ਸੈਕਰਡ ਹਾਰਟ ਸਕੂਲ ’ਚ ਸਟੈਮ ਵਰਕਸ਼ਾਪ ਲਾਈ

ਮਨਪ੍ਰੀਤ ਸਿੰਘ ਮੱਲੇਆਣਾ, ਪੰਜਾਬੀ ਜਾਗਰਣ, ਮੋਗਾ : ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸੈਕੰਡਰੀ ਆਸ਼ੀਸ਼ ਕੁਮਾਰ ਸ਼ਰਮਾ ਅਤੇ ਉੱਪ ਜ਼ਿਲ੍ਹਾ ਅਫ਼ਸਰ ਸੈਕੰਡਰੀ ਗੁਰਦਿਆਲ ਸਿੰਘ ਮਠਾੜੂ ਦੀ ਯੋਗ ਅਗਵਾਈ ਹੇਠ ਸੀਐੱਸਆਈਆਰ ਮਨਿਸਟਰੀ ਆਫ਼ ਸਾਇੰਸ ਐਂਡ ਟੈਕਨਾਲੌਜੀ, ਭਾਰਤ ਸਰਕਾਰ ਵੱਲੋਂ ਇਕ ਰੋਜ਼ਾ ਸਟੈਮ ਵਰਕਸ਼ਾਪ ਸੈਕਰਡ ਹਾਰਟ ਸਕੂਲ ਮੋਗਾ ਵਿਖੇ ਸਫ਼ਲਤਾਪੂਰਵਕ ਕਰਵਾਈ ਗਈ, ਜਿਸਦਾ ਉਦੇਸ਼ ਵਿਦਿਆਰਥੀਆਂ ਵਿਚ ਵਿਗਿਆਨਕ ਸੋਚ, ਨਵੀਨਤਾ ਅਤੇ ਅਨੁਭਵੀ ਸਿੱਖਿਆ ਨੂੰ ਉਤਸ਼ਾਹਿਤ ਕਰਨਾ ਸੀ। ਵਰਕਸ਼ਾਪ ਵਿਚ ਪ੍ਰਮੁੱਖ ਵਿਸ਼ਾ ਮਾਹਿਰ ਫੋਰਨ ਚੰਦ ਸਟੇਟ ਐਵਾਰਡੀ, ਅਜੈ ਸ਼ਰਮਾ ਪ੍ਰੋਜੈਕਟ ਐਸੋਸੀਏਟ ਸਾਇੰਟਿਸਟ, ਸੀਐੱਸਆਈਆਰ ਨਵੀਂ ਦਿੱਲੀ, ਡਾ. ਪੁਸ਼ਪਾਂਜਲੀ ਤ੍ਰਿਪਾਠੀ ਪ੍ਰਿੰਸੀਪਲ ਸਾਇੰਟਿਸਟ, ਸੀਐੱਸਆਈਆਰ ਨਵੀਂ ਦਿੱਲੀ ਸ਼ਾਮਿਲ ਸਨ। ਮਾਹਿਰਾਂ ਨੇ ਬਹੁਤ ਵਧੀਆ ਸੈਸ਼ਨ ਦੌਰਾਨ ਬਾਲ ਵਿਗਿਆਨੀਆਂ ਨੂੰ ਹੱਥੀਂ ਗਤੀਵਿਧੀਆਂ ਕਰਵਾਈਆਂ ਜਿਸ ਵਿਚ ਵਿਦਿਆਰਥੀਆਂ ਨੇ ਬਹੁਤ ਰੁਚੀ ਦਿਖਾਈ।ਇਹ ਪ੍ਰੋਗਰਾਮ ਰੁਪਿੰਦਰਜੀਤ ਕੌਰ ਦੁਆਰਾ ਕੁਸ਼ਲਤਾ ਨਾਲ ਆਯੋਜਿਤ ਕੀਤਾ ਗਿਆ ਸੀ ਅਤੇ ਐਂਕਰ ਵਜੋਂ ਪ੍ਰੋਗਰਾਮ ਦਾ ਸੰਚਾਲਨ ਕੀਤਾ। ਗੁਰਦਿਆਲ ਸਿੰਘ ਡਿਪਟੀ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸੈਕੰਡਰੀ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਉਨ੍ਹਾਂ ਸੀਐੱਸਆਈਆਰ ਨਵੀਂ ਦਿੱਲੀ ਤੋਂ ਆਈ ਟੀਮ ਦਾ ਇਸ ਵਰਕਸ਼ਾਪ ਵਿਚ ਜ਼ਿਲ੍ਹਾ ਮੋਗਾ ਦੇ ਬਾਲ ਵਿਗਿਆਨੀਆਂ ਅਤੇ ਗਾਈਡ ਅਧਿਆਪਕਾਂ ਨੂੰ ਵਿਗਿਆਨ ਵਿਸ਼ੇ ਵਿਚ ਰੁਚੀ ਪੈਦਾ ਕਰਨ ਲਈ ਆਭਾਰ ਪ੍ਰਗਟ ਕੀਤਾ। ਇਹ ਰਾਸ਼ਟਰੀ ਪੱਧਰ ਦੀ ਹੈਂਡਜ਼ ਆਨ ਸਾਇੰਸ ਦੀ ਵਰਕਸ਼ਾਪ ਜ਼ਿਲ੍ਹਾ ਮੋਗਾ ਵਿਚ ਪਹਿਲੀ ਵਾਰ ਆਯੋਜਿਤ ਹੋਈ ਹੈ ਜਿਸ ਦਾ ਸਿਹਰਾ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸੈਕੰਡਰੀ ਆਸ਼ੀਸ਼ ਕੁਮਾਰ ਸ਼ਰਮਾ ਅਤੇ ਉੱਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸੈਕੰਡਰੀ ਗੁਰਦਿਆਲ ਸਿੰਘ ਨੂੰ ਜਾਂਦਾ ਹੈ। ਇਸ ਮੌਕੇ ਤੇ ਮੌਜੂਦ ਵਿਸ਼ੇਸ਼ ਮਹਿਮਾਨਾਂ ਵਿਚ ਵਿਜੇ ਜੇਬਾ ਕੁਮਾਰ ਪ੍ਰਿੰਸੀਪਲ ਸੈਕਰਡ ਹਾਰਟ ਸਕੂਲ ਮੋਗਾ, ਡੀਆਰਸੀ ਮੋਗਾ ਨਵਦੀਪ ਸਿੰਘ ਬਾਜਵਾ ਸ਼ਾਮਿਲ ਸਨ। ਅਵਤਾਰ ਸਿੰਘ ਸੈਕਰਡ ਹਾਰਟ ਸਕੂਲ ਮੋਗਾ ਨੇ ਸਾਰੇ ਪ੍ਰਬੰਧਾਂ ਦਾ ਪ੍ਰਬੰਧਨ ਬਹੁਤ ਕੁਸ਼ਲਤਾ ਨਾਲ ਕੀਤਾ। ਵਰਕਸ਼ਾਪ ਵਿਚ ਕੁੱਲ 250 ਵਿਦਿਆਰਥੀਆਂ ਨੇ ਭਾਗ ਲਿਆ। ਵਿਦਿਆਰਥੀਆਂ ਨੂੰ ਵਿਹਾਰਕ ਸਿੱਖਿਆ ਨੂੰ ਉਤਸ਼ਾਹਿਤ ਕਰਨ ਲਈ ਸਟੈਮ ਕਿੱਟਾਂ ਵੰਡੀਆਂ। ਵਰਕਸ਼ਾਪ ਸਫਲਤਾਪੂਰਵਕ ਸਮਾਪਤ ਹੋਈ ਜਿਸ ਨਾਲ ਵਿਦਿਆਰਥੀਆਂ ਨੂੰ ਵਿਗਿਆਨ, ਤਕਨਾਲੌਜੀ, ਇੰਜੀਨੀਅਰਿੰਗ ਅਤੇ ਗਣਿਤ ਨੂੰ ਉਤਸੁਕਤਾ ਅਤੇ ਆਤਮ ਵਿਸ਼ਵਾਸ ਨਾਲ ਖੋਜਣ ਲਈ ਪ੍ਰੇਰਿਤ ਕੀਤਾ ਗਿਆ। ਇਸ ਮੌਕੇ ਦੀਪਕ ਸ਼ਰਮਾ ਲੈਕਚਰਾਰ, ਕਿਰਨ ਸ਼ਰਮਾ ਲੈਕਚਰਾਰ, ਜਸਵਿੰਦਰ ਕੌਰ, ਮਨਜੀਤ ਕੌਰ, ਅਮਨਦੀਪ ਕੌਰ, ਹਰਜੀਤ ਕੌਰ, ਗੀਤੂ ਸੂਦ, ਨਵਪ੍ਰੀਤ ਕੌਰ, ਸਾਕਸ਼ੀ ਸੂਦ, ਬਬੀਤਾ, ਗੁਰਮੀਤ ਕੌਰ, ਸਾਹਿਲ ਮਿੱਤਲ, ਸ਼ਿਪਰਾ ਬਜਾਜ ਰੇਨੂੰ ਅਰੋੜਾ, ਸਨੇਹਾ ਅਤੇ ਨਿਧੀ ਸਮੇਤ ਵੱਖਵੱਖ ਸਕੂਲਾਂ ਦੇ ਬਾਲ ਵਿਗਿਆਨੀਆਂ ਸ਼ਾਮਿਲ ਸਨ।