Honda Amaze Automatic: 2 ਲੱਖ ਦੀ ਡਾਊਨ ਪੇਮੈਂਟ 'ਤੇ ਘਰ ਲੈ ਜਾਓ ਇਹ ਸ਼ਾਨਦਾਰ ਕਾਰ, ਜਾਣੋ ਕਿੰਨੀ ਹੋਵੇਗੀ ਮਹੀਨਾਵਾਰ EMI

ਆਟੋ ਡੈਸਕ, ਨਵੀਂ ਦਿੱਲੀ। ਭਾਰਤ ਦੇ ਪ੍ਰਮੁੱਖ ਵਾਹਨ ਨਿਰਮਾਤਾਵਾਂ ਵਿੱਚ ਸ਼ਾਮਲ Honda ਵੱਲੋਂ ਕੰਪੈਕਟ ਸੇਡਾਨ ਕਾਰ ਸੈਗਮੈਂਟ ਵਿੱਚ Honda Amaze ਨੂੰ ਵਿਕਰੀ ਲਈ ਉਪਲਬਧ ਕਰਵਾਇਆ ਜਾਂਦਾ ਹੈ। ਜੇਕਰ ਤੁਸੀਂ ਵੀ Honda Amaze ਦੇ ਆਟੋਮੈਟਿਕ ਵੇਰੀਐਂਟ ਨੂੰ ਖਰੀਦਣ ਦਾ ਮਨ ਬਣਾ ਰਹੇ ਹੋ ਅਤੇ ਦੋ ਲੱਖ ਰੁਪਏ ਦੀ ਡਾਊਨ ਪੇਮੈਂਟ ਕਰਨ ਤੋਂ ਬਾਅਦ ਗੱਡੀ ਨੂੰ ਘਰ ਲਿਆਉਣਾ ਚਾਹੁੰਦੇ ਹੋ, ਤਾਂ ਹਰ ਮਹੀਨੇ ਕਿੰਨੇ ਰੁਪਏ ਦੀ EMI ਦੇਣੀ ਹੋਵੇਗੀ, ਅਸੀਂ ਇਸ ਦੀ ਜਾਣਕਾਰੀ ਤੁਹਾਨੂੰ ਇਸ ਖ਼ਬਰ ਵਿੱਚ ਦੇ ਰਹੇ ਹਾਂ।

Honda Amaze ਦੀ ਕੀਮਤ

Honda ਵੱਲੋਂ Amaze ਨੂੰ ਕੰਪੈਕਟ ਸੇਡਾਨ ਕਾਰ ਸੈਗਮੈਂਟ ਵਿੱਚ ਪੇਸ਼ ਕੀਤਾ ਜਾਂਦਾ ਹੈ। ਇਸ ਗੱਡੀ ਦੇ ਆਟੋਮੈਟਿਕ ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 8.55 ਲੱਖ ਰੁਪਏ ਹੈ। ਜੇਕਰ ਇਹ ਗੱਡੀ ਦਿੱਲੀ ਵਿੱਚ ਖਰੀਦੀ ਜਾਂਦੀ ਹੈ, ਤਾਂ ਲਗਪਗ 69 ਹਜ਼ਾਰ ਰੁਪਏ RTO ਅਤੇ ਲਗਭਗ 30 ਹਜ਼ਾਰ ਰੁਪਏ ਇੰਸ਼ੋਰੈਂਸ ਦੇ ਦੇਣੇ ਪੈਣਗੇ। ਜਿਸ ਤੋਂ ਬਾਅਦ Honda Amaze ਦੀ ਆਨ-ਰੋਡ ਕੀਮਤ (On-road price) ਲਗਪਗ 9.60 ਲੱਖ ਰੁਪਏ ਦੇ ਆਸ-ਪਾਸ ਹੋ ਜਾਂਦੀ ਹੈ।

ਦੋ ਲੱਖ ਡਾਊਨ ਪੇਮੈਂਟ ਤੋਂ ਬਾਅਦ ਕਿੰਨੀ ਦੇਣੀ EMI?

ਜੇਕਰ ਤੁਸੀਂ ਇਸ ਗੱਡੀ ਦੇ ਆਟੋਮੈਟਿਕ ਵੇਰੀਐਂਟ ਨੂੰ ਖਰੀਦਦੇ ਹੋ, ਤਾਂ ਬੈਂਕ ਵੱਲੋਂ ਐਕਸ-ਸ਼ੋਰੂਮ ਕੀਮਤ 'ਤੇ ਹੀ ਫਾਈਨਾਂਸ ਕੀਤਾ ਜਾਵੇਗਾ। ਅਜਿਹੀ ਸਥਿਤੀ ਵਿੱਚ, ਦੋ ਲੱਖ ਰੁਪਏ ਦੀ ਡਾਊਨ ਪੇਮੈਂਟ ਕਰਨ ਤੋਂ ਬਾਅਦ ਤੁਹਾਨੂੰ ਲਗਭਗ 7.60 ਲੱਖ ਰੁਪਏ ਬੈਂਕ ਤੋਂ ਫਾਈਨਾਂਸ ਕਰਵਾਉਣੇ ਪੈਣਗੇ। ਜੇਕਰ ਬੈਂਕ ਵੱਲੋਂ ਤੁਹਾਨੂੰ 9 ਫੀਸਦੀ ਵਿਆਜ ਦਰ ਨਾਲ ਸੱਤ ਸਾਲ ਲਈ 7.60 ਲੱਖ ਰੁਪਏ ਦਿੱਤੇ ਜਾਂਦੇ ਹਨ, ਤਾਂ ਤੁਹਾਨੂੰ ਅਗਲੇ ਸੱਤ ਸਾਲਾਂ ਲਈ ਹਰ ਮਹੀਨੇ 12,227 ਰੁਪਏ ਦੀ EMI ਦੇਣੀ ਹੋਵੇਗੀ।

ਕਾਰ ਕਿੰਨੀ ਮਹਿੰਗੀ ਪਵੇਗੀ?

ਜੇਕਰ ਤੁਸੀਂ 9 ਫੀਸਦੀ ਵਿਆਜ ਦਰ ਨਾਲ ਸੱਤ ਸਾਲ ਲਈ 7.60 ਲੱਖ ਰੁਪਏ ਦਾ ਕਾਰ ਲੋਨ ਲੈਂਦੇ ਹੋ, ਤਾਂ ਸੱਤ ਸਾਲਾਂ ਵਿੱਚ ਤੁਸੀਂ Honda Amaze ਦੇ ਆਟੋਮੈਟਿਕ ਵੇਰੀਐਂਟ ਲਈ ਲਗਪਗ 2.67 ਲੱਖ ਰੁਪਏ ਸਿਰਫ਼ ਵਿਆਜ ਵਜੋਂ ਦੇਵੋਗੇ। ਇਸ ਤੋਂ ਬਾਅਦ ਤੁਹਾਡੀ ਕਾਰ ਦੀ ਕੁੱਲ ਕੀਮਤ (ਐਕਸ-ਸ਼ੋਰੂਮ, ਆਨ-ਰੋਡ ਅਤੇ ਵਿਆਜ ਮਿਲਾ ਕੇ) ਲਗਪਗ 12.27 ਲੱਖ ਰੁਪਏ ਹੋ ਜਾਵੇਗੀ।

ਕਿਨ੍ਹਾਂ ਨਾਲ ਹੁੰਦਾ ਹੈ ਮੁਕਾਬਲਾ?

ਹੋਂਡਾ ਵੱਲੋਂ Amaze ਨੂੰ ਇੱਕ ਕੰਪੈਕਟ ਸਾਈਜ਼ ਸੇਡਾਨ ਵਜੋਂ ਪੇਸ਼ ਕੀਤਾ ਜਾਂਦਾ ਹੈ। ਬਾਜ਼ਾਰ ਵਿੱਚ ਇਸ ਗੱਡੀ ਦਾ ਸਿੱਧਾ ਮੁਕਾਬਲਾ ਨਵੀਂ ਜਨਰੇਸ਼ਨ ਦੀ Maruti Dzire, Tata Tigor ਅਤੇ Hyundai Aura ਵਰਗੀਆਂ ਸੇਡਾਨ ਕਾਰਾਂ ਨਾਲ ਹੁੰਦਾ ਹੈ। ਇਸ ਦੇ ਨਾਲ ਹੀ, ਕੀਮਤ ਦੇ ਮਾਮਲੇ ਵਿੱਚ ਇਸ ਨੂੰ Maruti Brezza, Hyundai Venue, Tata Nexon, Kia Syros ਅਤੇ Kia Sonet ਵਰਗੀਆਂ SUV ਗੱਡੀਆਂ ਤੋਂ ਵੀ ਚੁਣੌਤੀ ਮਿਲਦੀ ਹੈ।