Oppo ਦਾ 200MP ਕੈਮਰੇ ਵਾਲਾ ਫੋਲਡੇਬਲ ਫਲੈਗਸ਼ਿਪ 5G ਫੋਨ, 8.12-ਇੰਚ ਦੀ 2K ਸਕ੍ਰੀਨ ਤੇ ਸਨੈਪਡ੍ਰੈਗਨ ਪ੍ਰੋਸੈਸਰ ਵੀ
ਓਪੋ (Oppo) ਜਲਦੀ ਹੀ ਆਪਣਾ ਨਵਾਂ ਫੋਲਡੇਬਲ ਫਲੈਗਸ਼ਿਪ ਫੋਨ ਲਾਂਚ ਕਰਨ ਵਾਲਾ ਹੈ, ਜਿਸ ਨੂੰ ਕੰਪਨੀ Oppo Find N6 ਦੇ ਨਾਂ ਨਾਲ ਪੇਸ਼ ਕਰ ਸਕਦੀ ਹੈ। ਇਸ ਆਉਣ ਵਾਲੇ ਡਿਵਾਈਸ ਨਾਲ ਜੁੜੀਆਂ ਕਈ ਡਿਟੇਲਸ ਪਹਿਲਾਂ ਹੀ ਸਾਹਮਣੇ ਆ ਚੁੱਕੀਆਂ ਹਨ। ਹਾਲ ਹੀ ਵਿੱਚ ਇੱਕ ਵੀਬੋ ਪੋਸਟ ਵਿੱਚ, ਕੰਪਨੀ ਦੇ ਇੱਕ ਐਗਜ਼ੀਕਿਊਟਿਵ ਨੇ ਪੁਸ਼ਟੀ ਕੀਤੀ ਹੈ ਕਿ ਇਹ ਡਿਵਾਈਸ ਫੋਲਡੇਬਲ ਸੈਗਮੈਂਟ ਵਿੱਚ ਖ਼ਾਸ ਕੈਮਰਾ ਇਨੋਵੇਸ਼ਨ ਲੈ ਕੇ ਆ ਰਿਹਾ ਹੈ।
Posted By Anuradha Bains
Publish Date: Thu, 26 Feb 2026 02:46 PM (IST)
Updated Date: Thu, 26 Feb 2026 02:48 PM (IST)
ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਓਪੋ (Oppo) ਜਲਦੀ ਹੀ ਆਪਣਾ ਨਵਾਂ ਫੋਲਡੇਬਲ ਫਲੈਗਸ਼ਿਪ ਫੋਨ ਲਾਂਚ ਕਰਨ ਵਾਲਾ ਹੈ, ਜਿਸ ਨੂੰ ਕੰਪਨੀ Oppo Find N6 ਦੇ ਨਾਂ ਨਾਲ ਪੇਸ਼ ਕਰ ਸਕਦੀ ਹੈ। ਇਸ ਆਉਣ ਵਾਲੇ ਡਿਵਾਈਸ ਨਾਲ ਜੁੜੀਆਂ ਕਈ ਡਿਟੇਲਸ ਪਹਿਲਾਂ ਹੀ ਸਾਹਮਣੇ ਆ ਚੁੱਕੀਆਂ ਹਨ। ਹਾਲ ਹੀ ਵਿੱਚ ਇੱਕ ਵੀਬੋ ਪੋਸਟ ਵਿੱਚ, ਕੰਪਨੀ ਦੇ ਇੱਕ ਐਗਜ਼ੀਕਿਊਟਿਵ ਨੇ ਪੁਸ਼ਟੀ ਕੀਤੀ ਹੈ ਕਿ ਇਹ ਡਿਵਾਈਸ ਫੋਲਡੇਬਲ ਸੈਗਮੈਂਟ ਵਿੱਚ ਖ਼ਾਸ ਕੈਮਰਾ ਇਨੋਵੇਸ਼ਨ ਲੈ ਕੇ ਆ ਰਿਹਾ ਹੈ। ਆਓ ਜਾਣਦੇ ਹਾਂ ਕਿ ਫੋਨ ਵਿੱਚ ਕੀ ਕੁਝ ਖ਼ਾਸ ਦੇਖਣ ਨੂੰ ਮਿਲ ਸਕਦਾ ਹੈ...
Oppo Find N6 ਵਿੱਚ ਹੈਸਲਬਲੈਡ-ਟਿਊਨਡ ਕੁਆਡ ਕੈਮਰਾ
ਇੱਕ ਤਾਜ਼ਾ ਵੀਬੋ ਪੋਸਟ ਵਿੱਚ ਫਾਈਂਡ ਸੀਰੀਜ਼ ਦੇ ਪ੍ਰੋਡਕਟ ਮੈਨੇਜਰ ਝੋਊ ਯਿਬਾਓ ਨੇ ਦੱਸਿਆ ਹੈ ਕਿ Oppo Find N6 ਫੋਲਡੇਬਲ ਕੈਟੇਗਰੀ ਵਿੱਚ ਇਕਲੌਤਾ ਹੈਸਲਬਲੈਡ-ਟਿਊਨਡ 200-ਮੈਗਾਪਿਕਸਲ ਦਾ ਅਲਟਰਾ-ਕਲੀਅਰ ਕੁਆਡ-ਕੈਮਰਾ ਸਿਸਟਮ ਆਫਰ ਕਰੇਗਾ।
ਇਸ ਦੇ ਨਾਲ ਹੀ ਇਹ ਵੀ ਕੰਨਫਰਮ ਕੀਤਾ ਗਿਆ ਹੈ ਕਿ ਓਪੋ ਦੀ 'ਡੈਨਕਸੀਆ ਕਲਰ ਰੀਪ੍ਰੋਡਕਸ਼ਨ ਟੈਕਨਾਲੋਜੀ' ਪਹਿਲੀ ਵਾਰ ਕਿਸੇ ਫੋਲਡੇਬਲ ਫੋਨ 'ਤੇ ਡੈਬਿਊ ਕਰੇਗੀ।
ਦੱਸਿਆ ਜਾ ਰਿਹਾ ਹੈ ਕਿ ਇਹ ਸਿਸਟਮ ਇੱਕ ਮਲਟੀਸਪੈਕਟਰਲ ਸੈਂਸਰ 'ਤੇ ਨਿਰਭਰ ਕਰਦਾ ਹੈ, ਜਿਸ ਨੂੰ ਵਾਤਾਵਰਣ ਦੇ ਰੰਗਾਂ ਦੇ ਡੇਟਾ ਨੂੰ ਜ਼ਿਆਦਾ ਸਹੀ ਤਰੀਕੇ ਨਾਲ ਕੈਪਚਰ ਕਰਨ ਲਈ ਡਿਜ਼ਾਈਨ ਕੀਤਾ ਗਿਆ ਹੈ। ਇਸ ਨਾਲ ਰੰਗਾਂ ਵਿੱਚ ਬਿਹਤਰ ਇਕਸਾਰਤਾ ਅਤੇ ਜ਼ਿਆਦਾ ਕੁਦਰਤੀ ਦਿਖਣ ਵਾਲੀਆਂ ਤਸਵੀਰਾਂ ਮਿਲਦੀਆਂ ਹਨ।
ਕਲਰ ਟਿਊਨਿੰਗ ਅਤੇ ਇਮੇਜ ਪ੍ਰੋਸੈਸਿੰਗ ਹੋਵੇਗੀ ਜ਼ਬਰਦਸਤ
ਰਿਪੋਰਟਾਂ ਦੇ ਮੁਤਾਬਕ, ਰੀਅਰ ਕੈਮਰਾ ਸੈੱਟਅੱਪ ਵਿੱਚ 200-ਮੈਗਾਪਿਕਸਲ ਦਾ ਪ੍ਰਾਇਮਰੀ (ਮੁੱਖ) ਕੈਮਰਾ ਅਤੇ 50-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਲੈਂਸ ਅਤੇ ਆਪਟੀਕਲ ਜ਼ੂਮ ਸਮਰੱਥਾ ਵਾਲਾ ਇੱਕ ਪੈਰੀਸਕੋਪ ਟੈਲੀਫੋਟੋ ਲੈਂਸ ਵੀ ਮਿਲ ਸਕਦਾ ਹੈ।
ਇਸ ਦੇ ਨਾਲ ਹੀ ਇੱਕ ਸਮਰਪਿਤ Danxia ਕਲਰ ਮੋਡੀਊਲ ਵੀ ਮਿਲ ਸਕਦਾ ਹੈ। Hasselblad ਦੇ ਨਾਲ ਸਾਂਝੇਦਾਰੀ ਹੋਣ ਕਰਕੇ ਕਲਰ ਟਿਊਨਿੰਗ ਅਤੇ ਇਮੇਜ ਪ੍ਰੋਸੈਸਿੰਗ ਦੇ ਕਾਫੀ ਜ਼ਬਰਦਸਤ ਹੋਣ ਦੀ ਉਮੀਦ ਹੈ।
Oppo Find N6 ਦੇ ਫੀਚਰਸ
ਰਿਪੋਰਟਾਂ ਤੋਂ ਪਤਾ ਲੱਗਦਾ ਹੈ ਕਿ Find N6 ਵਿੱਚ 8.12-ਇੰਚ ਦੀ 2K 120Hz ਫੋਲਡੇਬਲ ਇਨਰ ਡਿਸਪਲੇਅ ਮਿਲ ਸਕਦੀ ਹੈ, ਜਦਕਿ ਬਾਹਰ ਵਾਲੇ ਪਾਸੇ 6.62-ਇੰਚ ਦੀ FHD+ 120Hz ਕਵਰ ਸਕ੍ਰੀਨ ਦਿੱਤੀ ਜਾ ਸਕਦੀ ਹੈ। ਇਹ ਡਿਵਾਈਸ 7-ਕੋਰ Snapdragon 8 Elite Gen 5 ਚਿਪਸੈੱਟ ਨਾਲ ਲੈਸ ਹੋ ਸਕਦਾ ਹੈ।
ਰੈਮ, ਸਟੋਰੇਜ ਅਤੇ ਬੈਟਰੀ
ਡਿਵਾਈਸ ਵਿੱਚ 16GB ਤੱਕ LPDDR5x RAM ਅਤੇ 1TB ਤੱਕ UFS 4.1 ਸਟੋਰੇਜ ਦੇਖਣ ਨੂੰ ਮਿਲ ਸਕਦੀ ਹੈ। ਇਸ ਦੇ ਨਾਲ ਹੀ ਬੈਟਰੀ ਦੀ ਸਮਰੱਥਾ 6,000mAh ਤੱਕ ਹੋ ਸਕਦੀ ਹੈ।
ਰਿਪੋਰਟਾਂ ਦੇ ਅਨੁਸਾਰ, Oppo Find N6 ਅਗਲੇ ਮਹੀਨੇ 17 ਮਾਰਚ ਨੂੰ ਲਾਂਚ ਹੋ ਸਕਦਾ ਹੈ।