ਰਾਹਗੀਰਾਂ ਨੂੰ ਚਾਹ ਪਿਆਉਣਾ ਪੁੰਨ ਦਾ ਕਾਰਜ : ਸੋਨੂੰ ਅਰੋੜਾ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਮੋਗਾ : ਧਰਮ ਰਕਸ਼ਾ ਸੇਵਾ ਮੰਚ ਐੱਨਜੀਓ ਜੋ ਸਰਦੀਆਂ ਦੇ ਮੌਸਮ ਦੌਰਾਨ ਪਿਛਲੇ ਤਿੰਨ ਮਹੀਨਿਆਂ ਤੋਂ ਰਾਹਗੀਰਾਂ ਨੂੰ ਚਾਹ ਮੁਹੱਈਆ ਕਰਵਾ ਰਿਹਾ ਸੀ, ਨੂੰ ਰੋਕ ਦਿੱਤਾ ਗਿਆ। ਸਰਪ੍ਰਸਤ ਰਾਜਿੰਦਰ ਵਧਵਾ, ਜਸਵੰਤ ਰਾਏ ਆਨੰਦ, ਚੇਅਰਮੈਨ ਸੁਰਿੰਦਰ ਸ਼ਰਮਾ ਗੁੱਲੂ ਅਤੇ ਜ਼ਿਲ੍ਹਾ ਪ੍ਰਧਾਨ ਦੀਪਕ ਬੇਦੀ ਨੇ ਦੱਸਿਆ ਕਿ ਧਰਮ ਰਕਸ਼ਾ ਸੇਵਾ ਮੰਚ ਐੱਨਜੀਓ, ਜੋ ਕਿ ਮਨੁੱਖਤਾ ਦੀ ਸੇਵਾ ਲਈ ਸਮਰਪਿਤ ਹੈ, ਹਰ ਸਾਲ ਚਾਹ ਸੇਵਾ ਦਾ ਆਯੋਜਨ ਕਰਦਾ ਹੈ। ਪ੍ਰਧਾਨ ਸੋਨੂੰ ਅਰੋੜਾ ਅਤੇ ਸਕੱਤਰ ਨਾਨਕ ਚੋਪੜਾ ਨੇ ਦੱਸਿਆ ਕਿ ਪਿਛਲੇ ਤਿੰਨ ਮਹੀਨਿਆਂ ਤੋਂ ਸੰਗਠਨ ਸਿਵਲ ਹਸਪਤਾਲ, ਸਬਜ਼ੀ ਮੰਡੀ ਅਤੇ ਰੇਲਵੇ ਅੰਡਰਬ੍ਰਿਜ਼ ਸਮੇਤ ਜਨਤਕ ਥਾਵਾਂ ’ਤੇ ਜਾ ਕੇ ਪ੍ਰਵਾਸੀ ਮਜ਼ਦੂਰਾਂ ਅਤੇ ਰਾਹਗੀਰਾਂ ਨੂੰ ਚਾਹ, ਜੂਸ ਅਤੇ ਬਿਸਕੁਟ ਪ੍ਰਦਾਨ ਕਰ ਰਿਹਾ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਕਠੋਰ ਸਰਦੀਆਂ ਦੌਰਾਨ ਵੀ ਸੰਗਠਨ ਦੇ ਮੈਂਬਰਾਂ ਨੇ ਇਹ ਚਾਹ ਸੇਵਾ ਹਰ ਸਵੇਰੇ 6 ਵਜੇ ਸ਼ੁਰੂ ਕੀਤੀ ਅਤੇ ਸਵੇਰੇ 10 ਵਜੇ ਤੱਕ ਜਾਰੀ ਰਹੀ। ਸੈਂਕੜੇ ਲੋਕਾਂ ਨੂੰ ਰੋਜ਼ਾਨਾ ਚਾਹ, ਜੂਸ ਅਤੇ ਬਿਸਕੁਟ ਪਰੋਸੇ ਜਾਂਦੇ ਸਨ। ਉਨ੍ਹਾਂ ਕਿਹਾ ਕਿ ਸੰਸਥਾ ਜਲਦੀ ਹੀ ਸਿਵਲ ਹਸਪਤਾਲ ਵਿਚ ਮਰੀਜ਼ਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ ਇਕ ਮੁਫ਼ਤ ਮੋਬਾਈਲ ਫੂਡ ਵੈਨ ਸ਼ੁਰੂ ਕਰਨ ਜਾ ਰਹੀ ਹੈ। ਜਿਸ ਰਾਹੀਂ ਮਰੀਜ਼ਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ ਮੁਫ਼ਤ ਭੋਜਨ ਦਾ ਪ੍ਰਬੰਧ ਵੀ ਕੀਤਾ ਜਾਵੇਗਾ। ਇਸ ਮੌਕੇ ਸਰਪ੍ਰਸਤ ਰਜਿੰਦਰ ਵਧਵਾ, ਜਸਵੰਤ ਰਾਏ ਆਨੰਦ, ਸੁਰੇਂਦਰ ਸ਼ਰਮਾ, ਜ਼ਿਲ੍ਹਾ ਪ੍ਰਧਾਨ ਦੀਪਕ ਬੇਦੀ, ਵਾਈਸ ਚੇਅਰਮੈਨ ਸੰਨੀ, ਸੰਦੀਪ ਛਾਬੜਾ, ਕਾਨੂੰਨੀ ਸਲਾਹਕਾਰ ਵਰਧਨ ਗਰਗ ਐਡਵੋਕੇਟ, ਜਨਰਲ ਸਕੱਤਰ ਨਾਨਕ ਚੋਪੜਾ, ਡੇਵਿਡ ਖੰਨਾ, ਸੋਮਨਾਥ ਸ਼ਰਮਾ, ਪੁਰਸ਼ੋਤਮ ਸ਼ਰਮਾ, ਸਤੀਸ਼ ਗਰੋਵਰ, ਦੀਪਕ ਸ਼ਰਮਾ ਆਦਿ ਮੌਜੂਦ ਸਨ।