ਭਾਜਪਾ ਦਫ਼ਤਰ ਵਿਖੇ ਰਾਸ਼ਟਰੀ ਝੰਡਾ ਲਹਿਰਾਇਆ

ਵਕੀਲ ਮਹਿਰੋਂ ਪੰਜਾਬੀ ਜਾਗਰਣ, ਮੋਗਾ: ਗਣਤੰਤਰ ਦਿਵਸ ਬਾਬਾ ਸਾਹਿਬ ਡਾ. ਭੀਮ ਰਾਓ ਅੰਬੇਡਕਰ ਦੁਆਰਾ ਸਾਡੇ ਸੰਵਿਧਾਨ ਵਿਚ ਦਰਸਾਏ ਗਏ ਅਨਮੋਲ ਸਿਧਾਂਤਾਂ ਨੂੰ ਯਾਦ ਕਰਨ ਦਾ ਦਿਨ ਹੈ। ਧਰਮ ਨਿਰਪੱਖਤਾ ਇਸ ਦਾ ਕੇਂਦਰ ਹੈ। ਭਾਰਤ ਦੇ ਸਾਰੇ ਨਾਗਰਿਕਾਂ ਨੂੰ ਸਾਰੇ ਧਰਮਾਂ ਦਾ ਸਤਿਕਾਰ ਕਰਨਾ ਚਾਹੀਦਾ ਹੈ। ਇਹ ਦਿਨ ਸਾਡੀਆਂ ਸਰਹੱਦਾਂ ਤੇ ਤਾਇਨਾਤ ਸੁਰੱਖਿਆ ਬਲਾਂ ਨੂੰ ਯਾਦ ਕਰਨ ਅਤੇ ਉਨ੍ਹਾਂ ਦੀ ਸ਼ਹਾਦਤ ਨੂੰ ਸ਼ਰਧਾਂਜ਼ਲੀ ਦੇਣ ਦਾ ਵੀ ਦਿਨ ਹੈ। ਉਨ੍ਹਾਂ ਦੀ ਮੂਹਰਲੀਆਂ ਲੀਹਾਂ ਤੇ ਦਿਨ-ਰਾਤ ਚੌਕਸੀ ਹੀ ਦੇਸ਼ ਦੀ ਏਕਤਾ ਨੂੰ ਬਰਕਰਾਰ ਰੱਖਦੀ ਹੈ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਭਾਜਪਾ ਦੇ ਸਾਬਕਾ ਜ਼ਿਲ੍ਹਾ ਪ੍ਰਧਾਨ ਡਾ: ਸੀਮਾਂਤ ਗਰਗ ਨੇ ਮੋਗਾ ਦੇ ਪੁਰਾਣੀ ਦਾਣਾ ਮੰਡੀ ਇਲਾਕੇ ਵਿਚ ਭਾਜਪਾ ਦਫ਼ਤਰ ਵਿਖੇ 77ਵੇਂ ਗਣਤੰਤਰ ਦਿਵਸ ਤੇ ਰਾਸ਼ਟਰੀ ਝੰਡਾ ਲਹਿਰਾਉਣ ਦੇ ਮੌਕੇ ਤੇ ਕੀਤਾ। ਉਨ੍ਹਾਂ ਕਿਹਾ ਕਿ ਇਸ ਸਾਲ ਦੀ ਗਣਤੰਤਰ ਦਿਵਸ ਪਰੇਡ ਵਿਚ ਮਹਿਲਾ ਸੈਨਿਕਾਂ ਦੀ ਬਹਾਦਰੀ ਦਾ ਪ੍ਰਦਰਸ਼ਨ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਗਣਤੰਤਰ ਦਿਵਸ ਪਰੇਡ ਵਿਚ ਭਾਰਤ ਦੀਆਂ ਧੀਆਂ ਦੁਆਰਾ ਦਿਖਾਈ ਗਈ ਪ੍ਰਤਿਭਾ ਇਕ ਵਿਸ਼ਵਵਿਆਪੀ ਉਦਾਹਰਣ ਹੈ। ਕੇਂਦਰੀ ਹਥਿਆਰਬੰਦ ਪੁਲਿਸ ਬਲਾਂ, ਜਲ ਸੈਨਾ, ਹਵਾਈ ਸੈਨਾ ਅਤੇ ਹਥਿਆਰਬੰਦ ਸੈਨਾਵਾਂ ਮੈਡੀਕਲ ਸੇਵਾਵਾਂ ਵਿਚ ਉੱਚੀ ਉਡਾਣ ਭਰ ਕੇ, ਉਨ੍ਹਾਂ ਨੇ ਸਾਬਤ ਕੀਤਾ ਹੈ ਕਿ ਔਰਤਾਂ ਕਿਸੇ ਤੋਂ ਘੱਟ ਨਹੀਂ ਹਨ। ਉਨ੍ਹਾਂ ਕਿਹਾ ਕਿ ਗਣਤੰਤਰ ਦਿਵਸ ਸਾਡੇ ਲਈ ਇਕ ਇਤਿਹਾਸਕ ਅਤੇ ਮਾਣ ਵਾਲਾ ਪਲ ਹੈ। ਇਸ ਮੌਕੇ ਜਨਰਲ ਸਕੱਤਰ ਵਿੱਕੀ ਸਿਤਾਰਾ, ਜਨਰਲ ਸਕੱਤਰ ਰਾਹੁਲ ਗਰਗ, ਰਾਕੇਸ਼ ਭੱਲਾ, ਜ਼ਿਲ੍ਹਾ ਮੀਤ ਪ੍ਰਧਾਨ ਸੋਨੀ ਮੰਗਲਾ, ਸੁਮਨ ਮਲਹੋਤਰਾ, ਭੁਪਿੰਦਰ ਹੈਪੀ, ਸ਼ਸ਼ੀਕਾਂਤ, ਉਮਾਕਾਂਤ, ਗੀਤਾ ਆਰੀਆ, ਮੰਡਲ ਪ੍ਰਧਾਨ ਅਮਿਤ ਗੁਪਤਾ, ਹੇਮੰਤ ਸੂਦ, ਜਤਿੰਦਰ ਚੱਢਾ, ਰਾਜਿੰਦਰ ਗਾਬਾ, ਕੈਸ਼ੀਅਰ ਸਨੇਹ ਗਰਗ, ਸੀਆਈਟੀਖੇਮੇਵਾਲ, ਸੀਆਈਟੀ ਇੰਚਾਰਜ ਮੁਕੇਸ਼ ਸ਼ਰਮਾ, ਸੁਖਵਿੰਦਰ ਸੁੱਖੀ, ਸੁੱਖਾ ਸਿੰਘ, ਕਸ਼ਿਸ਼ ਧਮੀਜਾ, ਸੁਕੇਸ਼ ਸੂਦ, ਤਰਸੇਮ ਜੰਡ, ਵਿਜੇ ਮਿਸ਼ਰਾ, ਸੁਮਨ ਮਲਹੋਤਰਾ, ਗੋਲਡੀ ਕੌਰ, ਗੁਰਚਰਨ ਸਿੱਧੂ, ਨਿਰੰਜਨ ਸਿੰਘ, ਮਿੰਟੂ ਕੁਮਾਰ, ਕਮਲ ਘਾਰੂ, ਡਿੰਪੀ ਸੂਦ, ਅਸ਼ੀਸ਼ ਸਿੰਗਲਾ, ਸੁਧੀਰ ਮਿੱਤਲ, ਸੰਜੀਵ ਸਿੰਘ, ਸੰਜੇਵਾਲ ਅਤੇ ਸੰਜੇ ਸਿੰਘ ਆਦਿ ਹਾਜ਼ਰ ਸਨ। ਉਨ੍ਹਾਂ ਨੇ ਇਲਾਕੇ ਦੇ ਵਸਨੀਕਾਂ ਨੂੰ ਗਣਤੰਤਰ ਦਿਵਸ ਦੀ ਵਧਾਈ ਦਿੱਤੀ। ਇਸ ਮੌਕੇ ਲੱਡੂ ਵੀ ਵੰਡੇ ਗਏ।