ਫਲਾਂ ਦੇ ਪੈਸੇ ਮੰਗਣੇ ਪਏ ਮਹਿੰਗੇ; ਯੂ.ਪੀ. ਤੋਂ ਆਏ ਫਲ ਵਿਕਰੇਤਾ ਨੇ ਆੜ੍ਹਤੀ ਦੇ ਪੇਟ 'ਚ ਮਾਰਿਆ ਚਾਕੂ; ਹਾਲਤ ਗੰਭੀਰ

ਬੀਤੀ ਸ਼ਾਮ ਜਦੋਂ ਪਾਤੜਾਂ ਦਾ ਆੜ੍ਹਤੀ ਬਲਬੀਰ ਸਿੰਘ ਘੱਗਾ ਵਿਖੇ ਰਾਮ ਚੰਦਰ ਤੋਂ ਪੈਸੇ ਲੈਣ ਗਿਆ ਤਾਂ ਪਹਿਲਾਂ ਹੀ ਤਾਕ ਵਿੱਚ ਬੈਠੇ ਰਾਮ ਚੰਦਰ ਨੇ ਉਸ 'ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ। ਇਸ ਹਮਲੇ ਵਿੱਚ ਬਲਬੀਰ ਸਿੰਘ ਬੁਰੀ ਤਰ੍ਹਾਂ ਜ਼ਖ਼ਮੀ ਹੋ ਗਿਆ। ਵਾਰਦਾਤ ਤੋਂ ਬਾਅਦ ਵੀ ਮੁਲਜ਼ਮ ਰਾਮ ਚੰਦਰ ਆਪਣੀ ਗੁੰਡਾਗਰਦੀ ਦਿਖਾਉਂਦੇ ਹੋਏ ਹਵਾ ਵਿੱਚ ਚਾਕੂ ਲਹਿਰਾਉਂਦਾ ਰਿਹਾ। ਜ਼ਖ਼ਮੀ ਆੜ੍ਹਤੀ ਨੂੰ ਤੁਰੰਤ ਪਾਤੜਾਂ ਦੇ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਦੀ ਹਾਲਤ ਨਾਜ਼ੁਕ ਦੇਖਦਿਆਂ ਉਸ ਨੂੰ ਪਟਿਆਲਾ ਰੈਫਰ ਕਰ ਦਿੱਤਾ ਹੈ।