ਮੌਸਮ ਦੀ ਬਦਲੀ ਤਸਵੀਰ: ਸਾਲ ਦੇ ਪਹਿਲੇ ਦਿਨ ਪੰਜ ਸਾਲ ਬਾਅਦ ਵਰ੍ਹਿਆ ਮੀਂਹ, ਸੰਘਣੀ ਧੁੰਦ ਤੇ ਮੀਂਹ ਨਾਲ ਹੋਈ ਨਵੇਂ ਵਰ੍ਹੇ ਦੀ ਸ਼ੁਰੂਆਤ

ਪਲਵਿੰਦਰ ਸਿੰਘ ਢੁੱਡੀਕੇ, ਪੰਜਾਬੀ ਜਾਗਰਣ, ਲੁਧਿਆਣਾ। ਵੀਰਵਾਰ ਨੂੰ ਸੰਘਣੀ ਧੁੰਦ ਅਤੇ ਮੀਂਹ ਦਰਮਿਆਨ ਨਵੇਂ ਵਰ੍ਹੇ ਦੀ ਸ਼ੁਰੂਆਤ ਹੋਈ। ਪੰਜ ਵਜੇ ਦੇ ਕਰੀਬ ਆਰੰਭ ਹੋਇਆ ਮੀਂਹ ਦੋ ਘੰਟੇ ਦੇ ਕਰੀਬ ਵਰ੍ਹਦਾ ਰਿਹਾ। ਇਸ ਦਿਨ ਪਏ ਮੀਂਹ ਨੇ ਬਕਾਇਦਾ ਠੰਡ ਦਾ ਐਲਾਨ ਕਰ ਦਿੱਤਾ। ਇੱਕ ਮੀਂਹ ਅਤੇ ਉੱਪਰੋਂ ਕਈ ਇਲਾਕਿਆਂ ਦੀ ਬੰਦ ਹੋਈ ਬਿਜਲੀ ਨੇ ਲੋਕਾਂ ਨੂੰ ਪਰੇਸ਼ਾਨ ਕਰ ਦਿੱਤਾ। ਮੀਂਹ ਜਿੱਥੇ ਟਰੈਫਿਕ ਦਾ ਕਾਰਨ ਬਣਿਆ ਉੱਥੇ ਖੜ੍ਹੇ ਪਾਣੀ ਕਾਰਨ ਰਾਹਗੀਰਾਂ ਨੂੰ ਵੀ ਦਿੱਕਤਾਂ ਪੇਸ਼ ਆਈਆਂ।

ਕੁੱਝ ਲੋਕਾਂ ਨੇ ਗੱਲ ਕਰਦੇ ਹੋਏ ਕਿਹਾ ਕਿ ਮੀਂਹ ਪੈਣਾ ਤਾਂ ਕੁਦਰਤ ਦੇ ਵੱਸ ਹੈ ਪਰ ਨਵੇਂ ਸਾਲ ਦੇ ਪਹਿਲੇ ਹੀ ਦਿਨ ਬਿਨ੍ਹਾਂ ਕਿਸੇ ਆਗਾਹੂ ਸੂਚਨਾ ਦੇ ਸਵੇਰ ਵੇਲੇ ਬਿਜਲੀ ਦਾ ਕੱਟ ਸਮਝ ਤੋਂ ਬਾਹਰ ਹੈ। ਕੁੱਝ ਲੋਕਾਂ ਦਾ ਇਹ ਵੀ ਕਹਿਣਾ ਸੀ ਕਿ ਮੀਂਹ ਪੈਣਾ ਚੰਗੀ ਗੱਲ ਹੈ, ਇਸ ਨਾਲ ਬਿਮਾਰੀਆਂ ਦਾ ਖਤਰਾ ਘੱਟ ਹੋ ਜਾਵੇਗਾ ਕਿਉਂਕਿ ਸੁੱਕੀ ਠੰਡ ਮਾਰ ਕਰਦੀ ਹੈ।

ਸਾਲ ਦੇ ਪਹਿਲੇ ਦਿਨ ਪੰਜ ਸਾਲ ਬਾਅਦ ਵਰ੍ਹਿਆ ਮੀਂਹ-ਡਾ.ਕਿੰਗਰਾ