ਸਰਕਾਰੀ ਕਾਲਜ ਲੜਕੀਆਂ ਵਿਖੇ ਰੋਟਰੈਕਟ ਕਲੱਬ ਦਾ ਸਥਾਪਨਾ ਸਮਾਰੋਹ

ਜੇਸੀਆਈ ਲੁਧਿਆਣਾ ਸੈਂਟਰਲ ਨੇ ਕੀਤਾ ਪ੍ਰਭਾਵਸ਼ਾਲੀ ਔਰਤਾਂ ਦਾ ਸਨਮਾਨ ਪੁਨੀਤ ਬਾਵਾ, ਪੰਜਾਬੀ ਜਾਗਰਣ, ਲੁਧਿਆਣਾ ਸਰਕਾਰੀ ਕਾਲਜ ਲੜਕੀਆਂ ਲੁਧਿਆਣਾ ਦੇ ਰੋਟਰੈਕਟ ਕਲੱਬ ਆਰਆਈਡੀ 3070 ਨੇ ਪ੍ਰਿੰਸੀਪਲ ਸੁਮਨ ਲਤਾ ਦੀ ਯੋਗ ਅਗਵਾਈ ਹੇਠ ਆਪਣਾ ਸਥਾਪਨਾ ਸਮਾਰੋਹ ਕਰਵਾਇਆ। ਇਹ ਪ੍ਰੋਗਰਾਮ ਡਾ. ਮਾਧਵੀ ਵਿਸ਼ਿਸ਼ਟ ਕਲੱਬ ਸਲਾਹਕਾਰ ਅਤੇ ਇੰਚਾਰਜ ਪੂਨਮ, ਪਰਮਜੀਤ, ਜਸਪ੍ਰੀਤ ਤੇ ਸੁਜਾਤਾ ਦੀ ਅਗਵਾਈ ਹੇਠ ਕਰਵਾਇਆ ਗਿਆ। ਬੀਏ ਭਾਗ ਤੀਜਾ ਦੀ ਰੋਟਰੈਕਟਰ ਖੁਸ਼ੀ ਜੋਸ਼ੀ ਨੇ ਕਲੱਬ ਦੀ ਪ੍ਰਧਾਨ ਅਤੇ ਬੀਏ ਭਾਗ ਦੂਜਾ ਦੀ ਵਿਦਿਆਰਥਣ ਰੋਟਰੈਕਟਰ ਮ੍ਰਿਦੁਲਪ੍ਰੀਤ ਨੇ ਆਪਣੀ ਟੀਮ ਸਮੇਤ ਸਕੱਤਰ ਵਜੋਂ ਅਹੁਦਾ ਸੰਭਾਲਿਆ।ਰੋਟਰੀ ਪ੍ਰਧਾਨ ਵਿਕਾਸ ਗੋਇਲ, ਜ਼ਿਲ੍ਹਾ ਸਕੱਤਰ ਕੋਆਰਡੀਨੇਟਰ ਰੋਟਰੈਕਟਰ ਆਤਮਜੀਤ ਸਿੰਘ ਅਤੇ ਜ਼ਿਲ੍ਹਾ ਰੋਟਰੈਕਟ ਪ੍ਰਤੀਨਿਧੀ (ਡੀਆਰਆਰ) ਦੀਪਾਂਸ਼ੂ ਨੇ ਇਕੱਠ ਨੂੰ ਸੰਬੋਧਨ ਕੀਤਾ ਅਤੇ ਆਪਣੇ ਕੀਮਤੀ ਵਿਚਾਰ ਸਾਂਝੇ ਕੀਤੇ। ਇਸ ਸਮਾਗਮ ’ਚ ਰੋਟੇਰੀਅਨ-ਜ਼ਿਲ੍ਹਾ ਸਕੱਤਰ ਕੋ-ਆਰਡੀਨੇਟਰ ਰੋਟਰੈਕਟਰ ਆਤਮਜੀਤ ਸਿੰਘ, ਸਹਾਇਕ ਡੀਆਰਆਰ ਰਿਟਾਇਰਡ ਰੋਹਨ ਤੁਲੀ,ਸਾਬਕਾ ਜ਼ਿਲ੍ਹਾ ਰੋਟਰੈਕਟ ਪ੍ਰਤੀਨਿਧੀ ਰਿਟਾਇਰਡ ਰਜਤ ਦੀਧਾਰੀ ਅਤੇ ਰੋਟਰੀ ਕਲੱਬ ਨੌਰਥ ਦੇ ਹੋਰ ਮੈਂਬਰ ਵੀ ਹਾਜ਼ਰ ਸਨ। ਰੋਟਰੈਕਟ ਕਲੱਬ ਦੀ 2025-26 ਸੈਸ਼ਨ ਲਈ ਸਾਲਾਨਾ ਰਿਪੋਰਟ ਖੁਸ਼ੀ ਜੋਸ਼ੀ ਵੱਲੋਂ ਪੇਸ਼ ਕੀਤੀ ਗਈ, ਜਿਸ ਵਿੱਚ ਕਲੱਬ ਦੁਆਰਾ ਸਾਲ ਭਰ ਕੀਤੀਆਂ ਗਈਆਂ ਪ੍ਰਮੁੱਖ ਗਤੀਵਿਧੀਆਂ, ਪ੍ਰਾਪਤੀਆਂ ਅਤੇ ਪਹਿਲਕਦਮੀਆਂ ਨੂੰ ਉਜਾਗਰ ਕੀਤਾ ਗਿਆ। ਜੀਸੀਜੀ ਦੀਆਂ ਵਿਦਿਆਰਥਣਾਂ ਦੁਆਰਾ ਵਾਤਾਵਰਣ ਜਾਗਰੂਕਤਾ ਅਤੇ ਸੜਕ ਸੁਰੱਖਿਆ ਵਿਸ਼ਿਆਂ ਤੇ ਦੋ ਪੇਸ਼ਕਾਰੀਆਂ ਦਿੱਤੀਆਂ ਗਈਆਂ, ਜਿਸ ਦਾ ਉਦੇਸ਼ ਭਾਈਚਾਰੇ ਵਿੱਚ ਜਾਗਰੂਕਤਾ ਪੈਦਾ ਕਰਨਾ ਸੀ। ਸਮਾਗਮ ਦੇ ਦੂਜੇ ਹਿੱਸੇ ਵਿੱਚ ਜੇਸੀਆਈ ਲੁਧਿਆਣਾ ਸੈਂਟਰਲ ਵੱਲੋਂ ਪ੍ਰਭਾਵਸ਼ਾਲੀ ਮਹਿਲਾ ਪੁਰਸਕਾਰ ਸਮਾਰੋਹ ਨੂੰ ਸ਼ਾਮਲ ਕੀਤਾ ਗਿਆ, ਜਿਸ ਵਿੱਚ ਸਿੱਖਿਆ ਤੇ ਉੱਦਮਤਾ ਦੇ ਵੱਖ-ਵੱਖ ਖੇਤਰਾਂ ਤੋਂ ਲੁਧਿਆਣਾ ਦੀਆਂ ਮੋਹਰੀ ਔਰਤਾਂ ਦਾ ਸਨਮਾਨ ਕੀਤਾ ਗਿਆ। ਜੀਸੀਜੀ ਤੋਂ ਸਨਮਾਨ ਪ੍ਰਾਪਤ ਕਰਨ ਵਾਲਿਆਂ ਵਿੱਚ ਪ੍ਰਿੰਸੀਪਲ ਸੁਮਨ ਲਤਾ , ਵਾਈਸ ਪ੍ਰਿੰਸੀਪਲ ਸਰਿਤਾ, ਡਾ. ਮਾਧਵੀ ਵਿਸ਼ਿਸ਼ਟ ਸਲਾਹਕਾਰ ਰੋਟਰੈਕਟ ਕਲੱਬ, ਪਰਮਜੀਤ, ਪੂਨਮ ਸ਼ਾਮਲ ਸਨ।