ਵਿਆਹ ਦਾ ਝਾਂਸਾ ਤੇ 24 ਲੱਖ ਦੀ ਲੁੱਟ: ਪਤੀ ਦੀ ਮੌਤ ਮਗਰੋਂ ਬੇਸਹਾਰਾ ਮਹਿਲਾ ਨੂੰ ਬਣਾਇਆ ਹਵਸ ਦਾ ਸ਼ਿਕਾਰ; ਯੂਪੀ ਦਾ ਮੁਹੰਮਦ ਅਕਬਰ ਨਾਮਜ਼ਦ

ਸ਼ਿਕਾਇਤ ਕਰਤਾ ਮੁਤਾਬਕ ਵਿਆਹ ਮਗਰੋਂ ਉਸ ਦੇ ਪਤੀ ਦੀ ਮੌਤ ਹੋ ਗਈ ਅਤੇ ਉਸ ਦਾ ਸੰਪਰਕ ਮੁਲਜਮ ਮੁਹੰਮਦ ਅਕਬਰ ਜੈਦੀ ਨਾਲ ਹੋਇਆ। ਮੁਲਜਮ ਨੇ ਉਸ ਨਾਲ ਵਿਆਹ ਕਰਵਾਉਣ ਦਾ ਝਾਂਸਾ ਦੇ ਕੇ ਕਈ ਵਾਰ ਉਸ ਨਾਲ ਸਰੀਰਕ ਸਬੰਧ ਬਣਾਏ ਅਤੇ ਬਾਅਦ ਵਿੱਚ ਉਸ ਨਾਲ ਵਿਆਹ ਕਰਵਾਉਣ ਤੋਂ ਇਨਕਾਰੀ ਹੋ ਗਿਆ। ਪੀੜਤਾ ਮੁਤਾਬਕ ਉਸ ਨਾਲ ਸੰਬੰਧ ਬਣਾਉਣ ਮਗਰੋਂ ਮੁਲਜਮ ਨੇ ਵੱਖ ਵੱਖ ਢੰਗ ਤਰੀਕਿਆਂ ਨਾਲ ਉਸ ਕੋਲੋਂ ਕਰੀਬ 24 ਲੱਖ ਰੁਪਏ ਵੀ ਹੜੱਪ ਲਏ ਅਤੇ ਹੁਣ ਉਸ ਦੀ ਰਕਮ ਵੀ ਵਾਪਸ ਨਹੀਂ ਦੇ ਰਿਹਾ। ਇਸ ਮਾਮਲੇ ਤੇ ਤਫਤੀਸ਼ੀ ਅਧਿਕਾਰੀ ਸਹਾਇਕ ਥਾਣੇਦਾਰ ਕੁਲਵਿੰਦਰ ਸਿੰਘ ਮੁਤਾਬਕ ਉਕਤ ਮਾਮਲੇ ਵਿੱਚ ਕਾਨੂੰਨੀ ਮਾਹਿਰਾਂ ਦੀ ਪੜਤਾਲ ਮਗਰੋਂ ਮੁਲਾਜ਼ਮ ਖਿਲਾਫ ਬਲਾਤਕਾਰ ਅਤੇ ਧੋਖਾ ਦੇਹੀ ਦੇ ਦੋਸ਼ਾਂ ਅਧੀਨ ਪਰਚਾ ਦਰਜ ਕਰਕੇ ਮੁਲਜਮ ਦੀ ਗ੍ਰਿਫਤਾਰੀ ਲਈ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਗਈ ਹੈ।