ਘਰ ਦੇ ਬਾਹਰ ਲਹੂ-ਲੁਹਾਣ ਹਾਲਤ 'ਚ ਮਿਲੀ ਲਾਸ਼, ਇਲਾਕੇ 'ਚ ਫੈਲੀ ਦਹਿਸ਼ਤ; ਕਤਲ ਦਾ ਖ਼ਦਸ਼ਾ

ਚੰਡੀਗੜ੍ਹ ਰੋਡ ਸਥਿਤ ਹੈਪੀ ਕਲੋਨੀ ਦੇ ਰਹਿਣ ਵਾਲੇ ਮ੍ਰਿਤਕ ਦੇ ਭਰਾ ਅਰਜਨ ਯਾਦਵ ਮੁਤਾਬਕ ਉਸ ਦਾ ਭਰਾ ਬਾਬੂ ਕਾਂਤ ਬੀਤੀ ਰਾਤ ਉਸ ਨੂੰ ਮਿਲ ਕੇ ਆਪਣੇ ਕਮਰੇ ਚਲਾ ਗਿਆ ਅਤੇ ਸਵੇਰੇ ਉਸ ਦੀ ਲਾਸ਼ ਘਰ ਦੇ ਨਜ਼ਦੀਕ ਬਾਹਰ ਗਲੀ ਵਿੱਚ ਪਈ ਬਰਾਮਦ ਹੋਈ। ਬਾਬੂ ਕਾਂਤ ਦੀ ਪਤਨੀ ਨੇ ਲਾਸ਼ ਵੇਖ ਕੇ ਰੌਲਾ ਪਾਇਆ ਅਤੇ ਆਢੀਆਂ ਗਵਾਢੀਆਂ ਨੂੰ ਸੱਦਿਆ। ਮ੍ਰਿਤਕ ਦੇ ਚਿਹਰੇ ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਵਾਰ ਕਰਨ ਤੇ ਫੱਟ ਸਨ, ਜਿਸ ਤੋਂ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਬਾਬੂ ਕਾਂਤ ਦੇ ਮੂੰਹ ਦੇ ਅੰਦਰ ਛੁਰਾ ਮਾਰਿਆ ਗਿਆ ਹੋਵੇਗਾ। ਬਾਬੂ ਕਾਂਤ ਹੈਪੀ ਕਲੋਨੀ ਵਿੱਚ ਆਪਣੀ ਪਤਨੀ ਅਤੇ ਧੀ ਨਾਲ ਰਹਿੰਦਾ ਸੀ ਜਦ ਕਿ ਉਸ ਦਾ ਬੇਟਾ ਬਿਹਾਰ ਵਿੱਚ ਬਾਕੀ ਪਰਿਵਾਰ ਨਾਲ ਰਹਿ ਰਿਹਾ ਹੈ।