ਪਾਸਪੋਰਟ 'ਚ ਪਤਾ ਬਦਲਣਾ ਹੋਇਆ ਬੇਹੱਦ ਆਸਾਨ: ਘਰ ਬੈਠੇ ਆਨਲਾਈਨ ਕਰੋ ਅਪਲਾਈ, ਜਾਣੋ ਪੂਰਾ ਤਰੀਕਾ ਤੇ ਖ਼ਰਚਾ
ਅੱਜ ਦੇ ਸਮੇਂ ਵਿੱਚ ਪਾਸਪੋਰਟ ਸਭ ਤੋਂ ਮਹੱਤਵਪੂਰਨ ਦਸਤਾਵੇਜ਼ਾਂ ਵਿੱਚੋਂ ਇੱਕ ਹੈ। ਵਿਦੇਸ਼ ਯਾਤਰਾ ਤੋਂ ਲੈ ਕੇ ਪੜ੍ਹਾਈ ਜਾਂ ਨੌਕਰੀ ਲਈ ਅਪਲਾਈ ਕਰਨ ਤੱਕ ਇਸ ਦੀ ਲੋੜ ਪੈਂਦੀ ਹੈ। ਜੇਕਰ ਤੁਸੀਂ ਆਪਣਾ ਘਰ ਜਾਂ ਸ਼ਹਿਰ ਬਦਲਿਆ ਹੈ ਤਾਂ ਪਾਸਪੋਰਟ ਵਿੱਚ ਨਵਾਂ ਪਤਾ ਅਪਡੇਟ ਕਰਵਾਉਣਾ ਬਹੁਤ ਜ਼ਰੂਰੀ ਹੈ
Posted By alisha
Publish Date: Sun, 15 Mar 2026 03:42 PM (IST)
Updated Date: Sun, 15 Mar 2026 03:48 PM (IST)
ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਅੱਜ ਦੇ ਸਮੇਂ ਵਿੱਚ ਪਾਸਪੋਰਟ ਸਭ ਤੋਂ ਮਹੱਤਵਪੂਰਨ ਦਸਤਾਵੇਜ਼ਾਂ ਵਿੱਚੋਂ ਇੱਕ ਹੈ। ਵਿਦੇਸ਼ ਯਾਤਰਾ ਤੋਂ ਲੈ ਕੇ ਪੜ੍ਹਾਈ ਜਾਂ ਨੌਕਰੀ ਲਈ ਅਪਲਾਈ ਕਰਨ ਤੱਕ ਇਸ ਦੀ ਲੋੜ ਪੈਂਦੀ ਹੈ। ਜੇਕਰ ਤੁਸੀਂ ਆਪਣਾ ਘਰ ਜਾਂ ਸ਼ਹਿਰ ਬਦਲਿਆ ਹੈ ਤਾਂ ਪਾਸਪੋਰਟ ਵਿੱਚ ਨਵਾਂ ਪਤਾ ਅਪਡੇਟ ਕਰਵਾਉਣਾ ਬਹੁਤ ਜ਼ਰੂਰੀ ਹੈ। ਅਜਿਹਾ ਨਾ ਕਰਨ 'ਤੇ ਵੀਜ਼ਾ ਪ੍ਰਕਿਰਿਆ ਜਾਂ ਪੁਲਿਸ ਵੈਰੀਫਿਕੇਸ਼ਨ ਦੌਰਾਨ ਮੁਸ਼ਕਲਾਂ ਆ ਸਕਦੀਆਂ ਹਨ। ਚੰਗੀ ਗੱਲ ਇਹ ਹੈ ਕਿ ਹੁਣ ਤੁਸੀਂ ਇਹ ਪ੍ਰਕਿਰਿਆ ਘਰ ਬੈਠੇ ਆਨਲਾਈਨ ਸ਼ੁਰੂ ਕਰ ਸਕਦੇ ਹੋ।
ਆਨਲਾਈਨ ਪਤਾ ਕਿਵੇਂ ਬਦਲਿਆ ਜਾਵੇ
ਪਾਸਪੋਰਟ ਵਿੱਚ ਪਤਾ ਬਦਲਣ ਲਈ ਤੁਸੀਂ ਹੇਠਾਂ ਦਿੱਤੇ ਸਟੈਪਸ ਦੀ ਪਾਲਣਾ ਕਰ ਸਕਦੇ ਹੋ।
ਵੈੱਬਸਾਈਟ 'ਤੇ ਜਾਓ: ਸਭ ਤੋਂ ਪਹਿਲਾਂ ਪਾਸਪੋਰਟ ਸੇਵਾ ਦੀ ਅਧਿਕਾਰਤ ਵੈੱਬਸਾਈਟ www.passportindia.gov.in 'ਤੇ ਜਾਓ।
ਰਜਿਸਟ੍ਰੇਸ਼ਨ: ਜੇਕਰ ਤੁਹਾਡਾ ਖਾਤਾ ਨਹੀਂ ਹੈ ਤਾਂ 'New User Registration' 'ਤੇ ਜਾ ਕੇ ਆਪਣਾ ਰਜਿਸਟ੍ਰੇਸ਼ਨ ਪੂਰਾ ਕਰੋ ਅਤੇ ਲੋਗਿਨ ਕਰੋ।
ਰੀ-ਇਸ਼ੂ ਆਪਸ਼ਨ: ਲੋਗਿਨ ਕਰਨ ਤੋਂ ਬਾਅਦ 'Reissue of Passport' ਵਾਲਾ ਆਪਸ਼ਨ ਚੁਣੋ।
ਵੇਰਵੇ ਬਦਲੋ: ਇਸ ਤੋਂ ਬਾਅਦ 'Change in Existing Personal Particulars' 'ਤੇ ਕਲਿੱਕ ਕਰੋ।
ਫਾਰਮ ਭਰੋ: ਫਾਰਮ ਵਿੱਚ ਉਹੀ ਨਵਾਂ ਪਤਾ ਭਰੋ ਜੋ ਤੁਹਾਡੇ ਐਡਰੈੱਸ ਪਰੂਫ਼ (Address Proof) ਵਿੱਚ ਦਿੱਤਾ ਗਿਆ ਹੈ।
ਫੀਸ ਅਤੇ ਅਪਾਇੰਟਮੈਂਟ: ਲੋੜੀਂਦੇ ਦਸਤਾਵੇਜ਼ਾਂ ਦੀਆਂ ਸਕੈਨਿ ਕਾਪੀਆਂ ਅਪਲੋਡ ਕਰੋ, ਆਨਲਾਈਨ ਫੀਸ ਜਮ੍ਹਾਂ ਕਰੋ ਅਤੇ ਪਾਸਪੋਰਟ ਸੇਵਾ ਕੇਂਦਰ (PSK) ਲਈ ਅਪਾਇੰਟਮੈਂਟ ਬੁੱਕ ਕਰੋ।
ਕੇਂਦਰ 'ਤੇ ਜਾਣਾ: ਤੈਅ ਕੀਤੀ ਤਰੀਕ 'ਤੇ ਆਪਣਾ ਪੁਰਾਣਾ ਪਾਸਪੋਰਟ, ਦਸਤਾਵੇਜ਼ਾਂ ਦੀਆਂ ਕਾਪੀਆਂ ਅਤੇ ਅਰਜ਼ੀ ਦੀ ਰਸੀਦ ਲੈ ਕੇ ਕੇਂਦਰ ਪਹੁੰਚੋ।
ਕਿੰਨੀ ਲੱਗੇਗੀ ਫੀਸ
ਪਤਾ ਅਪਡੇਟ ਕਰਨ ਲਈ ਪਾਸਪੋਰਟ ਨੂੰ ਦੁਬਾਰਾ ਜਾਰੀ (Reissue) ਕਰਵਾਉਣਾ ਪੈਂਦਾ ਹੈ, ਜਿਸ ਦੀ ਫੀਸ ਇਸ ਪ੍ਰਕਾਰ ਹੈ।
36 ਪੰਨਿਆਂ ਵਾਲੇ ਪਾਸਪੋਰਟ ਲਈ: ਲਗਪਗ 1500 ਰੁਪਏ।
60 ਪੰਨਿਆਂ ਵਾਲੇ ਪਾਸਪੋਰਟ ਲਈ: ਲਗਪਗ 2000 ਰੁਪਏ।
ਲੋੜੀਂਦੇ ਦਸਤਾਵੇਜ਼ (Documents Required)
ਪਤਾ ਬਦਲਣ ਲਈ ਤੁਹਾਨੂੰ ਹੇਠ ਲਿਖੇ ਦਸਤਾਵੇਜ਼ਾਂ ਵਿੱਚੋਂ ਕਿਸੇ ਇੱਕ ਦੀ ਲੋੜ ਪਵੇਗੀ।
ਆਧਾਰ ਕਾਰਡ
ਵੋਟਰ ਆਈਡੀ ਕਾਰਡ
ਬਿਜਲੀ ਜਾਂ ਪਾਣੀ ਦਾ ਬਿੱਲ (ਪਿਛਲੇ 3 ਮਹੀਨਿਆਂ ਦਾ)
ਰੈਂਟ ਐਗਰੀਮੈਂਟ (ਕਿਰਾਇਆ ਨਾਮਾ)
ਪਿਛਲੇ 12 ਮਹੀਨਿਆਂ ਦੀ ਬੈਂਕ ਸਟੇਟਮੈਂਟ
ਗੈਸ ਕਨੈਕਸ਼ਨ ਦਾ ਬਿੱਲ