Akshaya Tritiya 2026 : ਅਕਸ਼ੈ ਤ੍ਰਿਤੀਆ 'ਤੇ ਸੋਨਾ ਖਰੀਦੀਏ ਜਾਂ ਰੁਕੀਏ ? ਜੰਗ ਦੌਰਾਨ ਕਮੋਡਿਟੀ ਐਕਸਪਰਟ ਦੀ ਵੱਡੀ ਸਲਾਹ
MCX 'ਚ ਸੋਨੇ ਦੀਆਂ ਕੀਮਤਾਂ (Gold Price) 'ਚ ਜੂਨ ਮਹੀਨੇ ਦੀ ਸਪਲਾਈ ਵਾਲੇ ਇਕਰਾਰਨਾਮੇ ਦਾ ਭਾਅ 1,162 ਰੁਪਏ ਯਾਨੀ ਕਰੀਬ ਇਕ ਫੀਸਦ ਦੀ ਗਿਰਾਵਟ ਦੇ ਨਾਲ 1,51,490 ਰੁਪਏ ਪ੍ਰਤੀ 10 ਗ੍ਰਾਮ ਰਹਿ ਗਿਆ। ਦਰਅਸਲ, ਬਾਜ਼ਾਰ ਦੀਆਂ ਨਜ਼ਰਾਂ ਇਸ ਗੱਲ 'ਤੇ ਟਿਕੀਆਂ ਹਨ ਕਿ ਈਰਾਨ 'ਤੇ ਅਮਰੀਕੀ ਨੇਵੀ ਨਾਕਾਬੰਦੀ ਦਾ ਕੀ ਨਤੀਜਾ ਨਿਕਲਦਾ ਹੈ।
Posted By Seema Anand
Publish Date: Tue, 14 Apr 2026 04:21 PM (IST)
Updated Date: Tue, 14 Apr 2026 04:28 PM (IST)
ਨਵੀਂ ਦਿੱਲੀ : ਅਕਸ਼ੈ ਤ੍ਰਿਤੀਆ (Akshaya Tritiya 2026) ਦਾ ਪਵਿੱਤਰ ਤਿਉਹਾਰ ਤੇ ਵਿਆਹਾਂ ਦਾ ਸੀਜ਼ਨ ਨੇੜੇ ਹੈ। ਅਜਿਹੇ 'ਚ ਭਾਰਤੀ ਨਿਵੇਸ਼ਕ ਤੇ ਖਰੀਦਦਾਰ ਸੋਨੇ-ਚਾਂਦੀ (Gold-Silver) ਦੀ ਖਰੀਦਦਾਰੀ ਦਾ ਮਨ ਬਣਾ ਰਹੇ ਹਨ। ਪਰ, ਗਲੋਬਲ ਮਾਰਕੀਟ 'ਚ ਈਰਾਨ ਜੰਗ ਤੇ ਅਮਰੀਕੀ ਨੇਵੀ ਨਾਕਾਬੰਦੀ (U.S. Naval Blockade) ਵਰਗੀਆਂ ਘਟਨਾਵਾਂ ਕਾਰਨ ਬਾਜ਼ਾਰ 'ਚ ਉਥਲ-ਪੁਥਲ ਮਚੀ ਹੋਈ ਹੈ। ਜੇਕਰ ਤੁਸੀਂ ਵੀ ਅਕਸ਼ੈ ਤ੍ਰਿਤੀਆ 'ਤੇ ਗੋਲਡ 'ਚ ਨਿਵੇਸ਼ ਕਰਨ ਦੀ ਸੋਚ ਰਹੇ ਹੋ ਤਾਂ ਤੁਹਾਡੇ ਲਈ ਇਹ ਜਾਣਨਾ ਬਹੁਤ ਜ਼ਰੂਰੀ ਹੈ ਕਿ ਇਸ ਵੇਲੇ ਬਾਜ਼ਾਰ ਦਾ ਟ੍ਰੈਂਡ ਕੀ ਕਹਿ ਰਿਹਾ ਹੈ।
ਜਾਗਰਣ ਬਿਜ਼ਨੈੱਸ ਟੀਮ ਨੇ ਇਸ ਨੂੰ ਸਮਝਣ ਲਈ ਕਮੋਡਿਟੀ ਮਾਰਕੀਟ ਐਕਸਪਰਟ ਅਨੁਜ ਗੁਪਤਾ ਨਾਲ ਗੱਲ ਕੀਤੀ ਹੈ, ਆਓ ਜਾਣਦੇ ਹਾਂ ਗਲੋਬਲ ਮਾਰਕੀਟ ਤੋਂ ਲੈ ਕੇ ਘਰੇਲੂ ਬਾਜ਼ਾਰ ਤਕ ਸੋਨੇ ਦੀਆਂ ਕੀਮਤਾਂ 'ਤੇ ਕੀ ਅਸਰ (Gold rate prediction India) ਪੈ ਰਿਹਾ ਹੈ?
ਕੀ ਈਰਾਨ ਸੰਕਟ ਤੇ ਮਹਿੰਗਾਈ ਨਾਲ ਸੋਨੇ ਦੀਆਂ ਕੀਮਤਾਂ 'ਚ ਆਵੇਗਾ ਵੱਡਾ ਉਛਾਲ?
ਮਲਟੀ ਕਮੋਡਿਟੀ ਐਕਸਚੇਂਜ (MCX) ਵਿੱਚ ਸੋਨੇ ਦੀਆਂ ਕੀਮਤਾਂ (Gold Price) 'ਚ ਜੂਨ ਮਹੀਨੇ ਦੀ ਸਪਲਾਈ ਵਾਲੇ ਇਕਰਾਰਨਾਮੇ ਦਾ ਭਾਅ 1,162 ਰੁਪਏ ਯਾਨੀ ਕਰੀਬ ਇਕ ਫੀਸਦ ਦੀ ਗਿਰਾਵਟ ਦੇ ਨਾਲ 1,51,490 ਰੁਪਏ ਪ੍ਰਤੀ 10 ਗ੍ਰਾਮ ਰਹਿ ਗਿਆ। ਦਰਅਸਲ, ਬਾਜ਼ਾਰ ਦੀਆਂ ਨਜ਼ਰਾਂ ਇਸ ਗੱਲ 'ਤੇ ਟਿਕੀਆਂ ਹਨ ਕਿ ਈਰਾਨ 'ਤੇ ਅਮਰੀਕੀ ਨੇਵੀ ਨਾਕਾਬੰਦੀ ਦਾ ਕੀ ਨਤੀਜਾ ਨਿਕਲਦਾ ਹੈ। ਇਸ ਤੋਂ ਇਲਾਵਾ, ਦੁਨੀਆ ਦੀ ਸਭ ਤੋਂ ਵੱਡੀ ਅਰਥਵਿਵਸਥਾ (ਅਮਰੀਕਾ) ਦੇ ਆਉਣ ਵਾਲੇ ਮਹਿੰਗਾਈ ਦਰ ਦੇ ਅੰਕੜਿਆਂ ਨੇ ਵੀ ਨਿਵੇਸ਼ਕਾਂ ਨੂੰ ਸੁਚੇਤ ਕਰ ਦਿੱਤਾ ਹੈ।
ਈਰਾਨ ਜੰਗ ਕਾਰਨ ਮਹਿੰਗਾਈ ਵਧਣ ਦੀਆਂ ਚਿੰਤਾਵਾਂ ਨੇ ਸੋਨੇ ਦੀ 'ਸੁਰੱਖਿਅਤ ਨਿਵੇਸ਼' ਵਾਲੀ ਮੰਗ ਨੂੰ ਕਾਫੀ ਹੱਦ ਤਕ ਦਬਾ ਦਿੱਤਾ ਹੈ। ਹਾਲਾਂਕਿ, ਡਾਲਰ (US Dollar) 'ਚ ਆਈ ਕਮਜ਼ੋਰੀ ਕਾਰਨ ਸੋਨੇ ਅਤੇ ਹੋਰ ਕੀਮਤੀ ਧਾਤੂਆਂ ਨੂੰ ਥੋੜ੍ਹਾ ਸਪੋਰਟ ਜ਼ਰੂਰ ਮਿਲਿਆ ਹੈ।
ਕੱਚੇ ਤੇਲ ਅਤੇ ਗਲੋਬਲ ਸ਼ੇਅਰ ਬਾਜ਼ਾਰ ਦਾ ਗੋਲਡ 'ਤੇ ਕੀ ਹੋ ਰਿਹਾ ਹੈ ਅਸਰ?
ਬਾਜ਼ਾਰ ਨੂੰ ਉਮੀਦ ਹੈ ਕਿ ਅਮਰੀਕਾ ਤੇ ਈਰਾਨ ਵਿਚਾਲੇ ਚੱਲ ਰਹੇ ਤਣਾਅ 'ਚ ਕੁਝ ਕਮੀ ਆ ਸਕਦੀ ਹੈ। ਅਮਰੀਕਾ ਅਤੇ ਈਰਾਨ ਵਿਚਾਲੇ ਗੱਲਬਾਤ 'ਚ ਸੰਭਾਵੀ ਪ੍ਰਗਤੀ ਦੇ ਸੰਕੇਤਾਂ ਨੂੰ ਦੇਖਦੇ ਹੋਏ ਯੂਰਪੀਅਨ ਸ਼ੇਅਰ ਬਾਜ਼ਾਰਾਂ 'ਚ ਮੰਗਲਵਾਰ ਨੂੰ ਤੇਜ਼ੀ ਨਾਲ ਸ਼ੁਰੂਆਤ ਹੋਈ। ਇਸ ਦਾ ਸਿੱਧਾ ਅਸਰ ਕੱਚੇ ਤੇਲ 'ਤੇ ਵੀ ਪਿਆ ਹੈ ਅਤੇ ਤੇਲ ਦੀਆਂ ਕੀਮਤਾਂ ਡਿੱਗ ਕੇ 100 ਡਾਲਰ ਪ੍ਰਤੀ ਬੈਰਲ ਤੋਂ ਹੇਠਾਂ ਆ ਗਈਆਂ ਹਨ। ਸ਼ੇਅਰ ਬਾਜ਼ਾਰ ਅਤੇ ਕੱਚੇ ਤੇਲ ਦੇ ਮੋਰਚੇ 'ਤੇ ਆ ਰਹੀਆਂ ਇਹ ਖ਼ਬਰਾਂ ਸ਼ੇਅਰ ਬਾਜ਼ਾਰਾਂ ਲਈ ਤਾਂ ਪਾਜ਼ੇਟਿਵ ਹਨ ਪਰ ਇਹ ਸੋਨੇ ਦੀਆਂ ਅਚਾਨਕ ਵਧਣ ਵਾਲੀਆਂ ਕੀਮਤਾਂ 'ਤੇ ਲਗਾਮ ਲਗਾ ਰਹੀਆਂ ਹਨ।
ਅਕਸ਼ੈ ਤ੍ਰਿਤੀਆ ਤੇ ਵਿਆਹਾਂ ਦੇ ਸੀਜ਼ਨ 'ਚ ਕੀ ਤੇਜ਼ੀ ਨਾਲ ਵਧੇਗੀ ਸੋਨੇ ਦੀ ਮੰਗ?
ਗਲੋਬਲ ਮਾਰਕੀਟ 'ਚ ਭਾਵੇਂ ਕਿੰਨੀ ਵੀ ਅਨਿਸ਼ਚਿਤਤਾ ਹੋਵੇ ਪਰ ਭਾਰਤੀ ਬਾਜ਼ਾਰ 'ਚ ਸੋਨੇ ਦੀ ਚਮਕ ਫਿੱਕੀ ਪੈਣ ਵਾਲੀ ਨਹੀਂ ਹੈ। ਕਮੋਡਿਟੀ ਮਾਰਕੀਟ ਦੇ ਐਕਸਪਰਟ ਅਨੁਜ ਗੁਪਤਾ ਅਨੁਸਾਰ, "ਆਉਣ ਵਾਲੇ ਵਿਆਹਾਂ ਦੇ ਸੀਜ਼ਨ ਅਤੇ ਅਕਸ਼ੈ ਤ੍ਰਿਤੀਆ ਦੇ ਸ਼ੁੱਭ ਮੌਕੇ ਕਾਰਨ ਘਰੇਲੂ ਬਾਜ਼ਾਰ 'ਚ ਸੋਨੇ ਅਤੇ ਚਾਂਦੀ ਦੀ ਮੰਗ ਵਿਚ ਜ਼ਬਰਦਸਤ ਵਾਧਾ ਦੇਖਣ ਨੂੰ ਮਿਲ ਸਕਦਾ ਹੈ।"
ਜੇਕਰ ਤੁਸੀਂ ਅਕਸ਼ੈ ਤ੍ਰਿਤੀਆ 'ਤੇ ਨਿਵੇਸ਼ ਦੇ ਲਿਹਾਜ਼ ਨਾਲ ਸੋਨਾ ਖਰੀਦ ਰਹੇ ਹੋ ਤਾਂ ਲੰਬੀ ਮਿਆਦ ਲਈ ਇਹ ਇਕ ਸੁਰੱਖਿਅਤ ਅਤੇ ਸ਼ਾਨਦਾਰ ਵਿਕਲਪ ਬਣਿਆ ਹੋਇਆ ਹੈ। ਗਲੋਬਲ ਮਾਰਕੀਟ ਵਿੱਚ ਡਾਲਰ ਦੀ ਕਮਜ਼ੋਰੀ ਅਤੇ ਘਰੇਲੂ ਬਾਜ਼ਾਰ 'ਚ ਤਿਉਹਾਰਾਂ ਦੀ ਭਾਰੀ ਮੰਗ ਦੋਵੇਂ ਹੀ ਫੈਕਟਰ ਸੋਨੇ ਦੀਆਂ ਕੀਮਤਾਂ ਨੂੰ ਸਪੋਰਟ ਕਰ ਰਹੇ ਹਨ। ਹਾਲਾਂਕਿ, ਸ਼ਾਰਟ-ਟਰਮ ਨਿਵੇਸ਼ਕਾਂ ਨੂੰ ਅਮਰੀਕਾ ਦੇ ਮਹਿੰਗਾਈ ਅੰਕੜਿਆਂ ਅਤੇ ਈਰਾਨ-ਅਮਰੀਕਾ ਵਿਵਾਦ ਨਾਲ ਜੁੜੇ ਅਪਡੇਟਸ 'ਤੇ ਨਜ਼ਰ ਬਣਾਈ ਰੱਖਣੀ ਚਾਹੀਦੀ ਹੈ।