ਪਿੰਡ ਰਸੂਲਪੁਰ ’ਚ ਇੰਟਰਲਾਕ ਲਾਉਣ ਦਾ ਕੰਮ ਸ਼ੁਰੂ

ਤਾਰੀ ਲੋਧੀਪੁਰੀਆ, ਪੰਜਾਬੀ ਜਾਗਰਣ, ਔੜ ਪਿੰਡ ਰਸੂਲਪੁਰ ਵਿਖੇ ਸਰਕਾਰ ਵੱਲੋਂ ਵਿਕਾਸ ਕਾਰਜਾਂ ਦੀ ਲੜੀ ਨੂੰ ਵਧਾਉਂਦੇ ਪਿੰਡ ਦੀਆਂ ਸੜਕਾਂ ਤੇ ਇੰਟਰਲਾਕ ਲਗਾ ਕੇ ਪੱਕਾ ਕੀਤਾ ਹੈ ਤੇ ਹੁਣ ਆਖਰੀ ਸੜ੍ਹਕ ਤੇ ਇੰਟਰਲਾਕ ਦਾ ਕੰਮ ਸ਼ੁਰੂ ਕੀਤਾ ਹੈ। ਇਹ ਪ੍ਰਗਟਾਵਾ ਪਿੰਡ ਰਸੂਲਪੁਰ ਦੇ ਸਰਪੰਚ ਦਲਜੀਤ ਸਿੰਘ ਸਾਧੜਾ ਬਲਾਕ ਪ੍ਰਧਾਨ ਆਪ ਨੇ ਕੀਤਾ।।ਸੜਕ ਤੇ ਇੰਟਰਲਾਕ ਦਾ ਕੰਮ ਹਲਕਾ ਨਵਾਂਸ਼ਹਿਰ ਦੇ ਹਲਕਾ ਇੰਚਾਰਜ ਲਲਿਤ ਮੋਹਨ ਪਾਠਕ ਵੱਲੋਂ ਸ਼ੁਰੂ ਕਰਵਾਇਆ। ਸਰਪੰਚ ਨੇ ਕਿਹਾ ਕਿ ਪਿੰਡ ਦੀਆਂ ਹੋਰ ਸਾਰੀਆਂ ਸੜਕਾਂ ਤੇ ਇੰਟਰਲਾਕ ਦਾ ਕੰਮ ਪੂਰਾ ਹੋ ਚੁੱਕਾ ਹੈ। ਸਿਰਫ ਇੱਕ ਸੜਕ ਰਹਿ ਗਈ ਸੀ ਅਤੇ ਹੁਣ ਉਹ ਵੀ ਛੇਤੀ ਬਣ ਕੇ ਤਿਆਰ ਹੋ ਜਾਵੇਗੀ। ਉਨਾਂ ਆਮ ਆਦਮੀ ਪਾਰਟੀ ਦੇ ਸਮੂਹ ਮੈਂਬਰਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਦੀਪਕ ਅਗਨੀਹੋਤਰੀ ਮਾਰਕੀਟ ਕਮੇਟੀ ਚੈਅਰਮੈਨ ਨਵਾਂਸ਼ਹਿਰ, ਨਿਸ਼ਾਨਵੀਰ ਸਰਪੰਚ ਭੀਣ ਤੇ ਪਿੰਡ ਵਾਸੀ ਹਾਜ਼ਰ ਸਨ।