ਨੰਗਲ ਦੀ ਐੱਨਐੱਫਐੱਲ ਗਰਾਊਂਡ ’ਚ ਪੰਜ ਰੋਜ਼ਾ ਸਵਦੇਸ਼ੀ ਮੇਲੇ ਦਾ ਸ਼ਾਨਦਾਰ ਅਗਾਜ਼

ਪੰਜਾਬੀ ਜਾਗਰਣ ਟੀਮ, ਨੰਗਲ : ਸਵਦੇਸ਼ੀ ਜਾਗਰਣ ਮੰਚ ਵਲੋਂ ਨਵਾਂ ਨੰਗਲ ਦੇ ਐੱਨਐੱਫਐੱਲ ਗਰਾਊਂਡ ਵਿਖੇ ਲਗਾਇਆ ਜਾ ਰਿਹਾ ਪੰਜ ਰੋਜ਼ਾ ਸਵਦੇਸ਼ੀ ਮੇਲਾ ਪੂਰੀ ਸ਼ਾਨੋ ਸ਼ੌਕਤ ਨਾਲ ਸ਼ੁਰੂ ਹੋ ਗਿਆ। 18 ਤੋਂ 22 ਮਾਰਚ ਤੱਕ ਲੱਗਣ ਵਾਲੇ ਇਸ ਮੇਲੇ ਦਾ ਰਸਮੀ ਉਦਘਾਟਨ ਭਾਜਪਾ ਦੇ ਕੌਮੀ ਜਨਰਲ ਸਕੱਤਰ ਤਰੁਣ ਚੁੱਘ ਅਤੇ ਭਾਜਪਾ ਪੰਜਾਬ ਦੇ ਮੀਤ ਪ੍ਰਧਾਨ ਸੁਭਾਸ਼ ਸ਼ਰਮਾ ਸਮੇਤ ਸਵਦੇਸ਼ੀ ਜਾਗਰਣ ਮੰਚ ਦੀ ਟੀਮ ਵੱਲੋਂ ਜੋਤ ਜਗਾ ਕੇ ਕੀਤਾ ਗਿਆ। ਇਸ ਮੌਕੇ ਬੋਲਦਿਆਂ ਮੁੱਖ ਮਹਿਮਾਨ ਚੁੱਘ ਨੇ ਕਿਹਾ ਕਿ ਭਾਰਤ ਨੂੰ ਆਤਮ ਨਿਰਭਰ ਬਣਾਉਣ ਲਈ ਸਵਦੇਸ਼ੀ ਨੂੰ ਅਪਣਾਉਣਾ ਬਹੁਤ ਜਰੂਰੀ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਆਤਮ ਨਿਰਭਰ ਭਾਰਤ ਦੇ ਸੰਕਲਪ ਨੂੰ ਹਰ ਘਰ ਤੱਕ ਪਹੁੰਚਾਉਣ ਦੀ ਲੋੜ ਹੈ।ਜਿਸ ਨਾਲ ਜਿਥੇ ਨੌਜਵਾਨਾ ਨੂੰ ਰੋਜ਼ਗਾਰ ਮਿਲੇਗਾ,ਉਥੇ ਦੇਸ਼ ਦੀ ਅਰਥ ਵਿਵਸਥਾ ਵੀ ਮਜਬੂਤ ਹੋਵੇਗੀ।ਇਸ ਮੌਕੇ ਆਏ ਮਹਿਮਾਨਾ ਅਤੇ ਸਥਾਨਕ ਲੋਕਾਂ ਦਾ ਧੰਨਵਾਦ ਕਰਦਿਆਂ ਭਾਜਪਾ ਦੇ ਮੀਤ ਪ੍ਰਧਾਨ ਡਾ. ਸੁਭਾਸ਼ ਸ਼ਰਮਾ ਨੇ ਕਿਹਾ ਸ਼੍ਰੀ ਅਨੰਦਪੁਰ ਸਾਹਿਬ ਵਿਧਾਨ ਸਭਾ ਹਲਕੇ ਦੇ ਲੋਕਾਂ ਨੂੰ ਰੋਜ਼ਗਾਰ ਮਹੁੱਈਆਂ ਕਰਵਾਉਣ ਲਈ ਐੱਨਐੱਫਐੱਨ ਵਿਸਥਾਰ ਅਤੇ ਬੀਬੀਐੱਮਬੀ ਵਿੱਚ ਪੰਜਾਬ ਕੋਟੇ ਦੀਆਂ ਖਾਲੀ ਪੋਸਟਾ ਨੂੰ ਭਰਨ ਦੀ ਲੋੜ ਹੈ। ਸ਼ਰਮਾ ਨੇ ਕਿਹਾ ਕਿ ਇਸ ਮੇਲੇ ਦਾ ਮਕਸਦ ਲੋਕਾਂ ਨੂੰ ਸਵਦੇਸ਼ੀ ਖਰੀਦਣ ਵੱਲ ਅਕਰਸ਼ਿਤ ਕਰਨਾ ਹੈ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਵਧ ਤੋਂ ਵੱਧ ਸਵਦੇਸ਼ੀ ਨੂੰ ਖਰੀਦਣ। ਇਸ ਮੌਕੇ ਸਵਦੇਸ਼ੀ ਜਾਗਰਣ ਮੰਚ ਦੇ ਸਹ ਸੰਚਾਲਕ ਰਾਜੇਸ਼ ਗੋਇਲ,ਸਵਦੇਸ਼ੀ ਜਾਗਰਣ ਮੰਚ ਦੇ ਉਤਰੀ ਜ਼ੋਨ ਦੇ ਸੰਗਠਨ ਮੰਤਰੀ ਵਿਨੈ ਸ਼ਰਮਾ, ਸੂਬਾ ਕੋਆਰਡੀਨੇਟਰ ਨੇਹਾ ਤੇਜਪਾਲ, ਡਾ, ਪਰਮਿੰਦਰ ਸ਼ਰਮਾ, ਭਾਜਪਾ ਆਗੂ ਜਤਿੰਦਰ ਸਿੰਘ ਅਠਵਾਲ, ਮੁਕੇਸ਼ ਨੱਡਾ, ਹਰਮਨਜੀਤ ਸਿੰਘ ਪ੍ਰਿੰਸ, ਸੰਜੀਵ ਸ਼ਰਮਾ ਪਟਵਾਰੀ, ਕਰਨ ਮਹੈਣ, ਅਰੁਨ ਬੇਰੀ, ਰਾਜਨ ਸ਼ਰਮਾ, ਦਿਨੇਸ਼, ਦਵਿੰਦਰ ਗਾਧੀ, ਰਮਨ ਸ਼ਰਮਾ, ਰੰਜਨਾ ਬਜਾਜ ਆਦਿ ਹਾਜ਼ਰ ਸਨ। ਕਨਵਰ ਗਰੇਵਾਲ ਨੇ ਬੰਨ੍ਹਿਆ ਰੰਗ ਸਵਦੇਸ਼ੀ ਮੇਲੇ ਦੇ ਪਹਿਲੇ ਦਿਨ ਪ੍ਰਸਿੱਧ ਕਲਾਕਾਰ ਕਨਵਰ ਗਰੇਵਾਲ ਨੇ ਦੇਰ ਰਾਤ ਤੱਕ ਆਪਣੀ ਸੂਫੀ ਗਾਇਕੀ ਦਾ ਲੋਹਾ ਮੰਨਵਾਉਦਿਆਂ ਦਰਸ਼ਕਾ ਨੂੰ ਨੱਚਣ ਲਈ ਮਜ਼ਬੂਰ ਕਰ ਦਿੱਤਾ। ਇਸ ਮੌਕੇ ਉਨ੍ਹਾਂ ਆਪਣੇ ਮਕਬੂਲ ਗੀਤ ‘ਸਾਹਮਣੇ ਹੋਵੇ ਯਾਰ ਤਾ ਨੱਚਣਾ ਪੈਂਦਾ ਏ, ਦੇਖ ਮਰਦਾਨਿਆਂ ਰੰਗ ਕਰਤਾਰ ਦੇ, ਨਾ ਜਾਈ ਮਸਤਾ ਦੇ ਵਿਹੜੇ ਅਤੇ ਜਿਥੇ ਚੱਲੇਗਾ ਚੱਲੂਗੀ ਨਾਲ ਤੇਰੇ, ਟਿਕਟਾ ਦੋ ਲੈ ਲਈ ਆਦਿ ਨਾਲ ਦਰਸ਼ਕਾ ਦਾ ਭਰਭੂਰ ਮੰਨੋਰੰਜਨ ਕੀਤਾ। ਸ਼ਹਿਰ ਵਾਸੀਆਂ ਨੇ ਕੀਤੀ ਸਵਦੇਸ਼ੀ ਖਰੀਦਦਾਰੀ ਸਵਦੇਸ਼ੀ ਮੇਲੇ ਦੇ ਪਹਿਲੇ ਦਿਨ ਲੋਕਾ ਵਲੋਂ ਜਿਥੇ ਰੱਜਵੀ ਖ਼ਰੀਦਾਦਰੀ ਕੀਤੀ ਗਈ ਉਥੇ ਹੀ ਦੇਸ਼ ਦੇ ਵੱਖ ਵੱਖ ਪਕਵਾਨਾਂ ਦਾ ਸਵਾਦ ਵੀ ਲਿਆ। ਇਸ ਮੌਕੇ ’ਤੇ ਹਰਿਆਣਾ ਤੋਂ ਐਵਾਰਡ ਪ੍ਰਾਪਤ ਕਰ ਚੁੱਕੇ ਜਲੇਬ ਦੀ ਚੜਾਈ ਰਹੀ ਅਤੇ ਮਿੱਠਾ ਖਾਣ ਦੇ ਸ਼ੌਕੀਨਾਂ ਵਲੋਂ ਖੂਬ ਪਸੰਦ ਕੀਤਾ ਗਿਆ। ਸ਼ਹਿਰ ਵਾਸੀਆ ਵੱਲੋਂ ਰਾਜਸਥਾਨੀ ਚਟਨੀਆਂ ਅਤੇ ਘਰੇਲੂ ਤਰੀਕੇ ਨਾਲ ਤਿਆਰ ਕੀਤੇ ਮਸਾਲਿਆਂ ਵਿੱਚ ਵੀ ਆਪਣੀ ਰੁਚੀ ਵਿਖਾਈ। ਮੇਲੇ ਵਿੱਚ ਖ਼ਰੀਦਦਾਰੀ ਕਰ ਰਹੇ ਹਰਿੰਦਰ ਸਿੰਘ ਭਾਪਾ ਜੀ ਨੇ ਦੱਸਿਆ ਕਿ ਸਵਦੇਸ਼ੀ ਜਾਗਰਣ ਮੰਚ ਵਲੋਂ ਇਹ ਇਕ ਵਧੀਆਂ ਉਪਰਾਲਾ ਹੈ ਜਿਸ ਨਾਲ ਘਰ ਬੈਠੇ ਹੀ ਦੇਸ਼ ਦੇ ਵੱਖ-ਵੱਖ ਰੰਗਾਂ ਨੂੰ ਮਾਨਣ ਦਾ ਮੌਕਾ ਮਿਲ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਅਜਿਹੇ ਮੇਲੇ ਜਰੂਰ ਲੱਗਣੇ ਚਾਹੀਦੇ ਹਨ ਅਤੇ ਇਸ ਦੇ ਨਾਲ ਨਵੀ ਪੀੜੀ ਨੂੰ ਇਕ ਸੇਧ ਵੀ ਮਿਲਦੀ ਹੈ।