ਪਟਿਆਲਾ 12 ਫਰਵਰੀ ਨੂੰ ਮਨਾਏਗਾ ਰੇਡੀਓ ਕਿਸਾਨ ਦਿਵਸ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਪਟਿਆਲਾ : ਰੇਡੀਓ ਕਿਸਾਨ ਦਿਵਸ ਮਨਾਉਣ ਲਈ, ਆਕਾਸ਼ਵਾਣੀ: ਪਟਿਆਲਾ ਕੱਲ੍ਹ ਇੱਥੇ ਆਕਾਸ਼ਵਾਣੀ ਪ੍ਰੀਸਰ ਵਿਚ ਸਥਿਤ ਦੂਰਦਰਸ਼ਨ ਸਟੂਡੀਓ ਵਿਚ ਇਕ ਸੱਭਿਆਚਾਰਕ ਸਮਾਗਮ ਕਰਵਾਇਆ ਜਾ ਰਿਹਾ ਹੈ। ਇਹ ਸਮਾਗਮ ਭਾਰਤ ਸਰਕਾਰ ਦੇ ਖੇਤੀਬਾੜੀ ਤੇ ਕਿਸਾਨ ਭਲਾਈ ਮੰਤਰਾਲੇ ਦੁਆਰਾ ਸਪਾਂਸਰ ਕੀਤਾ ਜਾਣਾ ਹੈ । ਪੰਜਾਬ ਦੇ ਪੇਂਡੂ ਜੀਵਨ ਨੂੰ ਦਰਸਾਉਂਦਾ ਪੰਜਾਬੀ ਵਿਚ ਇੱਕ ਨਾਟਕ, ‘ਪਰਤ ਆਉਣ ਤੱਕ’, ਜੋ ਕਿ ਪ੍ਰਸਿੱਧ ਨਾਟਕ ਕਾਰਡਾ. ਸਤੀਸ਼ ਕੁਮਾਰ ਵਰਮਾ ਦੁਆਰਾ ਲਿਖਿਆ ਗਿਆ ਹੈ, ਮੋਹਨ ਕੰਬੋਜ ਅਤੇ ਹੋਰ ਨਾਟਕ ਕਲਾਕਾਰਾਂ ਦੁਆਰਾ ਖੇਡਿਆ ਜਾਵੇਗਾ। ਆਕਾਸ਼ਵਾਣੀ ਵੱਲੋਂ ਏ-ਗ੍ਰੇਡ ਕਲਾਕਾਰ ਸਵਰਨ ਯਮਲਾ ਦੀ ਪਾਰਟੀ ਪੰਜਾਬ ਦਾ ਲੋਕ ਸੰਗੀਤ ਪੇਸ਼ ਕਰੇਗੀ। ਪ੍ਰੋਗਰਾਮ ਦੀ ਰਿਕਾਰਡਿੰਗ ਆਕਾਸ਼ਵਾਣੀ: ਪਟਿਆਲਾ ਦੀ ਐਫ ਐਮ ਫ੍ਰੀਕੁਐਂਸੀ 100.2 ਮੈਗਾ ਹਰਟਜ਼ ਅਤੇ ਮੋਬਾਈਲ ਐਪ‘News On Air (ਨਿਊਜ਼ ਆਨ ਏਅਰ)’ ਤੇ 15 ਫਰਵਰੀ, 2026 ਨੂੰ‘ਕਿਸਾਨਵਾਣੀ’ਪ੍ਰੋਗਰਾਮ ਦੌਰਾਨ ਪ੍ਰਸਾਰਿਤ ਕੀਤੀ ਜਾਵੇਗੀ। ਇਸ ਸਮਾਗਮ ਵਿਚ ਲਗਭਗ ਸੱਤਰ ਪ੍ਰਗਤੀਸ਼ੀਲ ਕਿਸਾਨ, ਖੇਤੀਬਾੜੀ ਅਧਿਕਾਰੀ ਅਤੇ ਕ੍ਰਿਸ਼ੀਵਿਗਿਆਨ ਕੇਂਦਰਾਂ, ਖੇਤੀਬਾੜੀ ਅਤੇ ਪਸ਼ੂ ਪਾਲਣ ਵਿਭਾਗਾਂ ਦੇ ਮਾਹਿਰਾਂ ਦੇ ਸ਼ਾਮਲ ਹੋਣ ਦੀ ਉਮੀਦ ਹੈ। ਰੇਡੀਓ ਕਿਸਾਨ ਦਿਵਸ ਹਰ ਸਾਲ 15 ਫਰਵਰੀ ਨੂੰ ਜਾਂ ਇਸਦੇ ਆਸ-ਪਾਸ ਪੂਰੇ ਭਾਰਤ ਵਿਚ ਮਨਾਇਆ ਜਾਂਦਾ ਹੈ ਤਾਂ ਜੋ ਆਕਾਸ਼ਵਾਣੀ ਅਤੇ ਕਿਸਾਨ ਭਾਈਚਾਰੇ ਵਿਚਕਾਰ ਸਬੰਧ ਬਣਾਇਆ ਜਾ ਸਕੇ।