ਜੂਨੀਅਰ ਸਹਾਇਕ ਕਸ਼ਮੀਰ ਸਿੰਘ ਨੂੰ ਸੇਵਾ ਮੁਕਤੀ ’ਤੇ ਸਾਥੀਆਂ ਕੀਤਾ ਸਨਮਾਨਿਤ

ਪੱਤਰ ਪ੍ਰੇਰਕ,•ਪੰਜਾਬੀ ਜਾਗਰਣ, ਤਰਨਤਾਰਨ : ਕਸ਼ਮੀਰ ਸਿੰਘ ਬਤੌਰ ਜੂਨੀਅਰ ਸਹਾਇਕ ਸਰਕਾਰੀ ਹਾਈ ਸਕੂਲ ਠੱਠੀਆਂ ਮਹੰਤਾਂ ਤੋਂ 37 ਸਾਲ ਦੀ ਨੌਕਰੀ ਕਰਨ ਉਪਰੰਤ ਸੇਵਾ ਮੁਕਤ ਹੋ ਗਏ ਹਨ। ਇਸ ਮੌਕੇ ਉਨ੍ਹਾਂ ਨੂੰ ਜ਼ਿਲ੍ਹੇ ਦੇ ਸਮੂਹ ਕਲੈਰੀਕਲ ਸਟਾਫ਼ ਵਲੋਂ ਚੰਗੀਆਂ ਸੇਵਾਵਾਂ ਬਦਲੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਤਰਸੇਮ ਸਿੰਘ ਜੂਨੀਅਰ ਸਹਾਇਕ ਦਫ਼ਤਰ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸੈਕੰਡਰੀ ਅਤੇ ਸਰਬਜੀਤ ਸਿੰਘ ਸੁਪਰਡੈਂਟ, ਆਦੇਸ਼ ਸਿੰਘ ਸੀਨੀਅਰ ਸਹਾਇਕ, ਨਿਸ਼ਾਨ ਸਿੰਘ ਜ਼ਿਲ੍ਹਾ ਪ੍ਰਧਾਨ ਕਲੈਰੀਕਲ ਯੂਨੀਅਨ, ਗੁਰਲਾਲ ਸਿੰਘ ਜ਼ਿਲ੍ਹਾ ਖਜਾਨਾ ਅਫ਼ਸਰ ਫਰੀਦਕੋਟ, ਨਰਿੰਦਰ ਭੱਲਾ, ਹਰਵਿੰਦਰ ਸਿੰਘ ਮੰਡ, ਗੁਰਸਿੰਦਰਪਾਲ ਅਲਾਦੀਨਪੁਰ, ਦਿਲਬਾਗ ਸਿੰਘ ਝਾਮਕਾ, ਮਦਨ ਪਠਾਨੀਆਂ ਐੱਮਡੀ, ਹਰਜੀਤ ਸਿੰਘ, ਵਿਜੇ ਕੁਮਾਰ, ਰਾਜਵਿੰਦਰ ਸਿੰਘ, ਮਨਪ੍ਰੀਤ ਸਿੰਘ, ਤਜਿੰਦਰ ਸਿੰਘ ਸੋਨਾ, ਪਲਵਿੰਦਰ ਸਿੰਘ, ਭੁਪਿੰਦਰ ਸਿੰਘ ਬੁਰਜ਼ ਰਾਏਕੇ, ਅਮਨਦੀਪ ਸਿੰਘ ਢੋਟੀਆਂ, ਮੰਗਤ ਸਿੰਘ ਸਾਬਕਾ ਜ਼ਿਲ੍ਹਾ ਪ੍ਰਧਾਨ ਕਲੈਰੀਕਲ ਯੂਨੀਅਨ ਤਰਨਤਾਰਨ, ਸਤਬੀਰ ਸਿੰਘ ਗੋਹਲਵੜ੍ਹ, ਜਤਿੰਦਰ ਸਿੰਘ ਫੈਲੋਕੇ ਨੇ ਕਸ਼ਮੀਰ ਸਿੰਘ ਨੂੰ ਸੇਵਾ ਮੁਕਤ ਹੋਣ ’ਤੇ ਵਧਾਈ ਦਿੱਤੀ। ਅੰਤ ਵਿਚ ਕਸ਼ਮੀਰ ਸਿੰਘ ਨੇ ਆਏ ਹੋਏ ਮੈਬਰਾਂ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਉਹ ਸਦਾ ਕਲੈਰੀਕਲ ਯੂਨੀਅਨ ਲਈ ਤੱਤਪਰ ਰਹਿਣਗੇ।