ਜੈ ਸ਼੍ਰੀ ਸ਼ਿਆਮ ਸੇਵਾ ਪਰਿਵਾਰ ਦਾ ਦੋ ਰੋਜ਼ਾ ਤਿਉਹਾਰ ਸ਼ੁਰੂ

ਸਵਰਨ ਗੁਲਾਟੀ ਪੰਜਾਬੀ ਜਾਗਰਣ, ਮੋਗਾ: ਜੈ ਸ਼੍ਰੀ ਸ਼ਿਆਮ ਸੇਵਾ ਪਰਿਵਾਰ ਵੱਲੋਂ 28 ਫਰਵਰੀ ਅਤੇ 1 ਮਾਰਚ ਨੂੰ ਸ਼ਹੀਦ ਪਾਰਕ ਵਿਖੇ ਕਰਵਾਇਆ ਜਾ ਰਿਹਾ ਦੋ ਰੋਜ਼ਾ ਫੱਗਣ ਤਿਉਹਾਰ ਸ਼ਿਆਮ ਪ੍ਰਭੂ ਖਾਟੂ ਵਾਲੇ ਜੀ ਦਾ ਅੱਜ ਸ਼ਾਮ ਬਾਬਾ ਜੀ ਦੇ ਸੀਸ ਤੇ ਝੰਡੇ ਦੀ ਪੂਜਾ ਨਾਲ ਸ਼ੁਰੂ ਹੋ ਗਿਆ। ਪੰਡਿਤ ਹਰੀਓਮ ਸ਼ਰਮਾ ਦੀ ਅਗਵਾਈ ਵਿਚ ਹੋਸਟ ਸੁਰੇਸ਼ ਕੁਮਾਰ ਐਂਡ ਕੰਪਨੀ ਦੇ ਸੁਰੇਸ਼ ਕੁਮਾਰ, ਜੈ ਸ਼੍ਰੀ ਸ਼ਿਆਮ ਸੇਵਾ ਪਰਿਵਾਰ ਦੇ ਪੰਡਿਤ ਹਰੀਓਮ ਸ਼ਰਮਾ, ਗਾਇਕ ਧਰਮਿੰਦਰ ਸ਼ਰਮਾ, ਸੁਨੀਲ ਕੁਮਾਰ ਸ਼ਰਮਾ, ਰਾਜਿੰਦਰ ਮਿੱਡਾ, ਅਨਮੋਲ ਸ਼ਰਮਾ, ਕਰਨ ਸ਼ਰਮਾ, ਸ਼ਸ਼ੀਕਾਂਤ ਗੋਇਲ, ਬਲਜੀਤ ਬੱਗੀ, ਅਵਿਨਾਸ਼ ਕੁਮਾਰ, ਅਨਮੋਲ ਸ਼ਰਮਾ, ਰਘੂਵੀਰ ਸ਼ਰਮਾ, ਪ੍ਰਿੰਸਵੀਰ ਸ਼ਰਮਾ, ਰਘੂਵੀਰ ਸ਼ਰਮਾ, ਸੁਨੀਲ ਕੁਮਾਰ ਸ਼ਰਮਾ, ਕਰਨ ਸ਼ਰਮਾ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੇ ਸ਼ਿਆਮ ਬਾਬਾ ਦੇ ਸੀਸ ਦੀ ਪੂਜਾ, ਗਣਪਤੀ ਪੂਜਾ, ਝੰਡਾ ਪੂਜਾ, ਕਲਸ਼ ਪੂਜਾ ਦੀ ਰਸਮ ਅਦਾ ਕੀਤੀ। ਇਸ ਮੌਕੇ ਸ਼ਿਆਮ ਬਾਬਾ ਕੀ ਜੈ, ਲਖ ਦਾਤਾਰ ਕੀ ਜੈ ਦੇ ਨਾਅਰੇ ਲਾਏ ਗਏ। ਇਸ ਮੌਕੇ ਜੈਸ਼੍ਰੀ ਸ਼ਿਆਮ ਸੇਵਾ ਪਰਿਵਾਰ ਦੇ ਮੁਖੀ, ਰਜਿੰਦਰ ਮਿੱਡਾ, ਧਰਮਿੰਦਰ ਸ਼ਰਮਾ ਅਤੇ ਸੁਨੀਲ ਸ਼ਰਮਾ ਨੇ ਦੱਸਿਆ ਕਿ ਅਨਮੋਲ ਜਾਗਰਣ ਐਂਡ ਪਾਰਟੀ 1 ਮਾਰਚ ਨੂੰ ਸ਼ਾਮ 7 ਵਜੇ ਤੋਂ ਸ਼ਹੀਦੀ ਪਾਰਕ ਵਿਖੇ ਪ੍ਰਮਾਤਮਾ ਦੀ ਇੱਛਾ ਤੱਕ ਜਾਰੀ ਰਹਿਣ ਵਾਲੇ ਸ਼ਿਆਮ ਬਾਬਾ ਜੀ ਦੇ ਸੰਕੀਰਤਨ ਵਿਚ ਰੋਜ਼ਾਨਾ ਸ਼ਿਆਮ ਬਾਬਾ ਦਾ ਗੁਣਗਾਨ ਕਰਨਗੇ। ਸੰਕੀਰਤਨ ਵਿਚ ਸ਼ਿਆਮ ਬਾਬਾ ਦਾ ਵਿਸ਼ਾਲ ਦਰਬਾਰ ਖਿੱਚ ਦਾ ਕੇਂਦਰ ਹੋਵੇਗਾ। ਸੰਕੀਰਤਨ ਤੋਂ ਬਾਅਦ ਲੰਗਰ ਵੀ ਲਗਾਇਆ ਜਾਵੇਗਾ।