- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮਕੈਨਿਕ ਨੂੰ ਬੁਲਾਏ ਬਿਨਾਂ ਵਧ ਜਾਵੇਗੀ AC ਦੀ ਲਾਈਫ਼ ਤੇ ਕੂਲਿੰਗ, ਅੱਜ ਹੀ ਨੋਟ ਕਰ ਲਓ ਇਹ 5 ਬੇਸਿਕ ਰੂਲਜ਼
AC ਉਹ ਉਪਕਰਣ ਹੈ ਜੋ ਤੁਹਾਡੇ ਘਰ ਦੇ ਅੰਦਰ ਦੇ ਤਾਪਮਾਨ ਨੂੰ ਬਰਕਰਾਰ ਰੱਖਣ ਵਿੱਚ ਮਦਦ ਕਰਦਾ ਹੈ, ਖ਼ਾਸ ਕਰਕੇ ਉਦੋਂ ਜਦੋਂ ਬਾਹਰ ਬਹੁਤ ਜ਼ਿਆਦਾ ਗਰਮੀ ਹੋ ਰਹੀ ਹੋਵੇ। ਹਾਲਾਂਕਿ, ਕੁਝ ਕਾਰਨਾਂ ਕਰਕੇ ਜ਼ਿਆਦਾਤਰ ਲੋਕ ਆਪਣੇ AC ਵੱਲ ਉਦੋਂ ਤੱਕ ਧਿਆਨ ਨਹੀਂ ਦਿੰਦੇ ਜਦੋਂ ਤੱਕ ਕਿ ਉਸ ਵਿੱਚ ਕੋਈ ਖ਼ਰਾਬੀ ਨਾ ਆ ਜਾਵੇ। ਐਨ ਮੌਕੇ 'ਤੇ ਧਿਆਨ ਦੇਣ ਦੀ ਇਹ ਆਦਤ ਉਨ੍ਹਾਂ ਲਈ ਕਾਫ਼ੀ ਮਹਿੰਗੀ ਸਾਬਤ ਹੋ ਸਕਦੀ ਹੈ।
Posted By Anuradha Bains
Publish Date: Thu, 04 Jun 2026 11:30 AM (IST)
Updated Date: Thu, 04 Jun 2026 11:32 AM (IST)
ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ। AC ਉਹ ਉਪਕਰਣ ਹੈ ਜੋ ਤੁਹਾਡੇ ਘਰ ਦੇ ਅੰਦਰ ਦੇ ਤਾਪਮਾਨ ਨੂੰ ਬਰਕਰਾਰ ਰੱਖਣ ਵਿੱਚ ਮਦਦ ਕਰਦਾ ਹੈ, ਖ਼ਾਸ ਕਰਕੇ ਉਦੋਂ ਜਦੋਂ ਬਾਹਰ ਬਹੁਤ ਜ਼ਿਆਦਾ ਗਰਮੀ ਹੋ ਰਹੀ ਹੋਵੇ। ਹਾਲਾਂਕਿ, ਕੁਝ ਕਾਰਨਾਂ ਕਰਕੇ ਜ਼ਿਆਦਾਤਰ ਲੋਕ ਆਪਣੇ AC ਵੱਲ ਉਦੋਂ ਤੱਕ ਧਿਆਨ ਨਹੀਂ ਦਿੰਦੇ ਜਦੋਂ ਤੱਕ ਕਿ ਉਸ ਵਿੱਚ ਕੋਈ ਖ਼ਰਾਬੀ ਨਾ ਆ ਜਾਵੇ। ਐਨ ਮੌਕੇ 'ਤੇ ਧਿਆਨ ਦੇਣ ਦੀ ਇਹ ਆਦਤ ਉਨ੍ਹਾਂ ਲਈ ਕਾਫ਼ੀ ਮਹਿੰਗੀ ਸਾਬਤ ਹੋ ਸਕਦੀ ਹੈ।
ਪਰ ਕੁਝ ਅਜਿਹੀਆਂ ਬੇਸਿਕ ਚੀਜ਼ਾਂ ਹਨ ਜਿਨ੍ਹਾਂ ਨੂੰ ਤੁਸੀਂ ਖ਼ੁਦ ਆਪਣੇ ਪੱਧਰ 'ਤੇ ਕਰ ਸਕਦੇ ਹੋ, ਜੋ ਤੁਹਾਨੂੰ ਵੱਡੇ ਖ਼ਰਚਿਆਂ ਤੋਂ ਬਚਾਉਣ ਵਿੱਚ ਮਦਦ ਕਰ ਸਕਦੀਆਂ ਹਨ। ਇਸ ਤੋਂ ਇਲਾਵਾ, ਜਦੋਂ ਤੁਸੀਂ ਇਹਨਾਂ ਟਿਪਸ ਨੂੰ ਰੋਜ਼ਾਨਾ ਅਧਾਰ 'ਤੇ ਫਾਲੋ ਕਰਦੇ ਹੋ, ਤਾਂ ਤੁਹਾਨੂੰ ਇਸ ਨੂੰ ਰਿਪੇਅਰ ਕਰਵਾਉਣ ਲਈ ਆਪਣੀ ਜੇਬ ਖਾਲੀ ਨਹੀਂ ਕਰਨੀ ਪਵੇਗੀ। ਆਪਣੇ AC ਨੂੰ ਜ਼ਿਆਦਾ ਪ੍ਰਭਾਵਸ਼ਾਲੀ ਬਣਾਉਣ ਅਤੇ ਉਸਦੀ ਲਾਈਫ਼ ਨੂੰ ਵਧਾਉਣ ਵਾਲੇ ਕੁਝ DIY ਮੇਨਟੇਨੈਂਸ ਟਿਪਸ ਜਾਣਨ ਲਈ ਅੱਗੇ ਪੜ੍ਹੋ।
1. ਏਅਰ ਫਿਲਟਰਾਂ ਨੂੰ ਨਿਯਮਿਤ ਸਾਫ਼ ਕਰੋ ਜਾਂ ਬਦਲੋ
ਗੰਦਾ ਏਅਰ ਫਿਲਟਰ ਤੁਹਾਡੇ AC 'ਤੇ ਕੰਮ ਦਾ ਬੋਝ ਵਧਾ ਦਿੰਦਾ ਹੈ, ਜਿਸ ਨਾਲ ਤੁਹਾਡਾ ਬਿਜਲੀ ਦਾ ਬਿੱਲ ਵੱਧ ਜਾਂਦਾ ਹੈ ਅਤੇ ਸਿਸਟਮ ਵਿੱਚ ਦਿੱਕਤ ਹੋਣ ਲੱਗਦੀ ਹੈ। ਏਅਰ ਫਿਲਟਰ ਨੂੰ ਹਰ ਮਹੀਨੇ ਚੈੱਕ ਕੀਤਾ ਜਾਣਾ ਚਾਹੀਦਾ ਹੈ ਅਤੇ ਵਰਤੋਂ ਦੇ ਹਿਸਾਬ ਨਾਲ ਇਸ ਨੂੰ ਹਰ ਮਹੀਨੇ ਜਾਂ ਹਰ ਤਿੰਨ ਮਹੀਨਿਆਂ ਵਿੱਚ ਸਾਫ਼ ਕਰ ਲੈਣਾ ਚਾਹੀਦਾ ਹੈ ਜਾਂ ਬਦਲ ਦੇਣਾ ਚਾਹੀਦਾ ਹੈ। ਇਹ ਛੋਟਾ ਜਿਹਾ ਕਦਮ ਇੱਕ ਵੱਡਾ ਫ਼ਰਕ ਲਿਆ ਸਕਦਾ ਹੈ।
2. AC ਦੇ ਆਊਟਡੋਰ ਯੂਨਿਟ ਦੇ ਆਲੇ-ਦੁਆਲੇ ਤੋਂ ਕੂੜਾ-ਕਰਕਟ ਸਾਫ਼ ਕਰੋ
ਪੌਦੇ, ਮਿੱਟੀ ਅਤੇ ਜ਼ਰੂਰਤ ਤੋਂ ਜ਼ਿਆਦਾ ਵਧੀਆਂ ਹੋਈਆਂ ਝਾੜੀਆਂ ਤੁਹਾਡੇ ਆਊਟਡੋਰ ਕੰਡੈਂਸਰ ਯੂਨਿਟ ਦੇ ਏਅਰ ਸਰਕੂਲੇਸ਼ਨ ਵਿੱਚ ਰੁਕਾਵਟ ਪਾ ਸਕਦੀਆਂ ਹਨ। ਤੁਹਾਨੂੰ ਆਪਣੇ ਯੂਨਿਟ ਨੂੰ ਬੰਦ ਕਰਕੇ ਉਸ ਦੇ ਆਲੇ-ਦੁਆਲੇ ਦੀਆਂ ਰੁਕਾਵਟਾਂ ਨੂੰ ਖ਼ੁਦ ਸਾਫ਼ ਕਰਨਾ ਚਾਹੀਦਾ ਹੈ। ਸਹੀ ਏਅਰ ਫਲੋਅ ਲਈ ਆਪਣੇ ਯੂਨਿਟ ਦੇ ਘੱਟੋ-ਘੱਟ ਦੋ ਫੁੱਟ ਦੇ ਦਾਇਰੇ ਵਿੱਚ ਉੱਗਣ ਵਾਲੇ ਕਿਸੇ ਵੀ ਪੌਦੇ ਦੀ ਛੰਗਾਈ ਜ਼ਰੂਰ ਕਰ ਦਿਓ।
3. ਕੰਡੈਂਸੇਟ AC ਡਰੇਨ ਲਾਈਨ ਨੂੰ ਸਾਫ਼ ਰੱਖੋ
AC ਸਿਸਟਮ ਤੁਹਾਡੇ ਘਰ ਦੀ ਨਮੀ ਨੂੰ ਇੱਕ ਛੋਟੇ ਪਾਈਪ ਰਾਹੀਂ ਡਰੇਨ ਕਰਕੇ ਬਾਹਰ ਕੱਢਦਾ ਹੈ। ਪਾਈਪ ਦੇ ਅੰਦਰ ਕਾਈ ਅਤੇ ਗੰਦਗੀ ਜੰਮਣ ਨਾਲ ਪਾਣੀ ਰੁਕ ਸਕਦਾ ਹੈ, ਜਿਸ ਨਾਲ ਅੱਗੇ ਚੱਲ ਕੇ ਲੀਕੇਜ ਅਤੇ ਪਾਣੀ ਨਾਲ ਹੋਣ ਵਾਲਾ ਨੁਕਸਾਨ ਹੋ ਸਕਦਾ ਹੈ। ਤੁਸੀਂ ਹਰ ਕੁਝ ਮਹੀਨਿਆਂ ਵਿੱਚ ਇਸ ਪਾਈਪ ਵਿੱਚ ਥੋੜ੍ਹਾ ਪਤਲਾ ਕੀਤਾ ਹੋਇਆ ਸਿਰਕਾ ਪਾ ਕੇ ਇਸ ਸਮੱਸਿਆ ਤੋਂ ਬਚ ਸਕਦੇ ਹੋ।
4. ਪਾਈਪ ਇੰਸੂਲੇਸ਼ਨ ਨੂੰ ਚੈੱਕ ਕਰੋ ਅਤੇ ਬਦਲੋ
ਇਨਡੋਰ ਯੂਨਿਟ ਤੋਂ ਆਊਟਡੋਰ ਯੂਨਿਟ ਤੱਕ ਜਾਣ ਵਾਲੇ ਤਾਂਬੇ ਦੇ ਪਾਈਪ ਫੋਮ ਇੰਸੂਲੇਸ਼ਨ ਨਾਲ ਢਕੇ ਹੁੰਦੇ ਹਨ। ਇਸ ਕਵਰ ਵਿੱਚ ਕਿਸੇ ਵੀ ਤਰ੍ਹਾਂ ਦੇ ਨੁਕਸਾਨ ਜਾਂ ਟੁੱਟ-ਭੱਜ ਨੂੰ ਜ਼ਰੂਰ ਚੈੱਕ ਕਰੋ। ਕਵਰ ਖ਼ਰਾਬ ਹੋਣ ਨਾਲ ਐਨਰਜੀ ਦਾ ਨੁਕਸਾਨ ਹੁੰਦਾ ਹੈ। ਇਸ ਫੋਮ ਰੈਪ ਨੂੰ ਬਦਲਣਾ ਬੇਹੱਦ ਆਸਾਨ ਹੈ ਅਤੇ ਇਹ ਕਾਫ਼ੀ ਸਸਤਾ ਵੀ ਆਉਂਦਾ ਹੈ।
5. ਥਰਮੋਸਟੈਟ ਅਤੇ ਉਸਦੀ ਸੈਟਿੰਗਜ਼ ਨੂੰ ਚੈੱਕ ਕਰੋ
ਕੁਝ ਮਾਮਲਿਆਂ ਵਿੱਚ, ਸਮੱਸਿਆ ਦਾ AC ਸਿਸਟਮ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੁੰਦਾ। ਇਹ ਚੈੱਕ ਕਰੋ ਕਿ ਤੁਹਾਡਾ ਥਰਮੋਸਟੈਟ ਕੂਲ ਟੈਂਪਰੇਚਰ 'ਤੇ ਸੈੱਟ ਹੈ ਜਾਂ ਨਹੀਂ ਅਤੇ ਉਸਦੀਆਂ ਬਾਕੀ ਸੈਟਿੰਗਾਂ ਸਹੀ ਹਨ ਜਾਂ ਨਹੀਂ। ਸਾਲ ਵਿੱਚ ਇੱਕ ਵਾਰ ਇਸ ਦੀਆਂ ਬੈਟਰੀਆਂ ਨੂੰ ਬਦਲੋ ਅਤੇ ਥਰਮੋਸਟੈਟ ਨੂੰ ਲੈਂਪ ਜਾਂ ਸਿੱਧੀ ਧੁੱਪ ਵਰਗੇ ਹੀਟ ਸੋਰਸਿਜ਼ ਦੇ ਨੇੜੇ ਰੱਖਣ ਤੋਂ ਬਚੋ।