ਪੰਜਾਬ 'ਚ ਘਰੇਲੂ ਗੈਸ ਸਪਲਾਈ ਦੀ ਕੀ ਹੈ ਸਥਿਤੀ? ਸਿਰਫ਼ ਇਸ ਕਾਰਨ ਆਨਲਾਈਨ ਬੁਕਿੰਗ ਹੋਈ ਹੈ ਠੱਪ, ਹੁਣ ਇੰਝ ਕਰੋ ਏਜੰਸੀ ਨਾਲ ਸੰਪਰਕ

ਖਪਤਕਾਰਾਂ ਦੀਆਂ ਹੱਡਬੀਤੀਆਂ

• ਪ੍ਰਕਾਸ਼ ਦੇਵ (ਕਪੂਰਥਲਾ): "ਮੈਂ ਦੋ ਦਿਨਾਂ ਤੋਂ ਬੁਕਿੰਗ ਕਰ ਰਿਹਾ ਸੀ। ਬੁਕਿੰਗ ਸਫਲ ਹੋਣ ਦਾ ਮੈਸੇਜ ਆਇਆ ਪਰ ਨਾਲ ਹੀ ਮੈਸੇਜ ਆ ਗਿਆ ਕਿ ਸਿਲੰਡਰ ਡਿਲੀਵਰ ਹੋ ਗਿਆ ਹੈ, ਜਦਕਿ ਘਰ ਸਿਲੰਡਰ ਪਹੁੰਚਿਆ ਹੀ ਨਹੀਂ। ਏਜੰਸੀ ਜਾ ਕੇ ਸ਼ਿਕਾਇਤ ਕਰਨ ਤੋਂ ਬਾਅਦ ਹੀ ਸਿਲੰਡਰ ਮਿਲਿਆ।"

• ਵਰੁਣ ਰਿਸ਼ੂ: "ਕਈ ਵਾਰ ਨੰਬਰ ਡਾਇਲ ਕਰਨ 'ਤੇ ਵੀ ਗੈਸ ਬੁੱਕ ਨਹੀਂ ਹੋ ਰਹੀ। ਘਰ ਦਾ ਸਿਲੰਡਰ ਖਤਮ ਹੋਣ ਵਾਲਾ ਹੈ ਅਤੇ 25 ਦਿਨਾਂ ਦੇ ਗੈਪ ਵਾਲੀ ਸ਼ਰਤ ਪੂਰੀ ਹੋਣ ਦੇ ਬਾਵਜੂਦ ਬੁਕਿੰਗ ਨਹੀਂ ਹੋ ਰਹੀ।"

ਸਰਵਰ 'ਤੇ ਵਧਿਆ ਲੋਡ: DFSC

ਜ਼ਿਲ੍ਹਾ ਖੁਰਾਕ ਤੇ ਸਪਲਾਈ ਕੰਟਰੋਲਰ (DFSC) ਹਰਸ਼ਰਨਜੀਤ ਸਿੰਘ ਬਰਾੜ ਨੇ ਕਿਹਾ ਕਿ ਅਚਾਨਕ ਬੁਕਿੰਗ ਵਧਣ ਕਾਰਨ ਸਰਵਰ 'ਤੇ ਲੋਡ ਪੈ ਗਿਆ ਹੈ, ਜਿਸ ਕਾਰਨ ਮੈਸੇਜ ਜਨਰੇਟ ਹੋਣੇ ਬੰਦ ਹੋ ਗਏ ਹਨ। ਉਨ੍ਹਾਂ ਕਿਹਾ ਕਿ ਖਪਤਕਾਰਾਂ ਨੂੰ ਘਬਰਾਉਣ ਦੀ ਲੋੜ ਨਹੀਂ ਹੈ, ਜ਼ਿਲ੍ਹੇ ਵਿੱਚ ਗੈਸ ਦੀ ਕੋਈ ਕਿੱਲਤ ਨਹੀਂ ਹੈ। ਲੋਕ ਵਟਸਐਪ ਜਾਂ ਸਿੱਧਾ ਫੋਨ ਕਰਕੇ ਬੁਕਿੰਗ ਕਰਵਾ ਸਕਦੇ ਹਨ, ਬਸ਼ਰਤੇ ਕਿ 25 ਦਿਨਾਂ ਦਾ ਅੰਤਰ (Gap) ਪੂਰਾ ਹੋਵੇ।

ਬੁਕਿੰਗ ਦੇ ਆਮ ਤਰੀਕੇ

• Indane Gas: ਖਪਤਕਾਰ 7718955555 'ਤੇ ਕਾਲ ਕਰਕੇ ਜਾਂ 7588888824 'ਤੇ ਵਟਸਐਪ ਰਾਹੀਂ "REFILL" ਲਿਖ ਕੇ ਭੇਜ ਸਕਦੇ ਹਨ।

• Bharat Gas: ਖਪਤਕਾਰ 1800 22 4344 'ਤੇ ਵਟਸਐਪ ਰਾਹੀਂ "HI" ਭੇਜ ਕੇ ਜਾਂ 7715012345 'ਤੇ ਕਾਲ/ਮੈਸੇਜ ਰਾਹੀਂ ਬੁਕਿੰਗ ਕਰ ਸਕਦੇ ਹਨ।

ਪੰਜਾਬ ਦੀਆਂ ਮੁੱਖ ਗੈਸ ਏਜੰਸੀਆਂ ਦੇ ਸੰਪਰਕ ਨੰਬਰ