ ਅਕਾਊਂਟ ਬਣਾਉਣ ਲਈ ਤੁਹਾਨੂੰ DigiLocker ਦੀ ਵੈੱਬਸਾਈਟ ਜਾਂ ਐਪ 'ਤੇ ਜਾਣਾ ਹੋਵੇਗਾ।

ਹੁਣ ਸਾਈਨ-ਅੱਪ (Sign-up) ਲਈ ਤੁਹਾਨੂੰ ਮੋਬਾਈਲ ਨੰਬਰ ਦਰਜ ਕਰਨਾ ਪਵੇਗਾ।

ਹੁਣ ਤੁਹਾਡੇ ਫ਼ੋਨ 'ਤੇ OTP ਆਵੇਗਾ, ਇਸਨੂੰ ਦਰਜ ਕਰੋ।

ਇਸ ਤੋਂ ਬਾਅਦ ਆਪਣੇ ਅਕਾਊਂਟ ਦਾ ਨਾਮ ਅਤੇ ਪਾਸਵਰਡ ਚੁਣੋ।

ਹੁਣ ਡਿਜੀਲੌਕਰ ਨਾਲ ਆਧਾਰ ਲਿੰਕ ਕਰੋ। ਇਸਦੇ ਲਈ ਤੁਹਾਨੂੰ ਇੱਥੇ ਆਧਾਰ ਨੰਬਰ ਅਤੇ ਮੋਬਾਈਲ ਨੰਬਰ ਦਰਜ ਕਰਨਾ ਹੋਵੇਗਾ। ਤੁਹਾਡੇ ਮੋਬਾਈਲ ਨੰਬਰ 'ਤੇ ਵੈਰੀਫਿਕੇਸ਼ਨ ਲਈ ਜੋ OTP ਆਵੇਗਾ, ਉਸਨੂੰ ਵੀ ਦਰਜ ਕਰੋ।

ਹੁਣ ਤੁਸੀਂ ਆਪਣੇ ਡਾਕੂਮੈਂਟਸ ਨੂੰ ਐਕਸੈਸ ਕਰ ਸਕਦੇ ਹੋ। ਇਸਦੇ ਨਾਲ ਹੀ ਹੋਰ ਡਾਕੂਮੈਂਟ ਵੀ ਲਿੰਕ ਕਰ ਸਕਦੇ ਹੋ।