ਸੁਸ਼ੀਲ ਆਜ਼ਾਦ ਨੂੰ ਕੀਤਾ ਸਨਮਾਨਿਤ

ਫੋਟੋ 11ਪੀਟੀਐਲ: 1 ਪੱਤਰ ਪ੍ਰੇਕਰ, ਪੰਜਾਬੀ ਜਾਗਰਣ, ਪਟਿਆਲਾ : ਪਟਿਆਲਾ ਦੇ ਰਹਿਣ ਵਾਲੇ ਅੰਤਰਰਾਸ਼ਟਰੀ ਲੇਖਕ ਤੇ ਸਿੱਖਿਆ ਸ਼ਾਸਤਰੀ ਸੁਸ਼ੀਲ ਕੁਮਾਰ ਆਜ਼ਾਦ ਦੀ ਖੁਸ਼ੀ ਦਾ ਉਦੋਂ ਕੋਈ ਵੀ ਟਿਕਾਣਾ ਨਾ ਰਿਹਾ ਜਦੋਂ ਉਨ੍ਹਾਂ ਦੀ ਕਿਤਾਬ, ਦਿਨ ਪਿਘਲ ਰਹੇ ਹੈਂ ਨੂੰ ਹਰਿਆਣਾ ਸਾਹਿਤਤੇ ਸੰਸਕ੍ਰਿਤੀ ਅਕੈਡਮੀ, ਪੰਚਕੂਲਾ ਅਤੇ ਪ੍ਰੋਫੈਸਰ ਵੀਰ ਸੇਨ ਵਿਨੈ ਮਲਹੋਤਰਾ ਟਰੱਸਟ ਦੁਆਰਾ ਸਾਂਝੇ ਤੌਰ ਤੇ ਇਕ ਸ਼ਾਨਦਾਰ ਸਮਾਰੋਹ ਵਿਚ ਸਨਮਾਨਿਤ ਕੀਤਾ ਗਿਆ। ਇਸ ਸਮਾਰੋਹ ਵਿਚ ਵੱਖ-ਵੱਖ ਵਿਧਾਵਾਂ ਵਿਚ ਲਗਭਗ ਸੋਲਾਂ ਲੇਖਕਾਂ ਦੁਆਰਾ ਲਿਖੀਆਂ ਕਿਤਾਬਾਂ ਦੀ ਚੋਣ ਕੀਤੀ ਗਈ ਅਤੇ ਸਨਮਾਨਿਤ ਕੀਤਾ ਗਿਆ। ਇਹ ਧਿਆਨ ਦੇਣ ਯੋਗ ਹੈ ਕਿ ਜਦੋਂ ਕੇਂਦਰੀ ਵਿਦਿਆਲਿਆ ਨਾਭਾ ਦੇ ਹਿੰਦੀ ਅਧਿਆਪਕ ਸੁਸ਼ੀਲ ਕੁਮਾਰ ਆਜ਼ਾਦ ਨੂੰ ਦਿਨ ਪਿਘਲ ਰਹੇ ਹੈਂ ਦੇ ਲੇਖਣ ਕਾਰਜ ਲਈ ਸਨਮਾਨਿਤ ਕੀਤਾ ਗਿਆ ਹੈ। ਪੁਰਸਕਾਰ ਸਵੀਕਾਰ ਕਰਦੇ ਹੋਏ, ਆਜ਼ਾਦ ਨੇ ਦੱਸਿਆ ਕਿ ਜਿੱਥੇ ਉਨ੍ਹਾਂ ਦੇ ਦੋਸਤ, ਅੰਤਰਰਾਸ਼ਟਰੀ ਲੇਖਕ ਤੇ ਸਿੱਖਿਆ ਸ਼ਾਸਤਰੀ ਅਨਿਲ ਕੁਮਾਰ ਭਾਰਤੀ ਨੇ ਭਾਰਤੀ ਦ੍ਰਿਸ਼ਟੀਕੋਣ ਤੋਂ ਕਿਤਾਬ ਦੇ ਸੰਪਾਦਨ ਵਿੱਚ ਅਹਿਮ ਯੋਗਦਾਨ ਪਾਇਆ ਹੈ, ਉੱਥੇ ਹੀ ਪ੍ਰਸਿੱਧ ਰੂਸੀ ਕਲਾਕਾਰ ਮਾਰੀਆ ਲਾਜ਼ਾਰੇਵਾ ਨੇ ਸੰਪਾਦਨ ਪ੍ਰਕਿਰਿਆ ਵਿੱਚ ਕੀਮਤੀ ਯੋਗਦਾਨ ਪਾਇਆ ਹੈ, ਜੋ ਰੂਸੀ ਸੱਭਿਆਚਾਰ ਦੇ ਸਮਾਵੇਸ਼ੀ ਦ੍ਰਿਸ਼ਟੀਕੋਣ ਨੂੰ ਦਰਸਾਉਂਦਾ ਹੈ। ਕਿਤਾਬ ਦੇ ਬਾਰੇ ਵਿਚ ਹੋਰ ਵਿਸਥਾਰ ਨਾਲ ਦੱਸਦਿਆਂ ਕਿਤਾਬ ਦੇ ਸੰਪਾਦਕ ਅਨਿਲ ਕੁਮਾਰ ਭਾਰਤੀ ਨੇ ਕਿਹਾ ਕਿ ਇਸ ਕਿਤਾਬ ਵਿੱਚ ਰੂਸੀ ਕਲਾਕਾਰਾਂ, ਪੱਤਰਕਾਰਾਂ ਤੇ ਸਮਾਜਿਕ ਕਾਰਕੁਨਾਂ ਦੇ ਨਾਲ-ਨਾਲ ਰੂਸ ਦੀ ਕੁਦਰਤੀ ਸੁੰਦਰਤਾ, ਪ੍ਰਸ਼ਾਸਨਿਕ ਪ੍ਰਣਾਲੀ ਅਤੇ ਆਰਕੀਟੈਕਚਰ ਬਾਰੇ ਲੇਖ ਸ਼ਾਮਲ ਹਨ, ਜੋ ਕਿ ਬਹੁਤ ਹੀ ਸਰਲ ਅਤੇ ਸੰਖੇਪ ਢੰਗ ਨਾਲ ਲਿਖੇ ਗਏ ਹਨ, ਜਿਸ ਨਾਲ ਇਸ ਨੂੰ ਇਕ ਵਿਲੱਖਣ ਦਰਜਾ ਮਿਲਦਾ ਹੈ। ਇਸ ਪ੍ਰਾਪਤੀ ਤੇ, ਕੇਂਦਰੀ ਵਿਦਿਆਲਿਆ ਸੰਗਠਨ ਡਿਪਟੀ ਕਮਿਸ਼ਨਰ ਪ੍ਰੀਤੀ ਸਕਸੈਨਾ, ਸਹਾਇਕ ਕਮਿਸ਼ਨਰ ਜੁਗਲ ਕਿਸ਼ੋਰ, ਆਰ.ਸੀ. ਸ਼ਰਮਾ,ਪੀ.ਸੀ. ਤਿਵਾੜੀ, ਅਤੇ ਪ੍ਰਿੰਸੀਪਲ ਸਪਨਾ ਟੈਂਭੁਰਨੇ ਨੇ ਵੀ ਸੁਸ਼ੀਲ ਕੁਮਾਰ ਆਜ਼ਾਦ ਨੂੰ ਦਿਲੋਂ ਵਧਾਈਆਂ ਦਿੱਤੀਆਂ।