ਵਿਦਿਆਰਥੀਆਂ ਨੂੰ ਕੇਕ ਬਣਾਉਣ ਦੀ ਕਲਾ ਸਿਖਾਈ

ਪ੍ਰਦੀਪ ਭਨੋਟ, ਪੰਜਾਬੀ ਜਾਗਰਣ, ਨਵਾਂਸ਼ਹਿਰ ਕੇਸੀ ਹੋਟਲ ਮੈਨੇਜਮੈਂਟ ਦੇ ਵਿਦਿਆਰਥੀਆਂ ਨੇ ਦਸੰਬਰ ਵਿਚ ਕ੍ਰਿਸਮਸ ਦੇ ਤਿਓਹਾਰ ਨੂੰ ਮਨਾਉਂਦੇ ਹੋਏ ਕੇਕ ਬਣਾਉਣਾ ਸਿੱਖਿਆ। ਉਨ੍ਹਾਂ ਕੇਕਾਂ ਨੂੰ ਸੇਲ ਦੇ ਨਾਲ ਵਿਦਿਆਰਥੀਆਂ ਨੂੰ ਵਿਕਰੀ ਅਤੇ ਮਾਰਕੀਟਿੰਗ ਦੀ ਕਲਾ ਵੀ ਸਿਖਾਈ ਹੈ। ਪ੍ਰੋਗਰਾਮ ਕੋਆਰਡੀਨੇਟਰ ਸਹਾਇਕ ਪ੍ਰੋ. ਮਨਪ੍ਰੀਤ ਕੌਰ ਅਤੇ ਸਹਾਇਕ ਪ੍ਰੋ. ਅਭਿਸ਼ੇਕ ਠਾਕੁਰ ਨੇ ਦੱਸਿਆ ਕਿ ਕੇਕ ਮਿਸ਼ਰਣ ਨੂੰ ਕੁਝ ਸਮੇਂ ਲਈ ਇੱਕ ਜਾਰ ਵਿਚ ਸੀਲ ਕਰਕੇ ਰੱਖਿਆ ਗਿਆ ਸੀ। ਉਸੇ ਕੇਕ ਮਿਸ਼ਰਣ ਜੋ ਲਗਭਗ 20 ਕਿਲੋਗ੍ਰਾਮ ਸੀ ਦੀ ਵਰਤੋਂ ਕਰਕੇ ਵੱਖੋ-ਵੱਖ ਕੇਕ ਤਿਆਰ ਕੀਤੇ। ਜਿਸ ਵਿਚ ਰੰਗੀਨ ਚੈਰੀ, ਖਜੂਰ, ਖੁਰਮਾਨੀ, ਕਰੌਦਾ, ਸੌਗੀ, ਵੱਖੋ-ਵੱਖ ਸੁੱਕੇ ਮੇਵੇ, ਬੇਰੀਆਂ, ਅੰਜੀਰ, ਗਲੇਸ ਚੈਰੀ, ਬਦਾਮ ਦੇ ਫਲੇਕਸ, ਅਖਰੋਟ, ਬਦਾਮ, ਕਾਜੂ, ਭਾਰਤੀ ਅਤੇ ਵਿਦੇਸ਼ੀ ਵਾਈਨ, ਰਮ, ਵੋਡਕਾ, ਬੀਅਰ, ਵਿਸਕੀ, ਫਲਾਂ ਦੇ ਜੂਸ ਅਤੇ ਹੋਰ ਬਹੁਤ ਕੁਝ ਸ਼ਾਮਲ ਕਰਕੇ ਕੇਕ ਬਣਾਏ ਹਨ। ਵਿਦਿਆਰਥੀਆਂ ਅਤੇ ਸ਼ੈਫਾਂ ਨੇ ਲਾਭ ਕਮਾਉਣ ਲਈ ਪਲਮ ਕੇਕ ਤਿਆਰ ਕੀਤੇ, ਉਨ੍ਹਾਂ ਨੂੰ 200 ਅਤੇ 500 ਗ੍ਰਾਮ ਦੇ ਪੈਕੇਟਾਂ ਵਿਚ ਕ੍ਰਮਵਾਰ 75 ਅਤੇ 200 ਵਿਚ ਇਕ ਕੇਕ ਵੇਚਿਆ। ਪ੍ਰਿੰ. ਡਾ. ਬਲਜੀਤ ਕੌਰ ਨੇ ਸਮਝਾਇਆ ਕਿ ਹਰੇਕ ਵਿਦਿਆਰਥੀ ਨੂੰ ਕੇਕ ਬਣਾਉਣ ਦੀ ਕਲਾ ਅਤੇ ਉਨ੍ਹਾਂ ਨੂੰ ਵੇਚਣ ਦਾ ਹੁਨਰ ਸਿਖਾਉਣਾ ਬਹੁਤ ਜ਼ਰੂਰੀ ਹੈ। ਜੇਕਰ ਉਨ੍ਹਾਂ ਦੇ ਵਿਦਿਆਰਥੀ ਭਾਰਤੀ ਜਾਂ ਵਿਦੇਸ਼ੀ ਹੋਟਲਾਂ ਵਿਚ ਨੌਕਰੀ ਕਰਦੇ ਹਨ ਜਾਂ ਆਪਣੀਆਂ ਬੇਕਰੀ ਖੋਲ੍ਹਦੇ ਹਨ, ਤਾਂ ਕੇਕ ਕਿਵੇਂ ਬਣਾਉਣਾ ਹੈ ਅਤੇ ਵੇਚਣਾ ਹੈ, ਇਹ ਜਾਣਨਾ ਇੱਕ ਉੱਜਵਲ ਭਵਿੱਖ ਲਈ ਬਹੁਤ ਜ਼ਰੂਰੀ ਹੈ।।ਉਨ੍ਹਾਂ ਕਿਹਾ ਅੱਜ ਹਰ ਖੁਸ਼ੀ ਦਾ ਪਲ ਕੇਕ ਨਾਲ ਸਾਂਝਾ ਕੀਤਾ ਜਾਂਦਾ ਹੈ। ਇਸ ਮੌਕੇ ਕੈਂਪਸ ਡਾਇਰੈਕਟਰ ਡਾ. ਅਵਤਾਰ ਚੰਦ ਰਾਣਾ, ਸ਼ੈੱਫ ਵਿਕਾਸ ਕੁਮਾਰ, ਇੰਜ. ਆਰਕੇ ਮੂੰਮ, ਤਨੀਸ਼ਾ, ਮਨਦੀਪ ਅਤੇ ਹੋਰ ਸਟਾਫ ਮੈਂਬਰ ਵੀ ਮੌਜੂਦ ਸਨ।