ਹਾਈਵੇਅ 'ਤੇ ਗੁੰਡਾਗਰਦੀ! ਹਥਿਆਰਬੰਦ ਬਦਮਾਸ਼ਾਂ ਨੇ ਘੇਰਿਆ ਗੈਸ ਏਜੰਸੀ ਦਾ ਮੁਲਾਜ਼ਮ; ਟਾਇਰ ਬਦਲਦੇ ਸਮੇਂ ਨਗਦੀ ਖੋਹ ਕੇ ਹੋਏ ਫ਼ਰਾਰ

ਸਥਾਨਕ ਨੂਰਾਂ ਵਾਲਾ ਰੋਡ ਬਜਰੰਗ ਵਿਹਾਰ ਇਲਾਕੇ ਵਿੱਚ ਗੈਸ ਸਪਲਾਈ ਕਰ ਰਹੇ ਇਹ ਏਜੰਸੀ ਮੁਲਾਜ਼ਮ ਨਾਲ ਮੋਟਰਸਾਈਕਲ ਸਵਾਰਾਂ ਨੇ ਤੇਜਧਾਰ ਹਥਿਆਰ ਦੇ ਜ਼ੋਰ ਤੇ ਲੁੱਟ ਦੀ ਵਾਰਦਾਤ ਅੰਜਾਮ ਦਿੱਤੀ। ਬਦਮਾਸ਼ਾਂ ਨੇ ਸਪਲਾਈ ਵਾਲੇ ਵਾਹਨ ਦੀ ਮੁਰੰਮਤ ਕਰ ਰਹੇ ਏਜੰਸੀ ਮੁਲਾਜ਼ਮ ਕੋਲੋਂ ਸਿਲੰਡਰਾਂ ਦੀ ਸੇਲ ਵਾਲੀ ਰਕਮ ਲੁੱਟੀ ਅਤੇ ਧਮਕਾਉਂਦੇ ਹੋਏ ਮੌਕੇ ਤੋਂ ਫਰਾਰ ਹੋ ਗਏ। ਇਸ ਵਾਰਦਾਤ ਦੀ ਜਾਣਕਾਰੀ ਮਿਲਣ ਮਗਰੋਂ ਥਾਣਾ ਬਸਤੀ ਜੋਧੇਵਾਲ ਪੁਲਿਸ ਨੇ ਵਾਰਦਾਤ ਦਾ ਸ਼ਿਕਾਰ ਹੋਏ ਦੁਆਰਕਾ ਪ੍ਰਸਾਦ ਦੇ ਬਿਆਨ ਉੱਪਰ ਪਰਚਾ ਦਰਜ ਕਰਕੇ ਬਦਮਾਸ਼ਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।