ਕਿਵੇਂ ਚੈੱਕ ਕਰੀਏ AC ’ਚ ਗੈਸ ਸੱਚ ’ਚ ਘੱਟ ਹੈ ਜਾਂ ਨਹੀਂ?ਇਹ 3 ਤਰੀਕੇ ਆਉਣਗੇ ਕੰਮ

AC ਦੀ ਕੂਲਿੰਗ ਚੈੱਕ ਕਰੋ

ਸਭ ਤੋਂ ਪਹਿਲਾਂ ਤਾਂ AC ਵਿੱਚ ਗੈਸ ਘੱਟ ਹੋਣ ਦਾ ਸੰਕੇਤ ਉਸਦੀ ਕੂਲਿੰਗ ਤੋਂ ਮਿਲ ਜਾਂਦਾ ਹੈ। ਇਸ ਲਈ ਜਦੋਂ ਵੀ ਤੁਸੀਂ ਸਰਵਿਸ ਲਈ ਟੈਕਨੀਸ਼ੀਅਨ ਨੂੰ ਬੁਲਾਓ, ਤਾਂ ਉਸ ਤੋਂ ਪਹਿਲਾਂ ਕੁਝ ਦੇਰ AC ਚਲਾ ਕੇ ਚੈੱਕ ਕਰ ਲਵੋ ਕਿ ਉਹ ਕਮਰੇ ਨੂੰ ਸਹੀ ਤਰ੍ਹਾਂ ਠੰਢਾ ਕਰ ਰਿਹਾ ਹੈ ਜਾਂ ਨਹੀਂ। ਜੇਕਰ AC ਪਹਿਲਾਂ ਵਾਂਗ ਹੀ ਠੰਢੀ ਹਵਾ ਦੇ ਰਿਹਾ ਹੈ, ਤਾਂ ਇਸਦਾ ਮਤਲਬ ਹੈ ਕਿ ਗੈਸ ਪੂਰੀ ਹੈ।

ਕੋਇਲਜ਼ 'ਤੇ ਬਰਫ਼ ਜਮ੍ਹਾ ਹੋਣਾ

ਜੇਕਰ AC ਕੁਝ ਦੇਰ ਚਲਾਉਣ 'ਤੇ ਕੋਇਲਜ਼ 'ਤੇ ਬਰਫ਼ ਜਮ੍ਹਾ ਹੋ ਰਹੀ ਹੈ, ਤਾਂ ਇਹ ਵੀ ਗੈਸ ਘੱਟ ਹੋਣ ਦਾ ਸੰਕੇਤ ਹੋ ਸਕਦਾ ਹੈ। ਜਦੋਂ AC ਵਿੱਚ ਗੈਸ ਘੱਟ ਹੁੰਦੀ ਹੈ, ਤਾਂ ਕੋਇਲਜ਼ ਲੋੜ ਤੋਂ ਵੱਧ ਠੰਢੀਆਂ ਹੋ ਜਾਂਦੀਆਂ ਹਨ। ਇਸੇ ਕਾਰਨ ਆਲੇ-ਦੁਆਲੇ ਦੀ ਹਵਾ ਵਿੱਚ ਮੌਜੂਦ ਨਮੀ ਬਰਫ਼ ਦੇ ਰੂਪ ਵਿੱਚ AC 'ਤੇ ਜਮ੍ਹਾ ਹੋਣ ਲੱਗਦੀ ਹੈ। ਜੇਕਰ ਤੁਹਾਨੂੰ ਅਜਿਹੀ ਹਾਲਤ ਦਿਖਾਈ ਦੇਵੇ, ਤਾਂ ਇਹ ਗੈਸ ਲੀਕੇਜ ਦਾ ਇਸ਼ਾਰਾ ਹੈ।

ਬਬਲ ਟੈਸਟ ਵੀ ਹੈ ਬਿਹਤਰ

AC ਵਿੱਚ ਗੈਸ ਲੀਕੇਜ ਹੋ ਰਹੀ ਹੈ ਜਾਂ ਨਹੀਂ, ਇਸਦਾ ਪਤਾ ਲਗਾਉਣ ਦਾ ਸਭ ਤੋਂ ਆਸਾਨ ਤਰੀਕਾ 'ਬਬਲ ਟੈਸਟ' ਹੈ। ਇਸ ਟੈਸਟ ਵਿੱਚ ਟੈਕਨੀਸ਼ੀਅਨ ਸਾਬਣ ਜਾਂ ਸਰਫ਼ ਦਾ ਗਾੜ੍ਹਾ ਘੋਲ ਪਾਈਪ ਦੇ ਜੋੜਾਂ 'ਤੇ ਲਗਾ ਕੇ ਚੈੱਕ ਕਰਦੇ ਹਨ। ਜੇਕਰ ਉਸ ਹਿੱਸੇ ਤੋਂ ਗੈਸ ਲੀਕ ਹੋ ਰਹੀ ਹੁੰਦੀ ਹੈ, ਤਾਂ ਉੱਥੇ ਤੁਰੰਤ ਬੁਲਬੁਲੇ ਬਣਨੇ ਸ਼ੁਰੂ ਹੋ ਜਾਂਦੇ ਹਨ। ਜੇਕਰ ਕੋਈ ਬੁਲਬੁਲਾ ਨਹੀਂ ਬਣਦਾ, ਤਾਂ ਸਮਝ ਜਾਓ ਕਿ ਕੋਈ ਗੈਸ ਲੀਕੇਜ ਨਹੀਂ ਹੈ।