ਖਾਲਸਾ ਕਾਲਜ ਲੜਕੀਆਂ ’ਚ ਇਨੋਵੇਟਰਸ ਆਈਡੀਆਥਨ 1.0 ਕਰਵਾਇਆ

ਫੋਟੋ ਨੰਬਰ-6 ਪੁਨੀਤ ਬਾਵਾ, ਪੰਜਾਬੀ ਜਾਗਰਣ, ਲੁਧਿਆਣਾ : ਇਨੋਵੇਸ਼ਨ ਮਿਸ਼ਨ ਦੇ ਸਹਿਯੋਗ ਨਾਲ ਖਾਲਸਾ ਕਾਲਜ ਲੜਕੀਆਂ ਸਿਵਲ ਲਾਈਨਜ਼ ਲੁਧਿਆਣਾ ਦਾ ਇਨੋਵੇਸ਼ਨ ਸੈੱਲ ਪੰਜਾਬ ਨੇ ਕਾਲਜ ਆਡੀਟੋਰੀਅਮ ਵਿੱਚ ਇਨੋਵੇਟਰਜ਼ ਆਈਡੀਆਥਨ 1.0 ਦਾ ਪ੍ਰਬੰਧ ਕੀਤਾ। ਇਸ ਵਿਲੱਖਣ ਮੁਕਾਬਲੇ ਦਾ ਉਦੇਸ਼ ਉੱਭਰ ਰਹੇ ਉੱਦਮੀਆਂ ਨੂੰ ਆਪਣੇ ਵਿਚਾਰਾਂ ਨੂੰ ਪ੍ਰੋਟੋਟਾਈਪ ’ਚ ਬਦਲਣ ਲਈ ਇਕ ਮੰਚ ਦੇਣਾ ਸੀ। ਸੀਈਓ ਤੇ ਮਿਸ਼ਨ ਡਾਇਰੈਕਟਰ ਆਈਐਮ ਪੰਜਾਬ ਸੋਮਵੀਰ ਆਨੰਦ ਨੇ ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਉਨ੍ਹਾਂ ਨੇ ਸਮਾਜ ਵਿੱਚ ਸਹਿਯੋਗ ਦੀ ਮਹੱਤਤਾ ਤੇ ਜ਼ੋਰ ਦੇ ਕੇ ਵਿਦਿਆਰਥੀਆਂ ਨੂੰ ਪ੍ਰੇਰਿਤ ਕੀਤਾ, ਜੋ ਸੁਪਨਿਆਂ ਨੂੰ ਹਕੀਕਤ ’ਚ ਬਦਲਣ ਦਾ ਸਮਰਥਨ ਕਰਦਾ ਹੈ। ਲੀਡ- ਮਾਰਕੀਟਿੰਗ ਤੇ ਕੈਂਪਸ ਪ੍ਰੋਗਰਾਮ ਆਈਐਮ ਪੰਜਾਬ ਆਸ਼ੂਤੋਸ਼ ਢੀਂਗਰਾ ਅਤੇ ਸਹਿ-ਸੰਸਥਾਪਕ ਤੇ ਸੀਈਓ ਡਰਮਾਬੇ ਸਕਿਨਕੇਅਰ ਦਿਵਨੀਤ ਕੌਰ ਨੇ ਮੁਕਾਬਲੇ ਲਈ ਜੱਜਾਂ ਵਜੋਂ ਭੂਮਿਕਾ ਨਿਭਾਈ, ਜਿੱਥੇ 15 ਟੀਮਾਂ ਨੇ ਆਪਣੇ ਵਿਚਾਰ ਪੇਸ਼ ਕੀਤੇ। ਟੀਮ ਬਾਇਓਗ੍ਰੋ ਕਿੱਟ ਨੂੰ ਪਹਿਲਾ ਸਥਾਨ, ਟੀਮ ਰੀਵੀਵ ਨੇ ਦੂਜਾ ਸਥਾਨ ਅਤੇ ਟੀਮ ਮਟੀਰੀਅਲ ਡੀਐਨਏ ਏਆਈ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ। ਇਸ ਮੌਕੇ ਮੈਡਮ ਕੁਸ਼ਲ ਢਿੱਲੋਂ ਮੈਨੇਜਰ ਕੇਸੀਡਬਲਯੂ ਨੇ ਸ਼ਾਮਲ ਹੋਏ। ਡਾਇਰੈਕਟਰ ਡਾ. ਮੁਕਤੀ ਗਿੱਲ ਨੇ ਸਮਾਗਮ ਦੇ ਪ੍ਰਬੰਧਕਾਂ ਨੂੰ ਨੌਜਵਾਨ ਉੱਦਮੀਆਂ ਨੂੰ ਆਪਣੇ ਵਿਚਾਰਾਂ ਨੂੰ ਪ੍ਰਦਰਸ਼ਿਤ ਕਰਨ ਲਈ ਇੱਕ ਮੰਚ ਪ੍ਰਦਾਨ ਕਰਨ ਲਈ ਵਧਾਈ ਦਿੱਤੀ।