ਬਿੱਲ ਮੰਗਣ 'ਤੇ ਗੁੰਡਾਗਰਦੀ: ਪੈਸੇ ਦੇਣ ਦੀ ਬਜਾਏ ਤਾਣੀ ਰਿਵਾਲਵਰ, ਹਵਾਈ ਫਾਇਰ ਕਰਕੇ ਇਲਾਕੇ 'ਚ ਫੈਲਾਈ ਦਹਿਸ਼ਤ

ਸੁੰਦਰ ਨਗਰ ਵਿੱਚ ਪੈਂਦੇ ਸ਼ਰਾਬ ਦੇ ਅਹਾਤੇ ਫਰੈਂਡ ਚਿਕਨ ਕਾਰਨਰ ਵਿੱਚ ਸ਼ਰਾਬ ਅਤੇ ਖਾਣ-ਪੀਣ ਦੇ ਬਿੱਲ ਨੂੰ ਲੈ ਕੇ ਹੋਇਆ ਮਾਮੂਲੀ ਵਿਵਾਦ ਉਸ ਵੇਲੇ ਸਨਸਨੀਖੇਜ਼ ਘਟਨਾ ਵਿੱਚ ਬਦਲ ਗਿਆ, ਜਦੋਂ ਦੋ ਨੌਜਵਾਨਾਂ ਨੇ ਕਥਿਤ ਤੌਰ ’ਤੇ ਰਿਵਾਲਵਰ ਕੱਢ ਕੇ ਅਹਾਤਾ ਮੁਲਾਜ਼ਮ ਨੂੰ ਧਮਕਾਉਣਾ ਸ਼ੁਰੂ ਕਰ ਦਿੱਤਾ। ਇੰਨਾ ਹੀ ਨਹੀਂ, ਦਹਿਸ਼ਤ ਫੈਲਾਉਣ ਦੇ ਇਰਾਦੇ ਨਾਲ ਦੋ ਹਵਾਈ ਫਾਇਰ ਵੀ ਕੀਤੇ ਗਏ। ਹਾਲਾਂਕਿ ਮੌਕੇ ’ਤੇ ਮੌਜੂਦ ਲੋਕਾਂ ਦੀ ਸੂਝਬੂਝ ਅਤੇ ਹਿੰਮਤ ਕਾਰਨ ਦੋਵੇਂ ਮੁਲਜ਼ਮ ਹਥਿਆਰ ਸਮੇਤ ਕਾਬੂ ਕਰਕੇ ਪੁਲਿਸ ਹਵਾਲੇ ਕਰ ਦਿੱਤੇ ਗਏ।