ਪਟਿਆਲਾ ’ਚ ਹਨੂੰਮਾਨ ਜਅੰਤੀ ਮੌਕੇ ਨਿਕਲੀ ਭਵਿਆ ਸ਼ੋਭਾ ਯਾਤਰਾ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਪਟਿਆਲਾ : ਹਨੂੰਮਾਨ ਜੈਅੰਤੀ ਮੌਕੇ ਸ਼ਹਿਰ ਵਿਚ ਧਾਰਮਿਕ ਆਸਥਾ ਤੇ ਉਤਸ਼ਾਹ ਦਾ ਅਨੋਖਾ ਮੇਲ ਵੇਖਣ ਨੂੰ ਮਿਲਿਆ। ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਮੋਹਿਤ ਪੰਡਿਤ ਜੀ ਵੱਲੋਂ ਚਿਕ ਬਾਜ਼ਾਰ, ਲੋਹੜੀ ਗੇਟ ਤੋਂ ਇੱਕ ਵਿਸ਼ਾਲ ਅਤੇ ਭਵਿਆ ਸ਼ੋਭਾ ਯਾਤਰਾ ਸਜਾਈ ਗਈ। ਇਸ ਸ਼ੋਭਾ ਯਾਤਰਾ ਵਿਚ ਵੱਡੀ ਗਿਣਤੀ ਵਿਚ ਸ਼ਰਧਾਲੂਆਂ ਨੇ ਹਿੱਸਾ ਲਿਆ ਅਤੇ ਪੂਰੇ ਰਸਤੇ ਦੌਰਾਨ ‘ਜੈ ਸ਼੍ਰੀ ਰਾਮ’ ਤੇ ‘ਬਜਰੰਗ ਬਲੀ’ ਦੇ ਜੈਕਾਰਿਆਂ ਨਾਲ ਮਾਹੌਲ ਭਗਤੀਮਈ ਬਣ ਗਿਆ। ਇਸ ਮੌਕੇ ਰਾਸ਼ਟਰੀ ਬਜਰੰਗ ਦਲ ਪੰਜਾਬ ਦੇ ਕਾਰਜਕਾਰੀ ਪ੍ਰਧਾਨ ਆਸ਼ੀਸ਼ ਕਪੂਰ ਵਿਸ਼ੇਸ਼ ਤੌਰ ’ਤੇ ਮੌਜੂਦ ਰਹੇ ਅਤੇ ਉਨ੍ਹਾਂ ਨੇ ਸ਼ੋਭਾ ਯਾਤਰਾ ਵਿਚ ਸ਼ਾਮਲ ਹੋ ਕੇ ਆਪਣੀ ਸ਼ਰਧਾ ਪ੍ਰਗਟ ਕੀਤੀ। ਆਸ਼ੀਸ਼ ਕਪੂਰ ਨੇ ਕਿਹਾ ਕਿ ਮੋਹਿਤ ਪੰਡਿਤ ਜੀ ਵੱਲੋਂ ਇਹ ਚੌਥੀ ਵਿਸ਼ਾਲ ਸ਼ੋਭਾ ਯਾਤਰਾ ਕੱਢੀ ਗਈ ਹੈ, ਜੋ ਲਗਾਤਾਰ ਵੱਡੇ ਪੱਧਰ ‘ਤੇ ਆਯੋਜਿਤ ਹੋ ਰਹੀ ਹੈ। ਸ਼ੋਭਾ ਯਾਤਰਾ ਚਿਕ ਬਾਜ਼ਾਰ ਤੋਂ ਸ਼ੁਰੂ ਹੋ ਕੇ ਸ਼ਹਿਰ ਦੇ ਵੱਖ-ਵੱਖ ਪ੍ਰਮੁੱਖ ਬਾਜ਼ਾਰਾਂ ਅਤੇ ਰਸਤੇਆਂ ਵਿੱਚੋਂ ਲੰਘਦੀ ਹੋਈ ਮੁੜ ਚਿਕ ਬਾਜ਼ਾਰ ਵਿੱਚ ਆ ਕੇ ਸੰਪੰਨ ਹੋਈ। ਰਸਤੇ ਵਿਚ ਜਗ੍ਹਾ-ਜਗ੍ਹਾ ਸ਼ਰਧਾਲੂਆਂ ਵੱਲੋਂ ਫੁੱਲਾਂ ਦੀ ਵਰਖਾ ਕਰਕੇ ਸ਼ੋਭਾ ਯਾਤਰਾ ਦਾ ਸਵਾਗਤ ਕੀਤਾ ਗਿਆ। ਕਈ ਥਾਵਾਂ ‘ਤੇ ਲੰਗਰ ਅਤੇ ਜਲ ਦੀ ਸੇਵਾ ਕੀਤੀ ਗਈ। ਆਸ਼ੀਸ਼ ਕਪੂਰ ਨੇ ਇਹ ਵੀ ਖਾਸ ਤੌਰ ‘ਤੇ ਦੱਸਿਆ ਕਿ ਮੋਹਿਤ ਪੰਡਿਤ ਜੀ ਵੱਲੋਂ ਇਸ ਸ਼ੋਭਾ ਯਾਤਰਾ ਦੇ ਆਯੋਜਨ ਲਈ ਕਿਸੇ ਤੋਂ ਵੀ ਧਨਰਾਸ਼ੀ ਇਕੱਤਰ ਨਹੀਂ ਕੀਤੀ ਗਈ, ਸਗੋਂ ਆਪਣੇ ਪੱਧਰ ‘ਤੇ ਹੀ ਪੂਰੇ ਆਯੋਜਨ ਨੂੰ ਸਫਲਤਾਪੂਰਵਕ ਸੰਪੰਨ ਕੀਤਾ ਗਿਆ। ਇਹ ਪਹਲ ਸਮਾਜ ਲਈ ਇੱਕ ਪ੍ਰੇਰਣਾ ਹੈ ਅਤੇ ਸੇਵਾ ਭਾਵ ਦਾ ਉੱਤਮ ਉਦਾਹਰਨ ਪੇਸ਼ ਕਰਦੀ ਹੈ। ਇਸ ਸ਼ੋਭਾ ਯਾਤਰਾ ਵਿੱਚ ਕਾਂਗਰਸ ਯੂਥ ਨੇਤਾ ਆਸ਼ੀਸ਼ ਵਰਮਾ, ਸੂਰਯਕਾਂਤ ਵਰਮਾ, ਰਾਜੇਸ਼ ਵਰਮਾ, ਪੁਨੀਤ ਚਾਵਲਾ (ਹਨੀ), ਆਸ਼ੂ ਭਾਰਦਵਾਜ, ਸਚਿਨ ਭਾਰਦਵਾਜ, ਬਿੱਟੂ ਅਰੋੜਾ, ਰਿਸ਼ਭ ਅਗਰਵਾਲ, ਕੇਸ਼ੀ ਪੰਡਿਤ, ਸ਼ੁਭੰਕਰ ਵਰਮਾ, ਰੋਹਿਤ ਗੋਯਲ, ਸੋਨੂ ਸਮੇਤ ਵੱਡੀ ਗਿਣਤੀ ਵਿੱਚ ਗਣਮਾਨਯ ਵਿਅਕਤੀ ਅਤੇ ਸ਼ਰਧਾਲੂ ਹਾਜ਼ਰ ਰਹੇ।