ਨੂਰਪੁਰ ਬੇਟ ’ਚ ਪਹਿਲੇ ਦਿਨ ਮੰਡੀ ’ਚ ਲੱਗਿਆ ਕਣਕ ਦਾ ਭਾਅ

ਸੁਖਦੇਵ ਸਲੇਮਪੁਰੀ, ਪੰਜਾਬੀ ਜਾਗਰਣ ਲੁਧਿਆਣਾ ਦਾਣਾ ਮੰਡੀਆਂ ਵਿਚ ਹਾੜੀ ਦੀ ਮੁੱਖ ਫਸਲ ਕਣਕ ਦੀ ਆਮਦ ਹੋਣ ਪਿੱਛੋਂ ਭਾਅ ਲੱਗਣਾ ਸ਼ੁਰੂ ਹੋ ਗਿਆ ਹੈ। ਬੇਟ ਇਲਾਕੇ ਦੀ ਵੱਡੀ ਮੰਡੀ ਨੂਰਪੁਰ ਬੇਟ ਵਿਚ ਅੱਜ ਪਹਿਲੇ ਦਿਨ ਕਣਕ ਦਾ ਭਾਅ ਲੱਗਿਆ। ਇਸ ਮੰਡੀ ਵਿਚ ਲਗਪਗ 8000 ਬੋਰੀਆਂ ਦੀ ਆਮਦ ਹੋਈ ਜਿਸ ਵਿਚੋਂ 1500 ਬੋਰੀਆਂ ਕਣਕ ਦੀ ਖਰੀਦ ਕੀਤੀ ਗਈ। ਇਸ ਮੌਕੇ ਮੰਡੀ ਸੁਪਰਵਾਈਜ਼ਰ ਹਰਦੀਪ ਸਿੰਘ ਹੈਪੀ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਚੱਕ ਕਲਾਂ ਦਾਣਾ ਮੰਡੀ ਵਿਚ ਵੀ ਕਣਕ ਦੀ ਖਰੀਦ ਸ਼ੁਰੂ ਹੋ ਚੁੱਕੀ ਹੈ। ਉਨ੍ਹਾਂ ਦੱਸਿਆ ਕਿ ਹੰਬੜਾਂ ਸਥਿਤ ਦਾਣਾ ਮੰਡੀ ਵਿਚ ਕਣਕ ਦੀ ਖਰੀਦ ਅੱਜ ਸ਼ੁਰੂ ਕੀਤੀ ਜਾਵੇਗੀ।