ਸਕੂਲ ਆਫ਼ ਐਮੀਨੇਂਸ ਦੇ ਦੌਰੇ 'ਤੇ ਸਿੱਖਿਆ ਮੰਤਰੀ: ਗੰਦਗੀ ਦੇਖ ਅਧਿਕਾਰੀਆਂ ਦੀ ਲਾਈ ਕਲਾਸ, ਦਿੱਤੇ ਇਹ ਹੁਕਮ

ਸਿੱਖਿਆ ਮੰਤਰੀ ਹਰਜੋਤ ਸਿੰਘ ਬੈਂਸ ਵੱਲੋਂ ਇਸ ਦੌਰਾਨ ਹੀ ਸਕੂਲ ਨਜ਼ਦੀਕ ਲੱਗੇ ਕੂੜੇ ਡੰਪ ’ਤੇ ਨਰਾਜ਼ ਦਿਖਾਈ ਦਿੱਤੇ ਅਤੇ ਤੁਰੰਤ ਉਨ੍ਹਾਂ ਨੇ ਇਸ ਨੂੰ ਹਟਾਉਣ ਲਈ ਕਿਹਾ । ਇਸ ਸਬੰਧੀ ਉਨ੍ਹਾਂ ਨਗਰ ਕੌਂਸਲ ਪ੍ਰਧਾਨ ਸੁਨੀਲ ਕੁਮਾਰ ਨੀਨੂੰ ਨੂੰ ਕਿਹਾ ਕਿ ਸਭ ਤੋਂ ਪਹਿਲਾਂ ਇਸ ਗੰਦਗੀ ਨੂੰ ਇੱਥੋਂ ਹਟਾਇਆ ਜਾਵੇ। ਉਨ੍ਹਾਂ ਕਿਹਾ ਕਿ ਸਕੂਲ ਉਨ੍ਹਾਂ ਹੀ ਪਵਿੱਤਰ ਹੈ, ਜਿੰਨ੍ਹਾਂ ਗੁਰਦੁਆਰਾ ਅਤੇ ਮੰਦਰ ਹੈ। ਇੱਥੋਂ ਵਿੱਦਿਆ ਮਿਲਦੀ ਹੈ। ਗੁਰਦੁਆਰਾ ਅਤੇ ਮੰਦਰ ਕੋਲ ਜਿਸ ਤਰ੍ਹਾਂ ਕੋਈ ਕੂੜਾ ਘਰ ਬਣਨਾ ਚੰਗਾ ਨਹੀਂ, ਇਸੇ ਤਰ੍ਹਾਂ ਸਕੂਲ ਵਿੱਦਿਆ ਮੰਦਰ ਹੈ ਅਤੇ ਇਸ ਨਜ਼ਦੀਕ ਵੀ ਕੂੜੇ ਦੇ ਢੇਰ ਨਹੀਂ ਲੱਗਣੇ ਚਾਹੀਦੇ। ਇਸ ਨੂੰ ਮਤਾ ਪਾ ਕੇ ਹਟਾਇਆ ਜਾਵੇ। ਇੰਨ੍ਹਾਂ ਨੂੰ ਜਲਦ ਤੋਂ ਜਲਦ ਹਟਾਇਆ ਜਾਵੇ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ’ਤੇ ਵੀ ਆਪਣੀ ਇਹ ਵੀਡਿਉ ਸਾਂਝੀ ਕੀਤੀ ਹੈ। ਸਕੂਲ ਵਿੱਚ ਕੁੱਝ ਬੱਚੇ ਟੀਨਸ਼ੈਡ ਹੇਠਾਂ ਪੜ੍ਹਾਈ ਕਰਦੇ ਮਿਲੇ। ਇਸ ’ਤੇ ਮੰਤਰੀ ਨੇ ਉਨ੍ਹਾਂ ਕੋਲੋਂ ਮੁਆਫ਼ੀ ਮੰਗੀ ਅਤੇ ਵਿਸ਼ਵਾਸ ਦਿੱਤਾ ਕਿ ਅਗਲੇ ਇੱਕ ਮਹੀਨੇ ਵਿੱਚ ਉਨ੍ਹਾਂ ਨੂੰ ਨਵੀਂ ਅਤੇ ਆਧੁਨਿਕ ਸਹੂਲਤਾਂ ਨਾਲ ਲੈੱਸ ਸ਼ਾਨਦਾਰ ਸਕੂਲ ਬਿਲਡਿੰਗ ਮਿਲੇਗੀ, ਜਿੱਥੇ ਉਹ ਬਿਹਤਰ ਮਾਹੌਲ ’ਚ ਪੜ੍ਹਾਈ ਕਰ ਸਕਣਗੇ।