US Court ਨੇ ਕਿਹਾ- ਕਬੂਲ ਹੈ, ਤਾਂ ਅਡਾਨੀ ਦੇ 1, 2, 3... ਨਹੀਂ, ਸਗੋਂ 10 ਸ਼ੇਅਰਾਂ 'ਚ ਆਈ ਤੂਫ਼ਾਨੀ ਤੇਜ਼ੀ; ਕਈ ਬਣੇ ਰਾਕੇਟ!
ਮੰਗਲਵਾਰ ਨੂੰ ਗੌਤਮ ਅਡਾਨੀ ਤੇ ਉਨ੍ਹਾਂ ਦੇ ਭਤੀਜੇ ਦੇ ਵਕੀਲਾਂ ਵੱਲੋਂ ਦਾਇਰ ਪਟੀਸ਼ਨ ਦੇ ਜਵਾਬ 'ਚ ਨਿਊਯਾਰਕ ਦੀ ਸੰਘੀ ਅਦਾਲਤ ਨੇ ਕਿਹਾ ਕਿ ਉਸਨੇ ਇਸ ਬੇਨਤੀ ਨੂੰ ਪ੍ਰਵਾਨ ਕਰ ਲਿਆ ਹੈ। ਅਦਾਲਤ ਨੇ ਪੱਖਾਂ ਨੂੰ ਇਹ ਵੀ ਨਿਰਦੇਸ਼ ਦਿੱਤੇ ਕਿ ਉਹ ਆਪਸ 'ਚ ਵਿਚਾਰ-ਵਟਾਂਦਰਾ ਕਰਨ ਅਤੇ 'ਪ੍ਰੀ-ਮੋਸ਼ਨ ਕਾਨਫਰੰਸ' ਦਾ ਸਮਾਂ ਤੈਅ ਕਰਨ ਲਈ ਅਦਾਲਤ ਦੇ ਡਿਪਟੀ ਨਾਲ ਸੰਪਰਕ ਕਰਨ।
Posted By Seema Anand
Publish Date: Wed, 08 Apr 2026 04:43 PM (IST)
Updated Date: Wed, 08 Apr 2026 05:02 PM (IST)
ਨਵੀਂ ਦਿੱਲੀ: ਅਡਾਨੀ ਗਰੁੱਪ ਦੀਆਂ ਕੰਪਨੀਆਂ ਦੇ ਸ਼ੇਅਰਾਂ 'ਚ ਅੱਜ ਯਾਨੀ 8 ਅਪ੍ਰੈਲ ਨੂੰ ਤੂਫ਼ਾਨੀ ਤੇਜ਼ੀ ਦੇਖਣ ਨੂੰ ਮਿਲੀ। ਵੈਸੇ ਤਾਂ ਈਰਾਨ ਅਤੇ ਇਜ਼ਰਾਈਲ-ਅਮਰੀਕਾ ਵਿਚਾਲੇ ਜੰਗਬੰਦੀ ਕਾਰਨ ਸ਼ੇਅਰ ਬਾਜ਼ਾਰ 'ਚ ਤੇਜ਼ੀ ਰਹੀ, ਪਰ ਅਮਰੀਕਾ ਤੋਂ ਇਕ ਅਜਿਹੀ ਖ਼ਬਰ ਆਈ ਜਿਸ ਕਾਰਨ ਅਡਾਨੀ ਗਰੁੱਪ ਦੀਆਂ ਕੰਪਨੀਆਂ ਦੀ ਮੌਜ ਲੱਗ ਗਈ।
ਇਹ ਖ਼ਬਰ ਸੀ US SEC ਕੇਸ ਦੀ। ਅਡਾਨੀ ਤੇ ਉਨ੍ਹਾਂ ਦੇ ਭਤੀਜੇ ਸਾਗਰ ਅਡਾਨੀ ਨੇ ਸਕਿਓਰਿਟੀਜ਼ ਐਂਡ ਐਕਸਚੇਂਜ ਕਮਿਸ਼ਨ (SEC) ਦੇ ਉਸ ਸਿਵਲ ਫਰਾਡ ਕੇਸ ਨੂੰ ਖਾਰਜ ਕਰਨ ਦੀ ਮੰਗ ਕੀਤੀ ਹੈ। ਹੁਣ ਇਸ ਮਾਮਲੇ 'ਚ ਸ਼ੁਰੂਆਤੀ ਸੁਣਵਾਈ ਲਈ ਅਮਰੀਕੀ ਅਦਾਲਤ ਨੇ ਮਨਜ਼ੂਰੀ ਦੇ ਦਿੱਤੀ ਹੈ।
ਅਮਰੀਕਾ ਤੋਂ ਖ਼ਬਰ ਆਉਂਦੇ ਹੀ ਅਡਾਨੀ ਗਰੁੱਪ ਦੀਆਂ ਕੰਪਨੀਆਂ ਦੇ ਸ਼ੇਅਰਾਂ 'ਚ ਭਾਰੀ ਉਛਾਲ ਦੇਖਿਆ ਗਿਆ। Adani Total Gas ਤੋਂ ਲੈ ਕੇ Adani Power ਅਤੇ Adani Green Energy ਸਮੇਤ ACC Cement ਅਤੇ New Delhi Television (NDTV) ਤਕ ਦੇ ਸ਼ੇਅਰਾਂ 'ਚ ਤੇਜ਼ੀ ਦੇਖਣ ਨੂੰ ਮਿਲੀ।
ਅਡਾਨੀ ਗਰੁੱਪ ਦੀਆਂ ਕੰਪਨੀਆਂ ਦੇ ਸ਼ੇਅਰਾਂ 'ਚ ਤੂਫ਼ਾਨੀ ਤੇਜ਼ੀ
ਮੰਗਲਵਾਰ ਨੂੰ ਗੌਤਮ ਅਡਾਨੀ ਤੇ ਉਨ੍ਹਾਂ ਦੇ ਭਤੀਜੇ ਦੇ ਵਕੀਲਾਂ ਵੱਲੋਂ ਦਾਇਰ ਪਟੀਸ਼ਨ ਦੇ ਜਵਾਬ 'ਚ ਨਿਊਯਾਰਕ ਦੀ ਸੰਘੀ ਅਦਾਲਤ ਨੇ ਕਿਹਾ ਕਿ ਉਸਨੇ ਇਸ ਬੇਨਤੀ ਨੂੰ ਪ੍ਰਵਾਨ ਕਰ ਲਿਆ ਹੈ। ਅਦਾਲਤ ਨੇ ਪੱਖਾਂ ਨੂੰ ਇਹ ਵੀ ਨਿਰਦੇਸ਼ ਦਿੱਤੇ ਕਿ ਉਹ ਆਪਸ 'ਚ ਵਿਚਾਰ-ਵਟਾਂਦਰਾ ਕਰਨ ਅਤੇ 'ਪ੍ਰੀ-ਮੋਸ਼ਨ ਕਾਨਫਰੰਸ' ਦਾ ਸਮਾਂ ਤੈਅ ਕਰਨ ਲਈ ਅਦਾਲਤ ਦੇ ਡਿਪਟੀ ਨਾਲ ਸੰਪਰਕ ਕਰਨ।
8 ਅਪ੍ਰੈਲ ਨੂੰ Adani Green Energy ਦੇ ਸ਼ੇਅਰ 109.65 ਰੁਪਏ ਜਾਂ 11.85% ਉਛਲ ਕੇ 1035 ਰੁਪਏ ਦੇ ਪੱਧਰ 'ਤੇ ਬੰਦ ਹੋਏ। ਅੱਜ ਇਸ ਦੇ ਸ਼ੇਅਰ 1046.60 ਰੁਪਏ ਦੇ ਹਾਈ ਤਕ ਗਏ ਸਨ। ਉੱਥੇ ਹੀ, Adani Power ਦੇ ਸ਼ੇਅਰ 3.66% ਉਛਲ ਕੇ 169.34 ਰੁਪਏ ਦੇ ਪੱਧਰ 'ਤੇ ਬੰਦ ਹੋਏ। 8 ਅਪ੍ਰੈਲ ਨੂੰ ਅਡਾਨੀ ਪਾਵਰ ਦੇ ਸ਼ੇਅਰ 174.35 ਰੁਪਏ ਦੇ ਉੱਚਤਮ ਪੱਧਰ ਤਕ ਗਏ ਸਨ।
ਅਸੀਂ ਟੇਬਲ 'ਚ ਅਡਾਨੀ ਗਰੁੱਪ ਦੇ ਉਨ੍ਹਾਂ 10 ਸ਼ੇਅਰਾਂ ਦੀ ਜਾਣਕਾਰੀ ਦਿੱਤੀ ਹੈ ਜਿਨ੍ਹਾਂ ਦੇ ਸ਼ੇਅਰਾਂ 'ਚ ਅੱਜ ਤੇਜ਼ੀ ਦਿਖੀ ਹੈ।