ਰਵਨੀਤ ਬਿੱਟੂ ਨੇ ਘੇਰੀ ਸਰਕਾਰ, ਕਿਹਾ- ਮੁਲਾਜ਼ਮਾਂ ਨੂੰ DA ਦੇਣ ਦੇ ਲਾਲੇ, ਹਜ਼ਾਰ ਰੁਪਏ ਦੇਣ ਦੇ ਦਾਅਵੇ ਕਿਵੇਂ ਹੋਣਗੇ ਪੂਰੇ?

ਬਿੱਟੂ ਨੇ ਕਿਹਾ ਕਿ ਭਾਜਪਾ ਦੀ ਸਰਕਾਰ ਜਿਹੜੇ ਵੀ ਸੂਬਾ ਵਿਚ ਬਣੀ ਹੈ, ਭਾਵੇਂ ਉਹ, ਗੁਜਰਾਤ, ਰਾਜਸਥਾਨ, ਹਰਿਆਣਾ, ਉੜੀਸਾ ਹੀ ਕਿਉਂ ਨਾ ਹੋਵੇ ਜਿੱਥੇ ਵੀ ਦੋਬਾਰਾ ਭਾਜਪਾ ਦੀ ਸਰਕਾਰ ਬਣੀ ਹੈ ਤਾਂ ਉਥੋਂ ਸਰਕਾਰ ਕਦੇ ਕਿਤੇ ਨਹੀਂ ਗਈ। ਉਨ੍ਹਾਂ ਆਮ ਆਦਮੀ ਪਾਰਟੀ ਦੀ ਸਰਕਾਰ ’ਤੇ ਤਨਜ਼ ਕੱਸਦੇ ਹੋਏ ਕਿਹਾ ਕਿ ਕੇਜਰੀਵਾਲ ਕਹਿੰਦੇ ਸਨ ਕਿ ਅਸੀਂ ਜਾਣਦੇ ਹਾਂ ਕਿ ਬਦਲਾਅ ਕੀ ਹੁੰਦਾ ਹੈ। ਆਮ ਆਦਮੀ ਪਾਰਟੀ ਵੱਲੋਂ ਪੰਜਾਬ ਦੀਆਂ ਔਰਤਾਂ ਨੂੰ ਇਕ ਇਕ ਹਜ਼ਾਰ ਰੁਪਏ ਦੇਣ ਦੇ ਕੀਤੇ ਗਏ ਐਲਾਨ ਨੂੰ ਲੈ ਕੇ ਬਿੱਟੂ ਨੇ ਭਗਵੰਤ ਮਾਨ ’ਤੇ ਨਿਸ਼ਾਨਾ ਸਾਧਦੇ ਕਿਹਾ ਕਿ ਜਿਹੜਾ ਮੁਲਾਜ਼ਮਾਂ ਨੂੰ ਡੀਏ ਦੀ ਕਿਸ਼ਤ ਨਹੀਂ ਦੇ ਸਕੇ, ਉਹ ਇਕ ਹਜ਼ਾਰ ਕੀ ਦੇਣਗੇ ਅਤੇ ਗੱਲਾਂ 10 ਲੱਖ ਰੁਪਏ ਅਤੇ 1000-1000 ਰੁਪਏ ਦੇਣ ਦੀਆਂ ਕਰਦੇ ਹਨ। ਰਵਨੀਤ ਬਿੱਟੂ ਨੇ ਕਿਹਾ ਕਿ ਜਿੰਨੇ ਵੀ ਸਾਡੇ ਮੁਲਾਜ਼ਮ ਰਿਟਾਇਰਡ ਹੋਏ ਹਨ, ਉਨ੍ਹਾਂ ਵਿਚੋਂ ਡੀਏ ਨਾ ਮਿਲਣ ਕਰ ਕੇ ਬਿਨ੍ਹਾਂ ਇਲਾਜ ਦੇ 15 ਹਜ਼ਾਰ ਮੁਲਾਜ਼ਮ ਮਰੇ ਹਨ।