ਪੰਜਾਬ ਪਬਲਿਕ ਸਕੂਲ ਨਾਭਾ ਵਿਖੇ ਲੱਗੀਆਂ ਵਿਸਾਖੀ ਦੀਆਂ ਰੌਣਕਾਂ

ਅਮਨਦੀਪ ਸਿੰਘ ਲਵਲੀ, ਪੰਜਾਬੀ ਜਾਗਰਣ, ਨਾਭਾ : ਪੰਜਾਬ ਪਬਲਿਕ ਸਕੂਲ ਨਾਭਾ ਵਿਖੇ ਵਿਸਾਖੀ ਸਮਾਰੋਹ ਕੀਤਾ ਗਿਆ। ਸਕੂਲ ਹੈੱਡ ਮਾਸਟਰ ਡਾ. ਡੀਸੀ ਸ਼ਰਮਾ ਨੇ ਸਮਾਰੋਹ ਦਾ ਉਦਘਾਟਨ ਕੀਤਾ। ਵਿਸਾਖੀ ਮੇਲੇ ਦੌਰਾਨ ਵਿਦਿਆਰਥੀਆਂ ਦੇ ਪਸੰਦੀਦਾ ਵੱਖ-ਵੱਖ ਖੇਡਾਂ ਤੇ ਖਾਣ-ਪੀਣ ਦੀਆਂ ਚੀਜ਼ਾਂ ਦੇ ਸਟਾਲ ਲਗਾਏ ਗਏ ਸਨ। ਮੁੰਡਿਆਂ ਅਤੇ ਕੁੜੀਆਂ ਨੇ ਸਾਫਟ ਡਰਿੰਕ ਦੀਆਂ ਬੋਤਲਾਂ ਫੜਨ, ਗੋਲਫ ਪੁਟਿੰਗ, ਗੋਲ ਸਕੋਰਿੰਗ ਫੁੱਟਬਾਲ, ਗੇਂਦਬਾਜ਼ੀ ਲਈ ਇੱਕ ਸਟੰਪ, ਹਾਕੀ ਸਕੂਪ, ਜੈਬਰਵੌਕੀ, ਸਿੱਕਾ ਬਾਲਟੀ, ਹੂਪਲਾ ਰਿੰਗ ਅਤੇ ਕੈਰੀ, ਕਾਰ ਰੇਸ/ਡਾਇਸ ਗੇਮ, ਐਜਿਲਿਟੀ ਲੈਡਰ ਟਵਿਸਟ, ਕੈਨ ਟੌਪਲਿੰਗ, ਬਾਸਕਿਟਬਾਲ ਥਰੂ ਏ ਟਾਇਰ, ਡਾਰਟ ਸ਼ੂਟਿੰਗ, ਘੋੜ ਸਵਾਰੀ ਅਤੇ ਜੂਕ ਬਾਕਸ ਦਾ ਆਨੰਦ ਮਾਣਿਆ। ਤੰਬੋਲਾ ਖੇਡ ਨੇ ਵਿਦਿਆਰਥੀਆਂ ਦੇ ਉਤਸ਼ਾਹ ਵਿੱਚ ਹੋਰ ਵਾਧਾ ਕੀਤਾ। ਆਰਟ, ਫੋਟੋਗ੍ਰਾਫੀ, ਭੂਗੋਲ, ਆਈਟੀ ਤੇ ਰੋਬੋਟਿਕਸ, ਗਣਿਤ, ਰਸਾਇਣ ਵਿਗਿਆਨ, ਭੌਤਿਕ ਵਿਗਿਆਨ, ਜੀਵ ਵਿਗਿਆਨ, ਇਤਿਹਾਸ, ਸੰਗੀਤ ਤੇ ਬੈਂਡ ਵਿਭਾਗਾਂ ਨੇ ਪ੍ਰਦਰਸ਼ਨੀਆਂ ਵੀ ਲਗਾਈਆਂ। ਸਮਾਰੋਹ ਤੋਂ ਪਹਿਲਾਂ ਆਯੋਜਿਤ ਇੱਕ ਵਿਸ਼ੇਸ਼ ਸਭਾ ਵਿਚ, ਵਿਦਿਆਰਥੀਆਂ ਨੇ ਅੰਗਰੇਜ਼ੀ, ਹਿੰਦੀ ਅਤੇ ਪੰਜਾਬੀ ਵਿੱਚ ਇਸ ਦਿਨ ਦੀ ਮਹੱਤਤਾ ਨੂੰ ਉਜਾਗਰ ਕੀਤਾ। ਸਕੂਲ ਵਿਦਿਆਰਥੀਆਂ ਨੇ ਭਗਤੀ ਗੀਤ ਪੇਸ਼ ਕੀਤੇ। ਇਸ ਸਮਾਗਮ ਵਿੱਚ ਬਰਸਰ ਡਾ. ਅੰਕੁਰ ਸੈਮੂਅਲ ਬਿਰਕੇਟ, ਓਡੀਐਚਐਮ ਰਵਿੰਦਰ ਕੌਰ ਅਤੇ ਫੈਕਲਟੀ ਦੇ ਬਾਕੀ ਮੈਂਬਰ ਸ਼ਾਮਲ ਹੋਏ।