ਕਾਮੇਡੀਅਨ ਟੀਟੂ ਬਾਣੀਆਂ ਬੈਂਡ-ਵਾਜਿਆਂ ਨਾਲ ਪਹੁੰਚੇ ਹਲਵਾਰਾ ਹਵਾਈ ਅੱਡੇ, ਅਨੋਖੇ ਅੰਦਾਜ਼ ’ਚ ਜਤਾਇਆ ਵਿਰੋਧ

ਸੰਜੀਵ ਗੁਪਤਾ, ਪੰਜਾਬੀ ਜਾਗਰਣ, ਜਗਰਾਉਂ। ਪਿਛਲੇ ਦਿਨੀ ਬਰਸਾਤ ’ਚ ਹਲਵਾਰਾ ਹਵਾਈ ਅੱਡੇ ’ਤੇ ਹੋਏ ਨੁਕਸਾਨ ਦੇ ਵਿਰੋਧ ’ਚ ਕਮੇਡੀਅਨ ਟੀਟੂ ਬਾਣੀਆਂ ਬੈਂਡ ਵਾਜੇ ਲੈ ਕੇ ਪੁੱਜੇ। ਉਨ੍ਹਾਂ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਹਲਵਾਰਾ ਹਵਾਈ ਅੱਡੇ ਦੇ ਹੋਏ ਨਿਰਮਾਣ ’ਚ ਵੱਡੀਆਂ ਖਾਮੀਆਂ ਸਾਹਮਣੇ ਆਈਆਂ ਹਨ।

ਪਹਿਲੀ ਬਰਸਾਤ ਨੇ ਵੱਡੇ ਗੜਬੜ ਘੁਟਾਲੇ ਦੀ ਪੋਲ ਖੋਲ ਕੇ ਰੱਖ ਦਿੱਤੀ। ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਨੇ ਇਸ ਦੇ ਨਿਰਮਾਣ ’ਚ ਜੋ ਖਾਮੀਆਂ ਰੱਖੀਆਂ ਸਨ, ਉਸ ਦਾ ਖਮਿਆਜਾ ਆਮ ਲੋਕਾਂ ਨੂੰ ਭੁਗਤਣਾ ਪੈ ਰਿਹਾ ਹੈ।