- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਨਵੀਂ ਇਲੈਕਟ੍ਰਿਕ ਬਾਈਕ ਲੈਣ ਦੀ ਹੈ ਤਿਆਰੀ? ਪਹਿਲਾਂ ਪੜ੍ਹੋ ਇਹ ਗੱਲਾਂ, ਕਿਤੇ ਪਛਤਾਉਣਾ ਨਾ ਪਵੇ
ਕੰਪਨੀਆਂ ਅਕਸਰ 90 ਤੋਂ 200 ਕਿਲੋਮੀਟਰ ਦੀ ਰੇਂਜ ਦਾ ਦਾਅਵਾ ਕਰਦੀਆਂ ਹਨ ਪਰ ਅਸਲ ਵਿੱਚ ਰੇਂਜ ਟ੍ਰੈਫਿਕ, ਸੜਕ ਦੀ ਹਾਲਤ ਅਤੇ ਬਾਈਕ 'ਤੇ ਬੈਠੇ ਭਾਰ 'ਤੇ ਨਿਰਭਰ ਕਰਦੀ ਹੈ। ਆਮ ਤੌਰ 'ਤੇ ਅਸਲ ਰੇਂਜ ਕੰਪਨੀ ਦੇ ਦਾਅਵੇ ਨਾਲੋਂ ਥੋੜ੍ਹੀ ਘੱਟ ਹੁੰਦੀ ਹੈ, ਇਸ ਲਈ ਟੈਸਟ ਰਾਈਡ ਵੇਲੇ ਇਸ ਦੀ ਚੰਗੀ ਤਰ੍ਹਾਂ ਜਾਂਚ ਕਰੋ।
Posted By alisha
Publish Date: Sun, 04 Jan 2026 11:31 AM (IST)
Updated Date: Sun, 04 Jan 2026 11:43 AM (IST)
ਆਟੋ ਡੈਸਕ, ਨਵੀਂ ਦਿੱਲੀ : ਜੇਕਰ ਤੁਸੀਂ ਇਲੈਕਟ੍ਰਿਕ ਬਾਈਕ (Electric Bike) ਖਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਇਹ ਇੱਕ ਵਧੀਆ ਫੈਸਲਾ ਹੋ ਸਕਦਾ ਹੈ। ਅੱਜ-ਕੱਲ੍ਹ ਇਹ ਸਿਰਫ਼ ਫੈਸ਼ਨ ਨਹੀਂ, ਸਗੋਂ ਪੈਟਰੋਲ ਦੇ ਖਰਚੇ ਤੋਂ ਬਚਣ ਦਾ ਇੱਕ ਵਧੀਆ ਸਾਧਨ ਬਣ ਰਹੀਆਂ ਹਨ ।
1. ਆਪਣੀ ਰੋਜ਼ਾਨਾ ਦੀ ਲੋੜ ਨੂੰ ਸਮਝੋ
ਸਭ ਤੋਂ ਪਹਿਲਾਂ ਇਹ ਦੇਖੋ ਕਿ ਤੁਸੀਂ ਰੋਜ਼ਾਨਾ ਕਿੰਨੇ ਕਿਲੋਮੀਟਰ ਸਫ਼ਰ ਕਰਨਾ ਹੈ। ਜੇਕਰ ਤੁਹਾਡਾ ਸਫ਼ਰ 30-40 ਕਿਲੋਮੀਟਰ ਹੈ, ਤਾਂ ਇੱਕ ਸਾਧਾਰਨ ਰੇਂਜ ਵਾਲੀ ਬਾਈਕ ਕਾਫ਼ੀ ਹੈ ਪਰ ਜੇਕਰ ਤੁਸੀਂ ਬੱਚਿਆਂ ਨੂੰ ਛੱਡਣ ਜਾਂ ਕਿਸੇ ਹੋਰ ਕੰਮ ਲਈ ਵੀ ਬਾਈਕ ਵਰਤਣੀ ਹੈ ਤਾਂ ਹਮੇਸ਼ਾ ਆਪਣੀ ਲੋੜ ਤੋਂ ਥੋੜ੍ਹੀ ਜ਼ਿਆਦਾ ਰੇਂਜ ਵਾਲੀ ਬਾਈਕ ਚੁਣੋ।
2. ਰੇਂਜ ਤੇ ਬੈਟਰੀ ਦੀ ਸਮਰੱਥਾ
ਕੰਪਨੀਆਂ ਅਕਸਰ 90 ਤੋਂ 200 ਕਿਲੋਮੀਟਰ ਦੀ ਰੇਂਜ ਦਾ ਦਾਅਵਾ ਕਰਦੀਆਂ ਹਨ ਪਰ ਅਸਲ ਵਿੱਚ ਰੇਂਜ ਟ੍ਰੈਫਿਕ, ਸੜਕ ਦੀ ਹਾਲਤ ਅਤੇ ਬਾਈਕ 'ਤੇ ਬੈਠੇ ਭਾਰ 'ਤੇ ਨਿਰਭਰ ਕਰਦੀ ਹੈ। ਆਮ ਤੌਰ 'ਤੇ ਅਸਲ ਰੇਂਜ ਕੰਪਨੀ ਦੇ ਦਾਅਵੇ ਨਾਲੋਂ ਥੋੜ੍ਹੀ ਘੱਟ ਹੁੰਦੀ ਹੈ, ਇਸ ਲਈ ਟੈਸਟ ਰਾਈਡ ਵੇਲੇ ਇਸ ਦੀ ਚੰਗੀ ਤਰ੍ਹਾਂ ਜਾਂਚ ਕਰੋ।
3. ਬੈਟਰੀ ਦੀ ਉਮਰ ਤੇ ਵਾਰੰਟੀ
ਜ਼ਿਆਦਾਤਰ ਬਾਈਕਾਂ ਵਿੱਚ Lithium-ion ਬੈਟਰੀ ਹੁੰਦੀ ਹੈ। ਖਰੀਦਣ ਵੇਲੇ ਡੀਲਰ ਤੋਂ ਜ਼ਰੂਰ ਪੁੱਛੋ ਕਿ ਬੈਟਰੀ 'ਤੇ ਕਿੰਨੇ ਸਾਲਾਂ ਦੀ ਵਾਰੰਟੀ ਹੈ। ਇਹ ਵੀ ਜਾਣੋ ਕਿ ਵਾਰੰਟੀ ਖ਼ਤਮ ਹੋਣ ਤੋਂ ਬਾਅਦ ਨਵੀਂ ਬੈਟਰੀ ਕਿੰਨੇ ਦੀ ਮਿਲੇਗੀ ਕਿਉਂਕਿ ਇਲੈਕਟ੍ਰਿਕ ਬਾਈਕ ਵਿੱਚ ਬੈਟਰੀ ਹੀ ਸਭ ਤੋਂ ਮਹਿੰਗੀ ਚੀਜ਼ ਹੁੰਦੀ ਹੈ।
4. ਚਾਰਜਿੰਗ ਦਾ ਸਮਾਂ ਤੇ ਸਹੂਲਤ
ਕੀ ਤੁਹਾਡੇ ਘਰ ਜਾਂ ਪਾਰਕਿੰਗ ਵਿੱਚ ਚਾਰਜਿੰਗ ਪੁਆਇੰਟ ਹੈ? ਛੋਟੀਆਂ ਬੈਟਰੀਆਂ 4-5 ਘੰਟਿਆਂ ਵਿੱਚ ਚਾਰਜ ਹੋ ਜਾਂਦੀਆਂ ਹਨ, ਜਦੋਂ ਕਿ ਵੱਡੀਆਂ ਬੈਟਰੀਆਂ 6-8 ਘੰਟੇ ਲੈ ਸਕਦੀਆਂ ਹਨ। ਜੇਕਰ ਸ਼ਹਿਰ ਵਿੱਚ ਕੰਪਨੀ ਦੇ ਫਾਸਟ ਚਾਰਜਿੰਗ ਪੁਆਇੰਟ ਹਨ ਤਾਂ ਇਹ ਤੁਹਾਡੇ ਲਈ ਇੱਕ ਵੱਡਾ ਫਾਇਦਾ ਹੋਵੇਗਾ।
5. ਸਬਸਿਡੀ ਤੇ ਰਜਿਸਟ੍ਰੇਸ਼ਨ ਦਾ ਖਰਚਾ
ਸਰਕਾਰ ਇਲੈਕਟ੍ਰਿਕ ਵਾਹਨਾਂ 'ਤੇ ਸਬਸਿਡੀ ਦਿੰਦੀ ਹੈ, ਜਿਸ ਨਾਲ ਬਾਈਕ ਦੀ ਕੀਮਤ ਘੱਟ ਜਾਂਦੀ ਹੈ। ਬਾਈਕ ਲੈਣ ਤੋਂ ਪਹਿਲਾਂ ਪਤਾ ਕਰੋ ਕਿ ਉਸ ਮਾਡਲ 'ਤੇ ਸਬਸਿਡੀ ਮਿਲ ਰਹੀ ਹੈ ਅਤੇ ਬਿਨਾਂ ਸਬਸਿਡੀ ਦੇ ਉਸਦੀ ਅਸਲ ਕੀਮਤ ਕੀ ਹੈ। ਲੰਬੇ ਸਮੇਂ ਵਿੱਚ ਇਸ ਨੂੰ ਚਲਾਉਣ ਦਾ ਖਰਚਾ ਪੈਟਰੋਲ ਦੇ ਮੁਕਾਬਲੇ ਬਹੁਤ ਘੱਟ ਹੁੰਦਾ ਹੈ।
6. ਪਰਫਾਰਮੈਂਸ ਤੇ ਰਾਈਡਿੰਗ ਮੋਡ
ਇਲੈਕਟ੍ਰਿਕ ਬਾਈਕ ਵਿੱਚ ਅਕਸਰ Eco, Normal ਅਤੇ Sport ਮੋਡ ਹੁੰਦੇ ਹਨ। 'ਸਪੋਰਟ' ਮੋਡ ਵਿੱਚ ਸਪੀਡ ਤਾਂ ਜ਼ਿਆਦਾ ਮਿਲਦੀ ਹੈ ਪਰ ਰੇਂਜ ਘੱਟ ਜਾਂਦੀ ਹੈ। ਟੈਸਟ ਰਾਈਡ ਦੌਰਾਨ ਇਹ ਦੇਖੋ ਕਿ ਬਾਈਕ ਖਰਾਬ ਸੜਕਾਂ ਅਤੇ ਚੜ੍ਹਾਈਆਂ 'ਤੇ ਕਿਵੇਂ ਚੱਲਦੀ ਹੈ।
7. ਬਿਲਡ ਕੁਆਲਿਟੀ ਤੇ ਸਰਵਿਸ ਸੈਂਟਰ
ਬਾਈਕ ਦੀ ਬਾਡੀ ਮਜ਼ਬੂਤ ਹੋਣੀ ਚਾਹੀਦੀ ਹੈ ਕਿਉਂਕਿ ਇਸ ਨੇ ਮੀਂਹ, ਧੂੜ ਅਤੇ ਝਟਕਿਆਂ ਨੂੰ ਸਹਿਣਾ ਹੁੰਦਾ ਹੈ। ਇਹ ਵੀ ਯਕੀਨੀ ਬਣਾਓ ਕਿ ਤੁਹਾਡੇ ਸ਼ਹਿਰ ਵਿੱਚ ਉਸ ਕੰਪਨੀ ਦਾ ਸਰਵਿਸ ਸੈਂਟਰ ਮੌਜੂਦ ਹੋਵੇ ਤਾਂ ਜੋ ਸਪੇਅਰ ਪਾਰਟਸ ਲੈਣ ਵਿੱਚ ਕੋਈ ਦਿੱਕਤ ਨਾ ਆਵੇ।