Jio ਦੇ IPO 'ਤੇ ਵੱਡਾ ਅਪਡੇਟ, DRHP 'ਤੇ ਸੂਤਰਾਂ ਨੇ ਕੀਤਾ ਖੁਲਾਸਾ, ਦੇਸ਼ੀ-ਵਿਦੇਸ਼ੀ 17 ਬੈਂਕਾਂ ਨਾਲ ਮੁਕੇਸ਼ ਅੰਬਾਨੀ ਦੀ ਤਿਆਰੀ

ਨਵੀਂ ਦਿੱਲੀ: ਜੀਓ ਦੇ ਆਈਪੀਓ (Jio IPO) 'ਤੇ ਇਕ ਵੱਡਾ ਅਪਡੇਟ ਸਾਹਮਣੇ ਆਇਆ ਹੈ। ਬਲੂਮਬਰਗ ਦੀ ਰਿਪੋਰਟ (Bloomberg Report) ਵਿੱਚ ਸੂਤਰਾਂ ਨੇ ਦਾਅਵਾ ਕੀਤਾ ਹੈ ਕਿ ਰਿਲਾਇੰਸ ਇੰਡਸਟਰੀਜ਼ ਲਿਮਟਿਡ ਆਪਣੀ ਟੈਲੀਕਾਮ ਯੂਨਿਟ, ਜੀਓ ਪਲੇਟਫਾਰਮਸ ਲਿਮਟਿਡ ਦੇ ਪਬਲਿਕ ਇਸ਼ੂ ਲਈ ਮਾਰਚ ਦੇ ਅਖੀਰ ਤਕ ਡਰਾਫਟ ਰੈੱਡ ਹੇਅਰਿੰਗ ਪ੍ਰੌਸਪੈਕਟਸ (DRHP) ਦਾਖਲ ਕਰਨ ਦਾ ਟੀਚਾ ਰੱਖ ਰਹੀ ਹੈ। ਇਹ ਡਰਾਫਟ ਇਸੇ ਮਹੀਨੇ ਦੇ ਅੰਤ ਤੱਕ ਦਾਖਲ ਕੀਤਾ ਜਾ ਸਕਦਾ ਹੈ।

ਕੰਪਨੀ ਨੇ ਮੰਗਲਵਾਰ ਨੂੰ ਆਈਪੀਓ ਦੀਆਂ ਤਿਆਰੀਆਂ ਦੀ ਰਸਮੀ ਸ਼ੁਰੂਆਤ ਕਰਦੇ ਹੋਏ 17 ਬੈਂਕਾਂ ਨੂੰ ਨਿਯੁਕਤ ਕੀਤਾ ਹੈ। ਸੂਤਰਾਂ ਨੇ ਨਾਂ ਨਾ ਛਾਪਣ ਦੀ ਸ਼ਰਤ 'ਤੇ ਦੱਸਿਆ ਕਿ ਮੋਰਗਨ ਸਟੈਨਲੀ, ਐਚਐਸਬੀਸੀ ਹੋਲਡਿੰਗਜ਼ ਪੀਐਲਸੀ, ਜੇਪੀ ਮੋਰਗਨ ਚੇਜ਼ ਐਂਡ ਕੰਪਨੀ, ਸਿਟੀਗਰੁੱਪ ਇੰਕ. ਅਤੇ ਗੋਲਡਮੈਨ ਸੈਕਸ ਗਰੁੱਪ ਇੰਕ. ਸਮੇਤ 9 ਗਲੋਬਲ ਬੈਂਕਾਂ ਨੂੰ ਐਡਵਾਈਜ਼ਰੀ ਭੂਮਿਕਾ ਲਈ ਚੁਣਿਆ ਗਿਆ ਹੈ।